Psychological Test Machine

Although today is my birthday, I forgo its celebration to proudly declare that the PayTM theory is 98 percent science.

که د افغانستان د علومو اکاډمي د زور نه بلکي د علم او منطق ځای وي، هېله لرم په ټول افغانستان کې خو به دومره څوک وي چې زما د دغه پوښتنو ځواب د افغانستان د علومو اکاډمی څخه واخلي ځکه د علومو اکاډمی زما د سایټیم تیوري پر دې بنسټ رد کړي چې ګواکي ماشینونه موجود دي که موجود دي مهرباني وکړئ زما لاندي دوه پوښتنې په ټوله هغو کسانو ځواب کړي چې غیر معقوله اداع او زما د سایټیم تیوري رد یې په کړی دی.

1. د انسان د رواني ناروغیو د دقیق تشخیص لپاره تاسي پخپله کوم ثابت ماشین لیدلی او يا مو پخپله مطالعه کړی دی؟
○ نه
○ که مو ځواب بلي وي، په مهربانی سره لاندي پوښتنو ته ځواب ورکړئ:
1) د هغه ماشين نوم څه شی دی؟
2) هغه ماشین چيري دی؟
3) د هغه ماشين د الګوريتم جوړښت څنګه ډيزاین شوی دی؟
4) کاري ساحه او يا د تعريف ناحيه يې کومه ده؟
5) له کومې مفردي او يا مرکبي تابع او ریلیشن څخه استفاده کوي؟
6) د انسان د رواني ناروغيو د تشخیص لپاره هغه ماشین د کومو واحداتو څخه استفاده کوي؟


2. ستاسي د مسلک له مخې تاسي کومه معادله/ فورمول او يا ثابت واحد لیدلي او یا مو مطالعه کړی چې د انسان فکر یا هم رواني حالت پرې اندازه کيږي؟
○ نه
○ تر اوسه نه یم متوجي شوی
○ که مو ځواب بلي وي، په مهربانی سره لاندي پوښتنو ته ځواب ورکړئ:
1) د هغه ثابتي معادلې استعمال پر کوم بنسټ کيږي، په يوه مثال کې يې وښياست؟
2) د هغه ثابتي فورمولي استعمال پر کوم بنسټ کيږي، په يوه مثال کې يې وښياست؟
3) د هغه ثابتو واحدونو استعمال پر کوم بنسټ کيږي، په يوه مثال کې يې وښياست؟

هر هغه افغان چې په افغانستان کې د نوي نوښت، نوي کشف او نوي اختراع لپاره خوښیږي او پخپله جامد فکر و نه لري بلکي پخپله خلاق او د خلاقیت ملاتړ وي!
په ډېر درنښت له ټولو علمي او مسلکې اشخاصو څخه هېله کوم چې زما دغه اول، دوهم، دريم او څلورم پوسټونه ولولی، او هغه نقطي درسره یاداښت کړئ چې زما د سایټیم تیوري د رد لپاره د دوهم ځل لپاره د افغانستان د علومو اکاډمي وړاندي کړي دي او بیا زما د پوښتنو او د دوی په نظر باندې زما نیوکي هم ولولی.

اول پوسټ: لاندي د مکتوب متن کاپي دی

معاونیت محترم بخش علوم طبیعی - تخنیکی

السلام عليكم و رحمة الله و بركاته. اما بعد.

د کابل پوهنتون ریاست د ۳۵۷۶ گنه او ۲۸ / ۴ / ۱۴۴۶ نیتی لیک په جواب کي په درنښت سره لیکل کېږي

څرنگه چی د نوموړي دا موضوع په ۱ / ۷ / ۱۳۹۹ هـ ش کال کي هم د افغانستان علومو اکاډمي د طبي علومو مركز ته راجع شوی وه او د طبي علومو مركز له نوموړي څخه وغوښتل چي د یادې موضوع په اړه خپل ټول شته اسناد په رسمي بڼه د طبي علومو ریاست ته وسپاري ترخو دا موضوع په علمي او مسلکي ډول تر بحث لاندي ونيول شي.

محترم عبدالمالک همدرد خپل ټول اسناد په یاده نیټه د طبي علومو مرکز ته راوړل او د طبي علومو د مركز علمي غرو د نوموړي د اسنادو له هر اړخيزه ارزونې څخه وروسته له نوموړي څخه وغوښتل چي په ۶ / ۷ / ۱۳۹۹ هـ.ش نېټه د یکشنبې په ور غرمي وروسته په لسو بجو د افغانستان د علومو اکاډمي د طبي علومو مركز د علمي غړو په حضور کي د خپلي ادعا په اړه یو پريزنټيشن وړاندي کړي.

د طبي علومو مركز علمي غړو د نوموړي پريزنټېشن په پوره دقت او غور سره واورېده د پريزنتيشن له اورېدلو څخه وروسته یې د يادي موضوع په اړه له نوموړي څخه یو شمېر پوښتني وكړي او د طبي علومو د مركز علمي غړو او متخصصینو په نړیواله کچه د دې ډول ماشين د څرنګوالي په هکله هم خپل نظریات وراندي کړل. له هر اړخیزه بحث څخه وروسته یې د نوموړي د ادعا په هکله لاندي پرېکړه وكره

هغه ادعا چی ښاغلي همدرد کړې ده تر اوسه په ډېر ابتدایې پړاو کي ده او د دې ادعا د اثبات لپاه علمي او عملي دلايل وجود نه لري، همدارنګه د دې ډول ماشین جوړېدل چي رواني ناروغی تشخیص کړي تر اوسه په نړیواله کچه هم د نظر په حدودو كي ده؛ البته بايد وويل شي چي په نړيواله کچه یو شمېر ابتدايي ماشينونه د روان او رواني ناروغيو د ارزوني لپاره را منخته شوي دي، خو لا ډېر کار او وخت ته ارتیا ده چي د رواني ناروغیو د تشخيص يو اغېزناک ماشین جوړ شي.

څرنگه چی ښاغلي همدرد د خپلي ادعا د اثبات لپاره کومه علمي او عملي کړنلاره نه لرله، نو ځکه د طبي علومو مرکز په دی ډېر ابتدایی پړاو کي د نوموړي دا ادعا نه تاييدوي او هيله لري چي په راتلونکو وختونو کي انسان قادر شي ترڅو د رواني ناروغيو د تشخيص يو ماشين جور کړي، ترڅو د شته رواني ناروغيو په تشخیص کي د رواني برخي له متخصصينو سره مرسته وكړي.)

څرنگه چی ښاغلی عبدالمالک همدرد اوس مهال د کابل پوهنتون د ریاضیاتو پوهنځی د وروستي کال محصل دی او غواړي چي د سايتم تيوري تر سرلیک لاندی مونوگراف په اروا پوهنه کي بشير کړي د مسلکي رشتي له مخي مناسبه موضوع نه گڼل کېږي، ځکه چی نوموړي په ارواپوهنه کي علمي او مسلکي زده کړي نه دي کړي او په دې اړه کوم علمي او مسلکي معلومات هم نه لري. په همدی ډول د نوموړي د مونوگراف موضوع پوښتني پاڼه او همدارنگه نور ضميموي اسناد د سايتم تيوري او رواني ناروغيو د تشخيص د ماشین په اختراع پوري محدود شوي دي او د يادي موضوع په اړه د افغانستان د علومو اکاډمي د طبي علومو مركز خپل نظر لا د مخه په رسمی دول اړوند مرجع ته لکه څرنگه یی چی پورته یادونه وشوه څرګند کړی دی. د نوموړي د موضوع په اړه د طبي علومو د اجراییه هیأت نظر د راتلونکو اجرا آتو په موخه در ولېږل شو؛ البته څرنګه یی چی لازمه بولی اجراأت به کرئ.

عبدالمالک همدرد