FForce

المهم إنك تبدأي ✨

اعملي حفظ للريل وارجعيله كل ما احتجتي لإشارة 👏🏻

كم مرة نهيتي يومك وأنتِ حاسة إنك كنتِ بماراثون؟

بتركضي من هون لهون، بتطفي حريقة مع عميل عم بفاصل بالسعر، وحريقة ثانية مع عميل طالب تعديلات مش منطقية، وحريقة ثالثة مع ناس بتسأل عن أشياء ما إلها أي علاقة بمنتجك أو خدمتك!
النتيجة؟ بتنامي وأنتِ مستنزفة نفسياً، ومادياً.. والربح مش على قد التعب.
#المشكلة مش بالعملاء، المشكلة بـ "الفلتر" تبعك.
غياب "فلتر العميل المثالي" هو السبب. الخوف اللي جواتك من إنك تستبعدي ناس أو تقولي "هاد المنتج مش للكل"، هو بالضبط اللي عم يضيعك ويجيب لعملك العميل الخطأ.
قاعدة ذهبية في البزنس:
لازم تستقصدي ما تحكي مع الكل! استبعاد الأشخاص اللي مش مناسبين لمشروعك بـ نشاطاتك التسويقية، هو بذات أهمية الأشخاص اللي عم تستهدفيهم.
لما تكون رسالتك التسويقية عامة وموجهة للجميع، ما حدا رح يسمعك.
بينما لما تكون رسالتك حادة، واضحة، ومحددة.. رح تلمس الشخص الصح اللي فعلاً محتاجك ومستعد يدفع القيمة اللي بتستحقيها بدون جدال.

كل شي بالبداية ببين جبل.. مو لأنك ما بتقدري، بس لأنها أرض جديدة عم تكتشفيها. 🤍
خطوة ورا خطوة، الصعب بصير عادي، والعادي بصير إبداع. لا تقسي على حالك، وعطي نفسك وقت لتكبري مع مهاراتك الجديدة.
منشن ل يلي محتاجة تسمع هالكلام اليوم وذكريها إنها قوية وبتقدر!