Hatucum.am

📌ԸՆԴՀԱՆՈՒՐ ՆԿԱՐԱԳԻՐ
Hatucum.am ծառայությունը ճանապարհատրանսպորտային պատահարների արդյունքում անմեղ վարորդի վնասված գույքի վերականգնման համար տրամադրվող ապահովագրական հատուցումների գումարի չափի և մեղավորության վերաբերյալ հաճախորդների հիմնավորված առարկությունների դեպքում ապահովում է հատուցման կարգավորման գործառույթները՝ բողոքարկման առաջին քայլից մինչև դատական պաշտպանության միջոցով Հաճախորդի խախտված իրավունքի վերականգնման և հատուցման գումարի ավելացումը:

Վերոգրյալ գործընթացի ժամանակ անհրաժեշտություն է առաջանում կատարել ՃՏՊ իրավիճակի մասնակիցների գործողությունների իրավական և առկա ցանկով պահեստամասերի վերաբերյալ տարրական համեմատական գրավոր վերլուծությունները:

📌ՄԻԱՆԱԼ ՄԵՐ ԹԻՄԻՆ
Hatucum.am-ը փնտրում է համապատասխան մասնագետի, ով օժտված է իրավական ակտերի վերլուծության (տրանսպորտային ոլորտի փորձառությունը կդիտվի առավելություն) փորձառությամբ, մանրուքներ նկատելու, օրենսդրական կարգավորումների հետ համադրելու և վերլուծելու հմտություններով, ով ի վիճակի կլինի կատարելով ՃՏՊ բազմակողմ վերլուծությունը և գրավոր հիմնավորելով Հաճախորդի պաշտպանության իրավական տրամաբանական շղթան աջակցի կազմակերպության՝ Հաճախորդի համար ավելի արդարացի հատուցման ապահովման և տվյալ ոլորտում շահերի պաշտպանության նպատակների իրագործմանը:

📌Աշխատանքի տեսակը՝ Ամբողջ դրույք կամ համատեղությամբ

📌Աշխատանքի վայրը՝ Առցանց

📌Աշխատանքային գրաֆիկը՝ Ազատ

📌Աշխատանքի ընթացքում Դուք կբրելավեք Ձեր հետևյալ հմտությունները՝
- Անալիտիկ մտածելակերպի խորացում
- Մանրուքներին ուշադրություն դարձնելու հմտություն
- Ճանապարհա-տրանսպորտային օրենսդրության մանրակրկիտ իմացություն և կիրառում առօրյայում
- Փաստաբանական արտոնագիր ունեցողները կարող են հարստացնել իրենց դատական պրակտիկան

📌ԱՇԽԱՏԱՆՔԻ ՆԿԱՐԱԳՐՈՒԹՅՈՒՆ՝
Hatucum.am ապահովագրական հատուցումների կարգավորման ծառայության ճանապարհա-տրանսպորտային պատահարների վերլուծության թիմում առկա է ճանապարհատրանսպորտային պատահարների (իրավական եվ տեխնիկական) վերլուծության մասնագետի թափուր հաստիք:

📌ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ՝
• Վերլուծել ճանապարհատրանսպորտային պատահարների (ՃՏՊ) ապահովագրական հատուցումների փաստաթղթերը
• ՃՏՊ իրավիճակի տարրերը և մասնակիցների փաստաթղթավորված գործողությունները համադրել ոլորտում գործող օրենսդրության պահանջներին
• Վերլուծել և կազմել համեմատական վնասի փաստացի և գնահատված արժեքների վերաբերյալ առկա ցանկի հիման վրա
• Բացահայտել առկա փաստաթղթերում հնարավոր բացերը և շեղումները՝ առկայության դեպքում
• Կազմել բացահայտված շեղումների ներառմամբ ՃՏՊ պատկերի և դրանից բխող հետևանքների հիմնավորումը կամ հաստատել շեղումների բացակայությունը
• Աշխատանքի բոլոր տարրերը կատարել հիմնավորված

