ISFT Samarqand

ISFT VA WOOSUK UNIVERSITY: YANGI IMKONIYATLAR, MUSHTARAK MAQSADLAR

🇺🇿🇰🇷Avval xabar berganimizdek, ISFT Instituti delegatsiyasining Janubiy Koreyaga xizmat safari doirasida xalqaro hamkorlikni kengaytirish va talabalar uchun yangi imkoniyatlar yaratishga qaratilgan muhim kelishuvlarga erishilmoqda.

🤝Navbatdagi manzil — Woosuk University. Universitet rahbariyati va fakultetlar vakillari bilan o‘tkazilgan uchrashuvlar yakunida Hamkorlik memorandumi (MoU) hamda Talabalar almashinuvi to‘g‘risidagi kelishuv (SEA) imzolandi. Ushbu hujjatlar akademik aloqalarni mustahkamlash va talabalar uchun yangi xalqaro imkoniyatlar yaratishda muhim ahamiyat kasb etadi.
🌍Kelishuvlar ISFT talabalariga Woosuk University’da tahsil olish, xalqaro tajriba orttirish va xorijiy ta’lim muhitida o‘z bilim hamda ko‘nikmalarini rivojlantirish imkonini beradi.
Muzokaralar davomida qo‘shma ta’lim dasturlarini yo‘lga qo‘yish, professor-o‘qituvchilar va fakultetlar o‘rtasidagi hamkorlikni rivojlantirish, qo‘shma ilmiy loyihalar hamda xalqaro konferensiyalar tashkil etish masalalari ham muhokama qilindi.
Mazkur kelishuvlar ISFT Instituti’ning xalqaro hamkorlik tarmog‘ini kengaytirish, ta’lim sifatini ilg‘or xalqaro tajriba asosida rivojlantirish va talabalar uchun yangi istiqbollarni ochishga xizmat qiladi.

XARAJATLAR TAHLILI — SAMARALI BOSHQARUV ASOSI!

📚Oliygohimizning “Iqtisodiyot va xalqaro moliyaviy boshqaruv” kafedrasi tomonidan 25-SFF-01 guruhi talabalari uchun Management Accounting fanidan “Cost Classification” mavzusida ochiq dars tashkil etildi.
O‘qituvchi Qodirov Zafar Abdivaxobovich boshchiligidagi mashg‘ulotda talabalar xarajatlarni tasniflash, doimiy va o‘zgaruvchan, bevosita va bilvosita xarajatlarni farqlashni amaliy misollar, hisob-kitoblar va biznes keyslar orqali o‘rgandilar.
Nazariya va amaliyot uyg‘unligi talabalarning xarajatlarni tahlil qilish hamda samarali boshqaruv qarorlarini qabul qilish ko‘nikmalarini rivojlantirishga xizmat qildi.

ISFTDA «ZAKOVAT» — BILIMLAR BELLASHUVI!

Institutimizda davlatimiz rahbarining PQ-96-son qarori ijrosi doirasida talaba-yoshlarning intellektual salohiyatini oshirish va bo‘sh vaqtini mazmunli tashkil etish maqsadida «Zakovat» intellektual o‘yinining 1-bosqichi bo‘lib o‘tdi.
Institut tyutori Z. B. Abdalimova tashabbusi bilan tashkil etilgan bellashuvda talabalar mantiqiy fikrlash, tarix, aniq va ijtimoiy fanlarga oid savollar orqali o‘z bilim va zukkoliklarini sinovdan o‘tkazdilar.
🤝Qizg‘in bahslar davomida jamoaviy hamkorlik, tezkor fikrlash va to‘g‘ri qaror qabul qilish mahorati namoyon bo‘ldi. Yuqori natija ko‘rsatgan jamoalar keyingi bosqichga yo‘llanma oldilar.
Bilim, tafakkur va jamoaviylik — muvaffaqiyat kaliti!

ISFT VA JEONBUK NATIONAL UNIVERSITY: XALQARO HAMKORLIKNING YANGI BOSQICHI!

🇺🇿🇰🇷ISFT Instituti delegatsiyasining Janubiy Koreyaga xizmat safari doirasida nufuzli Jeonbuk National University rahbariyati bilan muhim uchrashuvlar o‘tkazilib, xalqaro hamkorlikni rivojlantirish bo‘yicha kelishuvlarga erishildi.

🤝Muzokaralar yakunida ikki universitet o‘rtasida hamkorlik memorandumlari imzolandi. Tomonlar talabalar almashinuvi, qo‘shma ta’lim dasturlari va akademik xodimlar malakasini oshirish yo‘nalishlarida hamkorlikni kengaytirishga kelishib oldilar.

🎓 ISFT talabalari uchun yangi imkoniyatlar!
Kelishuvlarga ko‘ra, talabalar Jeonbuk National University’da bir semestr yoki bir o‘quv yili davomida tahsil olishlari mumkin. Dastur doirasida 20 nafardan ortiq talaba uchun stipendiya imkoniyatlari, shuningdek, universitetga ilk bor keladigan talabalar uchun 400 000 Janubiy Koreya voni miqdorida bir martalik stipendiya ajratilishi ko‘zda tutilgan.

Ushbu hamkorlik ISFT talabalariga xalqaro tajriba orttirish, Koreya ta’lim tizimi bilan yaqindan tanishish va o‘z akademik salohiyatini rivojlantirish uchun yangi yo‘llarni ochishiga ishonchimiz komil.

🇺🇿🇺🇸 Illinois Tech bilan hamkorlik doirasida talabalar uchun Information Session o‘tkazildi

ISFT Instituti va Illinois Institute of Technology (Illinois Tech, AQSh) o‘rtasidagi hamkorlik doirasida Toshkent va Samarqand kampuslari talabalari uchun bir vaqtning o‘zida onlayn Information Session tashkil etildi.

Sessiyada Illinois Tech vakili, direktor yordamchisi Bakul Dhabe ishtirok etib, talabalarga universitet, ta’lim dasturlari, o‘qish imkoniyatlari hamda xalqaro talabalar uchun yaratilgan sharoitlar haqida batafsil ma’lumot berdi.

Ochiq muloqot shaklida o‘tgan sessiya davomida talabalar Illinois Tech’da tahsil olish imkoniyatlari bilan yaqindan tanishib, o‘zlarini qiziqtirgan savollarni bevosita universitet vakiliga yo‘llash va ularga atroflicha javob olish imkoniyatiga ega bo‘ldilar.

Bunday uchrashuvlar talabalar uchun nafaqat xalqaro ta’lim imkoniyatlari haqida ko‘proq ma’lumot olish, balki o‘z oldiga yanada katta akademik maqsadlar qo‘yish va global imkoniyatlar sari dadil qadam tashlash uchun muhim turtki bo‘lib xizmat qiladi.

✅ ISFT — xalqaro ta’lim va yangi imkoniyatlar sari!

RANGLARDA AKS ETGAN XOTIRJAMLIK

✅ISFT instituti Samarqand filiali tyutorlari Jumaniyozova Zarina Keymirovna va Qo‘ziyeva Marjona Faxriddin qizi tashabbusi bilan 1-bosqich talabalari uchun “Mandala terapiyasi” mashg‘uloti tashkil etildi.
🎨Ranglar, shakllar va ijod orqali talabalar kundalik shovqindan bir zum uzoqlashib, o‘z ichki dunyosiga nazar tashladilar.
Mandala chizish jarayoni diqqatni jamlash, hissiy yengillik, xotirjamlik va o‘zini ifodalash uchun yaxshi imkoniyat yaratadi.

Ba’zan ruhiyatga kerak bo‘lgan eng yaxshi dam — bir varaq, bir nechta rang va biroz xotirjamlikdir.

BILIMGA YANA BIR ESHIK — OCHILDI!
🎓ISFT talabalari uchun 9 ta bepul to‘garak!
Zamonaviy buxgalteriya
International Accounting
Yosh menejerlar
Money Banking
Yosh iqtisodchilar
Financial Management
Marketing
Iqtisodchilar uchun matematika va yana bir qator yo‘nalishlar!
📅 Hafta davomida turli kun va vaqtlarda
O‘zingizga mos to‘garakni tanlang va yangi bilim sari qadam tashlang!

🇺🇿🇺🇸 ISFT Instituti va Illinois Tech hamkorlikni yangi bosqichga olib chiqmoqda

AQShning Illinois Institute of Technology (Illinois Tech) vakili ISFT Institutiga tashrif buyurib, tomonlar mavjud hamkorlikni yanada mustahkamlash, talabalar uchun xalqaro ta’lim imkoniyatlarini kengaytirish hamda yangi qo‘shma akademik tashabbuslarni yo‘lga qo‘yish masalalarini muhokama qildilar.

🤝 Uchrashuvda hamkorlikni amaliy loyihalar bilan boyitish, bakalavriat va magistratura bosqichlarida yangi ta’lim imkoniyatlarini yaratish istiqbollariga alohida e’tibor qaratildi.

Xususan, Iqtisodiyot, Biznes boshqaruvi, Marketing tahlili, Axborot texnologiyalari, Kompyuter fanlari, Kiberxavfsizlik va Ma’lumotlar tahlili (Data Science) yo‘nalishlari bo‘yicha hamkorlikni rivojlantirish imkoniyatlari ko‘rib chiqildi.

Shuningdek, tomonlar kelgusidagi qo‘shma akademik loyihalar va hamkorlikning keyingi bosqichlari yuzasidan fikr almashdilar.

Mazkur uchrashuv ISFT Instituti va Illinois Tech o‘rtasidagi hamkorlikni yanada rivojlantirish hamda talabalar uchun xalqaro akademik imkoniyatlarni kengaytirish yo‘lidagi muhim qadam bo‘ldi.

✅ ISFT Instituti — xalqaro hamkorlik orqali talabalar uchun global ta’lim imkoniyatlarini kengaytiradi.

YUTUQLARIMIZ!

CYBERKENT 4.0: ISFT TALABASI KIBERJANG MAYDONIDA!
“Kiberxavfsizlik sammiti – Markaziy Yevroosiyo, CSS 2026” doirasida start olgan “Cyberkent 4.0” musobaqasida ISFTning 3-kurs Axborot xavfsizligi yo‘nalishi sirtqi ta’lim talabasi Abdullayev Shaxriyor ham ishtirok etdi.
U “CTF Master” yo‘nalishida r4zor jamoasi tarkibida kuch sinashib, 2-o‘rinni egalladi. Jamoa 8 million so‘mlik mukofot bilan taqdirlandi.
Bu — bilimni sinovga, ko‘nikmani esa natijaga aylantirgan navbatdagi ISFT yutug‘i!
👏Shaxriyorni ISFT jamoasi nomidan ushbu natija bilan tabriklaymiz! Kelgusidagi kiberjanglarda yanada katta g‘alabalar tilaymiz!