Smart Lab

Իսկ դուք գիտեիք, որ «Կոկա-Կոլա» ընկերության լոգոն ճանաչելի է բնակչության 94%-ի կողմից:

Իր աշխատանքի առաջին տարում վաճառել է ընդամենը 25 շիշ Կոկա-Կոլա:

Աշխարհում 2 մարդ գիտի Կոկա-Կոլայի բաղադրատոմսը և նրանք իրավունք չունեն միաժամանակ ճանապարհորդել նույն ինքնաթիռով:

Ամերիկյան Կոկա-Կոլայի համը տարբերվում է համաշխարհային Կոկա-Կոլայի համից:

Աշխարհի միայն 2 երկում չի վաճառվում Կոկա-Կոլա՝ Հյուսիսային Կորեայում և Կուբայում:

Մի բրենդի պատմություն.

Ժամանակակից աղջիկները զարդերի մասին խոսելիս չեն կարող շրջանցել երկնագույն տուփերով Tiffany-ին, որը վաղուց դադարել է պարզապես բիժու լինելուց: Իսկ ամեն ինչ սկսվեց 1837 թվականին, երբ Լյուիս Տիֆանին և Ջոն Յանգը Բրոդվեյում բացեցին իրենց առաջին խանութը’ «Tiffany & Young» անվամբ: Առաջին իսկ օրը խանութից ստացված եկամուտը կազմեց ընդամենը 5 ԱՄՆ դոլար: Սկզբում այն գրենական պիտույքների և մանր-մունր աքսեսուարների խանութ էր, սակայն երբ 1841 թվականին նրանց է միանում Ջեյ Էլ Էլիսը, և Tiffany-ն վերանվանվում է «Tiffany, Young & Ellis», խանութում հայտնվում են արծաթյա զարդեր, ինչպես նաև սպասք և ժամացույցներ: Հենց այդ տարիներին Tiffany-ին թողարկում է իր հանրահայտ հատուկ երանգի երկնագույն տուփերը, որոնք այս բրենդի առանձնահատկությունն են ու այցեքարտը:

Եվս մի կարևոր փաստ. Tiffany-ն դառնում է առաջին ամերիկյան ընկերությունը, որն իր զարդերում օգտագործում է 925 պրոբի արծաթ: Հետագայում այս չափանիշը տարածվում է զարդեր արտադրող ամերիկյան բոլոր ընկերությունների վրա: 1951 թվականին բացվում է Tiffany-ի դիզայնի դպրոցը, որը դիզայնի առաջին դպրոցն էր ամբողջ ԱՄՆ-ում: Երկու տարի անց ընկերությունը վերանավնվում է’ դառնալով Tiffany&Co:

1887 թվականին ընկերությունը մեծ քանակությամբ ադամանդյա քարեր է գնում և իր արտադրության մեջ սկսում օգտագործել նաև ադամանդ: 1907 թվականին Tiffany & Co-ի գլխավոր ոսկերչի շնորհիվ սահմանվում է ադամանդը և այլ թանկարժեք քարերը գնահատելու ընդհանուր միավորը’ կարատը:

Tiffany բրենդը գնալով ճանաչելի է դառնում, իսկ երբ ԱՄՆ նախագահ Աբրահամ Լինկոլնն իր կնոջ համար Tiffany-ից մարգարտյա վզնոց է պատվիրում, այն էլ ավելի հանրահայտ է դառնում, և դրանից սկսում են օգտվել նաև էլիտայի ներկայացուցիչները: Բրենդին հաջողություն են բերում նաև իր նշանադրության մատանիները, ինչպես նաև Օդրի Հերբերնը’ «Նախաճաշը Տիֆանիի մոտ» ֆիլմում կրելով Tiffany մարգարտյա վզնոց:

Не бойтесь расти медленно, бойтесь оставаться неизменными.
Китайская пословица

Armani բրենդի հիմնադիր Ջորջիո Արմանին երազում էր բժիշկ դառնալու մասին, սակայն երկու տարի ուսանելով, հասկանում է, որ բժկությունն այն չէ, ինչ իրեն հետաքրքրում է: Թողնելով ուսումը՝ Ջորջիոն սկսում է աշխատել է’լ որպես լուսանկարիչ, է’լ օգնական հագուստի խանութում, է’լ ցուցափեղկերի ձևավորող: Սակայն նորաձևության ոլորտում նրա հաջողությունները սկսվում են 1961 թվականից, երբ նա աշխատանքի է ընդունվում հանրահայտ իտալացի դիզայներ Նինո Չերուտիի մոտ՝ որպես օգնական:
Ջորջիոն 6 տարի աշխատում է Չերուտիի մոտ՝ օգնելով նրան ստեղծել հագուստ տղամարդկանց համար: Միայն 40 տարեկանում Արմանին հասկանում է, որ ժամանակն է ունենալ հագուստի սեփական արտադրությունը:
Վաճառելով ավտոմեքենան և ընկերներից գումար պարտք վերցնելով՝ Արմանիին հաջողվում է 1974 թվականին ներկայացնել իր ստեղծած հագուստը, իսկ հաջորդ տարի՝ գրանցել Giorgio Armani ապրանքանիշը:
Emporio Armani-ի մասին
1981 թվականին Ջորջիո Արմանին ստեղծում է նոր, երիտասարդական և փոքր-ինչ մատչելի հագուստի գիծ, որը կոչում է Emporio Armani: 1989 թվականին լույս է տեսնում Emporio Armani Magazine ամսագիրը: Նույն թվականին Լոնդոնում բացվում է Արմանիի առաջին ռեստորանը՝ Emporio Armani Express-ը:
1997 թվականին Emporio Armani-ն սկսկում է ժամացույցներ և դեկորատիվ կոսմետիկա արտադրել՝ Emporio Armani Beauty Components: Սակայն սրանով Ջորջիոն չի բավարարվում: 2002 թվականին Արմանին սկսում է զարդեր արտադրել՝ EMPORIO ARMANI Gioielli անունով:
Այս ամենի հետ մեկտեղ՝ Արմանին չի մոռանում նաև բարեգործության մասին: 2005 թվականին ստեղծվում է Emporio Armani Red-ը: Այս մակնշմամբ ապրանքի վաճառքից ստացված ողջ հասույթը ուղղվում է ՁԻԱՀ-ով հիվանդ աֆրիկացի կանանց և երեխաներին:
Ներկայումս Emporio Armani-ն ավելի քան 150 խանութ ունի աշխարհի տարբեր երկրներում: