Unseen Journal

Siya ay buhay! Ang libingan ay hindi nakapigil sa Kanya, at ang kamatayan ay natalo.

Si Jesucristo ay bumangon, patunay na ang kasalanan ay nabayaran na at ang kaligtasan ay ganap. Dahil Siya ay buhay, ang iyong pananampalataya ay may matibay na sandigan. Hindi ka na alipin ng takot o hatol. May bagong buhay kang nilalakaran araw-araw. Ang muling pagkabuhay Niya ang nagpapatunay na ang tagumpay ay tapos na, at ikaw ay kasama sa tagumpay na iyon sa Kanya.

“He is not here, but is risen: remember how he spake unto you when he was yet in Galilee,”
— Luke 24:6

Kung iniisip mo na ang “pinetensya” ay sapat na para mabayaran ang kasalanan, kailangan mo itong itama ayon sa Salita ng Diyos. Ang tunay na kailangan ng tao ay hindi sariling pagpaparusa, kundi tunay na pagsisisi at pagbabalik-loob sa Diyos.

Hindi hinahanap ng Panginoon ang sakit na pinipilit mo sa sarili mo. Hinahanap Niya ang pusong nagpapakumbaba at handang magbago. Ang kapatawaran ay hindi nakukuha sa gawa ng tao, kundi sa biyaya ng Diyos sa pamamagitan ni Cristo.

Sabi sa Acts 3:19:
“Repent ye therefore, and be converted, that your sins may be blotted out...”

Ephesians 2:8–9
“For by grace are ye saved through faith; and that not of yourselves: it is the gift of God:
Not of works, lest any man should boast.”

At tandaan mo ito: bayad na ang lahat. Hindi mo kailangang dagdagan pa ang ginawa ni Jesus.

Sa John 19:30, sinabi Niya:
“It is finished.”

Ibig sabihin, ang kabayaran sa kasalanan ay tinapos na Niya nang buo sa krus. Hindi kulang. Hindi kailangan dagdagan. Ang kailangan mo ay manampalataya at tanggapin ang Kanyang ginawa para sa iyo.

Lumapit ka sa Kanya. Magsisi ka at tanggapin Siya bilang sarili mong Tagapagligtas.

Doon may tunay na kapatawaran at kapayapaan.

Photo Credit: BalitangCasti