GrootCecil Braailemme

RIV Rambo

Ons harte is gister aan’t skerwe gebreek met die tragiese afsterwe van ons geliefde Rambo. Dié klein foksterriër met sy reuse persoonlikheid was onlosmaaklik deel van GrootCecil Braailemme.

Rambo was meer as die aantreklike snipsnoet gesig op bemarkingsfoto’s - hy was Groot Cecil se mees lojale kameraad, ewige skaduwee en vertroueling. Hy het die maak van elke lem in die werkswinkel oorsien, eerste ingespring wanneer die langpad aangedurf word, kliënte en uitstallers by elke mark om sy p**t gedraai, en altyd getrou die tuinduiwe op hul plek gehou (RIV, geveerde vriende)!

Sy maniertjies, lojaliteit, kameraadskap en knuffels onder Groot Cecil se baard gaan innig gemis word.

Ons werkswinkel, markte en harte gaan, sonder Rambo, nooit weer dieselfde wees nie.

Rus in vrede, liewe Rambo. Jou klein lyfie laat ‘n groot leemte.