📌ԱՆՀՐԱԺԵՇՏ ՀՄՏՈՒԹՅՈՒՆՆԵՐ՝
• Բարձրագույն կրթություն /բակալավրի կոչում/ (տրանսպորտային ոլորտի մասնագիտություններ, իրավաբան, տնտեսագետ, տեխնիկական կամ համապատասխան այլ մասնագիտություններ)
• Վերլուծություններ կատարելու և մանրուքներ նկատելու հմտություններ (համանման փորձառությունը կդիտարկվի որպես առավելություն)
• Օրենսդրական ակտերի հետ աշխատանքի հմտություններ
• Հմտությունները զարգացնելու արտահայտված ցանկություն
• Հայերեն լեզվի իմացություն /փաստաթղերի կազմում/
• Համակարգչային Word/Excel ծրագրային փաթեթների օպերատորի մակարդակի գիտելիքներ
• Կարգապահ, նախանշված թիրախներին հասնելու ունակությամբ

📌ՆՈՐ ԹԻՄԱԿՑԻ ՕԺԱՆԴԱԿՈՒՄ՝
Նորեկը կունենա օժանդակություն (տեսական և պրակտիկ) իր պարտականությունների կատարման ընթացքում:

📌ԵԿԱՄՈՒՏԸ՝
Կախված հավակնորդի ընտրված աշխատանքային ռեժիմից և արդյունավետությունից:

📌ԻՆՉՊԵՍ ԴԻՄԵԼ՝
Հավակնորդները կարող են ուղարկել իրենց կողմից կատարված պարտականությունների նկարագրմամբ մասնագիտական ինքնակենսագրականը [email protected] հասցեին:

Ընտրությունը կատարվելու է համապատասխան փորձի, իրավիճակային հինգ խնդիրների լուծման և հարցազրույցի արդյունքներով հավաքագրված բալերի առավելագույնի սկզբունքով:
Չի բացառվում մի քանի թեկնածուի միաժամանկյա ընտրությունը:

Ծառայության արդյունքներին և հաճախորդների իրական կարծիքներին կարող եք ծանոթանալ ծառայության համանուն ֆեյսբուքյան էջում՝ Hatucum.am:

#գործկա #միացիրմերթիմին

📢 ԻՆՉՊԵ՞Ս ՊԱՅՄԱՆՆԵՐՈՎ ՆԱԽԱՏԵՍՎԱԾ ՀԱՏՈՒՑՈՒՄԸ ՔՈՂԱՐԿՎԵՑ «ԳՆԱՀԱՏՈՒՄԸ ԿԱՏԱՐՎԱԾ Է ԱՊՊԱ ՈԼՈՐՏՈՒՄ ԳՈՐԾՈՂ ԿԱՆՈՆՆԵՐԻ ՀԱՄԱՁԱՅՆ» ՓՈՐՁԱԳԵՏԻ ՊԱՐԶԱԲԱՆՄԱՆ ՆԵՐՔՈ ԵՎ ՉՀԱՏՈՒՑՎԵՑ

Ամենը սկսվեց, երբ կանգնած մեքենան ակամա դարձավ ՃՏՊ մասնակից՝ մեկ այլ մեքենայի բախումից հետո: Թվում է, թե սովորական մի միջադեպ, այն ել հատուցելի՝ կարծես թե մտահոգվելու որևէ առիթ չկա: Սակայն…
Գործը հասավ ապահովագրական ընկերության փորձագետներին, որոնք որևէ նոր դետալի ձեռքբերում չէին նախատեսել իրենց գնահատման եզրակացության մեջ: Մինչդեռ, մեքենան 2018թ. արտադրության էր և ՃՏՊ պահին ուներ ընդամենը 40.000 կմ-ից պակաս վազք: Նշյալ հանգամանքը պետք է հաշվի առնվեր փորձագետի կողմից, քանի որ վնասների գնահատման մեթոդաբանության համաձայն եթե մեքենայի արտադրության մայր երկիրը ԱՊՀ երկիր չէ, մեքենան վեցից ոչ ավել տարեկան է և վազքը չի գերազանցում 120 հազ. կմ ավտոտրանսպորտային միջոցին պատճառված վնասի հաշվարկում վնասված բաղադրիչի ձեռքբերման արժեքի որոշման համար հիմք է ընդունվում գործարանային արտադրության համանման նոր բաղադրիչի արժեքը:

Փաստացի տվյալ վնասի վերականգնման ծախսը, հաշվի առնելով մեքենայի վազքն ու տարիքը, առաջնային փորձաքննություն իրականացնող փորձագետը պետք է գնահատեր գործարանային արտադրության համանման նոր բաղադրիչի արժեքին համապատասխան, մինչդեռ գնահատել է նորոգման աշխատանքների արժեքի չափով:

Գործով ներգրավվեց երկրորդ՝ անկախ փորձագետը, որի եզրակացությունը ենթադրվում էր, որ լույս կսփռի ստեղծված իրավիճակի վրա: Սակայն նշված անվահեծի վնասը կրկին գնահատվեց նորոգման ծախսի տարբերակով:

🔔 Փորձագետները իրենց եզրակացությունները կազմելիս առաջնորդվել են ԱՊՊԱ պայմանների այն կետով, ըստ որի «Եթե տեխնիկապես հնարավոր է (վնասված բաղադրիչի վերականգնումը հնարավոր է դրա նպատակային նշանակությունը և արտաքին տեսքը պահպանելով) և տնտեսապես հիմնավորված (վերանորոգման ծախսերը չեն գերազանցում տվյալ բաղադրիչի՝ սույն հավելվածով նախատեսված գնի 80 տոկոսը) վնասված բաղադրիչի վերականգնումը, ապա պատճառված վնասի չափի մեջ փորձագետը հաշվարկում է այդ բաղադրիչի՝ սույն հավելվածով սահմանված մեթոդաբանությամբ հաշվարկված վերանորոգման հետ կապված աշխատանքների արժեքը:»

Մինչդեռ, Հայաստանի պայմաններում անվահեծի նորոգման դեպքում չեն պահպանվում ոչ՛ գործարանային նյութերի որակական հատկանիշները, ոչ՛ բարձր որակը ապահովող տեխնոլոգիական առանձնահատկությունները, իսկ անվահեծի նորոգման ժամանակ բարձրորակ էմալի փոխարեն օգտագործվում է լաք: Արդարության համար անհրաժեշտ է նշել, որ որոշ արտասահմանյան երկրներում անվահեծերի նորոգման ժամանակ կիրառվում են գործարանային նյութերին որակապես շատ մոտ նյութեր և տեխնոլոգիաներ, ինչը ապահովում է համանման կամ շատ մոտ որակ:

⁉️‼️ Ինչքանո՞վ է այս ամենը կարևոր: Այդքանով, որ վերոնշյալ «նպատակային նշանակություն» բառակապակցության մեջ գործարանի տեսանյունից ներառվում է ոչ միայն հանգույցի ֆունկցիոնալ գործողությունը, այլ նաև արդյունավետ օգտագործման ժամկետը, ինչպես բոլոր ագրեգատների բոլոր դետալների պարագայում: Եվ այս իրավիճակում լաքապատումը չի բավարարում վերոնշյալ պայմանին, քանի որ դետալի «կյանքի» կրճատման հետ մեկտեղ նույնիսկ արտաքին տեսքի տեսանկյունից նորոգված անվահեծը զուտ վիզուալ տարբերվում է գործարանային անվահեծից փայլով, երանգով և այլն:

📜 Ի լրումն վերոգրյալին հարկ է նշել, որ «Ավտոտրանսպորտային միջոցների օգտագործումից բխող ատասխանատվության ապահովագրության մասին» ՀՀ օրենքի համաձայն «Տուժողի ավտոտրանսպորտային միջոցի վնասվածքի վերականգնման հետևանքով առաջացած ծախսեր են համարվում ավտոտրանսպորտային միջոցի վերանորոգման հետ կապված ծախսերը, որոնք անհրաժեշտ են այդ ավտոտրանսպորտային միջոցի՝ մինչև պատահարի պահը առկա փաստացի վիճակը վերականգնելու համար:…»: Քննարկվող իրավիճակը՝ վնասի նորգման ծախսը նոր դետալի արժեքի փոխարեն հատուցելը, չի համապատասխանում նույնիսկ ԱՊՊԱ օրենքի վերոնշյալ մեջբերմանը, քանի որ դետալը չի վերականգնվում (նորոգվում) «մինչև պատահարի պահը առկա վիճակին» հասցնելով, այլ արդյունքում էապես վատթարացվում է տվյալ դետալի կենսունակության չափորոշիչը կամ այլ պես ասած՝ «դետալի կյանքը»:

Մինչդեռ այս պայմաններում, մեր համոզման համաձայն, եթե հատուցվի նոր դետալի արժեքը վերոնշյալ օրենսդրական և ենթաօրենսդրական բոլոր նորմերը կատարված կլինեն:

💡 Մեր սուբյեկտիվ կարծիքով վերոնշյալը խնդիր է, որը հաճախորդին հասցնում է ֆինանսական վնաս և որը դեռևս բարեհաջող անտեսվում է փորձագետների կողմից: Վերջիններս նույնիսկ մանրամասն հիմնավորման և խնդրի մատնանշման պարագայում գրավոր առարկությանը պատասխանում են, մեջբերենք՝ 📯 «…ի պատասխան առարկության ևս մեկ անգամ նշում ենք, որ գնահատումը կատարված է ԱՊՊԱ ոլորտում գործող կանոնների համաձայն, այն է փոխարինման ենթակա դետալը՝ փոխարինվել է, իսկ վերանորոգման ենթակա դետալների համար հաշվարկվել են վերանորոգման աշխատանքներ…»: Նման պատասխանով փորձագետը ոչ հերքեց մեր տեսակետը, ոչ էլ ապացուցեց իրենը, ուղղակի առանց հիմնավորման, առանց օրենսդրական ակտերին հղումների պնդեց որ ամենը ճիշտ այնպես է, ինչպես պետք է լիներ:
📜 Սակայն օրենքին համապատասխանության հարցը մնում է բաց, առնվազն մեր տեսանկյունից…

🏢 Հետաքրքիր է, որ փորձագետների նման վարքագծի միակ շահառուները ապահովագրական ընկերություններն են:

Ուշագրավ է նաև, որ առաջնային փորձագետը հաշվի չեր առել անվահեծի նույնիսկ նորոգման ծախսը, երկրորդ փորձագետը հաշվարկել էր ընդամենը նորոգման ծախս:

🕵🏼‍♀️❓ Նկատառում 1՝ Փաստացի առաջնային փորձագետի և երկրորդ փորձագետի կարծիքների միջև տարբերությունը կազմել է 100%...
Մինչդեռ՝ ըստ ոլորտը կարգավորող ենթաօրենսդրական ակտի Բյուրոյի կողմից հաստատված մեթոդաբանության խախտումը հաստատված է համարվում եթե...՝
- տվյալ ԱՊՊԱ պատահարի հետևանքով գույքին պատճառված իրական վնասը տարբերվում է ստուգվող փորձաքննությամբ գնահատված վնասից ավելին քան 20 %-ով, բայց ոչ պակաս 40.000 դրամից...

✅✅ Չնայած վերոքննարկյալ հարցի հատուցումը կրկնակի անգամ ավելացվեց, նույնիսկ անվահեծի նորոգման ծախս հաշվի առնելով: ✅✅

❗ ՀԻՇԵՑՈՒՄ՝

✅ Hatucum.am թիմը նախապես ԱՆՎՃԱՐ վերլուծում է գործի դրական ելքի շանսերը՝ խնայելով ձեր ժամանակն ու ռեսուրսները: Խորհրդատվության համար կապ հաստատեք հեռախոսով կամ լրացրեք կարճ հայտը՝ https://b24-hgv65w.bitrix24.site/crm_form_ngzyx/

✅ Hatucum.am առցանց մատուցվող ծառայության վճարը ձևավորվում է Ձեզ փոխանցված փաստացի դրամական արդյունքից՝ մեզ հետ համագործակցելով դուք միայն շահում եք:

https://hatucum.am

#եղեքտեղեկացված #ԱՊՊԱ

‼️ ԻՆՉՊԵ՞Ս 230.000 ԴՐԱՄՈՎ ԱՎԵԼԱՑԱՎ ՄԵՐ ՎՍՏԱՀՈՐԴԻ ԱՊԱՀՈՎԱԳՐԱԿԱՆ ՀԱՏՈՒՑՈՒՄԸ: 👇

📜 ՀԱՄԱՌՈՏԱԳԻՐ`
Վստահորդի մեքենային պատճառված վնասը ապահովագրողը գնահատել էր 800.000 դր.:

Hatucum.am ԹԻՄԸ՝
🔍Վերահաշվարկեց վնասի չափը
📝Ստուգեց փորձագիտական եզրակացությունը՝ բացահայտելով թերիները
📑Կազմեց բողոքարկման փաստաթղթերի փաթեթը հիմնավորելով վերահաշվարկված արժեքը և այլ փորձագետի ներգրավման անհրաժեշտությունը
📝Ստուգեց երկրորդ փորձագետի եզրակացությունը
💬 🗨️ Բանակցեց ապահովագրական հատուցման նոր գումարը և հատուցման լրավճարի չափը
📃Կնքեց լրավճարի մասին համաձայնագիրը, ըստ որի ԱՐՄԵՆԻԱ Ինշուրանս ապահովագրական ընկերությունը պարտավորվեց լրավճարել տարբերությունը 8 օրվա ընթացքում, սակայն փաստացի կատարեց փոխանցումը եռօրյա ժամկետում:

Hatucum.am ԹԻՄԻ ԱՐԴՅՈՒՆՔԸ՝
✅ Մեր վստահորդը ստացավ ԱՎԵԼԻ ԱՐԴԱՐԱՑԻ հատուցում, քան առաջարկված էր ի սկզբանե
✅ Վստահորդին լրավճարվեց՝ ևս 230.000 դր., իսկ հատուցման ընդհանուր գումարը կազմեց 1.030.740 դր. (29%-ով ավել քան առաջարկում էր ապահովագրողը ):

Հիմա հանգիստ ենք, որ ապահովագրության համակարգը էապես կատարեց ստանձնված պարտավորությունները, իսկ մեր վստահորդը կկարողանա կազմակերպել նորոգումը առանց էական հավելյալ ներդրումների և արդարացի հատուցման զգացողությամբ:

ՀԻՇԵՑՆՈՒՄ ԵՆՔ՝
✔️ Hatucum.am թիմը նախապես ԱՆՎՃԱՐ վերլուծում է գործի դրական ելքի շանսերը՝ խնայելով ձեր ժամանակն ու ռեսուրսները: Խորհրդատվության համար կապ հաստատեք հեռախոսով կամ լրացրեք կարճ հայտը՝ https://b24-hgv65w.bitrix24.site/crm_form_ngzyx/

✔️ Hatucum.am առցանց մատուցվող ծառայության վճարը ձևավորվում է Ձեզ փոխանցված փաստացի դրամական արդյունքից՝ մեզ հետ համագործակցելով դուք միայն շահում եք:

https://hatucum.am

#վթար #ԱՊՊԱ #բողոքարկում #ՃՏՊ #պատահար #հատուցում #ապահովագրական