Polytech High School

Այսօր ՀԱՊՀ Երևանի ավագ դպրոցում տեղի ունեցավ ջերմ ու կարևոր միջոցառում։ Դպրոցի տնօրենի տեղակալ Նելլի Համբարձումյանը դպրոցի աշակերտներին հանձնեց կամավորական աշխատանքներում ակտիվ ներգրավված լինելու մասին հավաստագրերը։

Իր խոսքում նա ընդգծեց կամավորության մեծ նշանակությունը ինչպես դպրոցական միջավայրում, այնպես էլ դրա սահմաններից դուրս՝ նշելով, որ աշակերտները կատարել են մեծ, պատասխանատու և նվիրված աշխատանք։
«Սիրելի՛ աշակերտներ, ձեր կատարած աշխատանքը գնահատելի է և օրինակելի։ Շնորհակալություն ձեր նվիրումի, ակտիվության և պատասխանատվության համար», — նշեց տնօրենի տեղակալը։

Այս նախաձեռնությունը ևս մեկ անգամ ապացուցեց, որ մեր դպրոցում ձևավորվում են սոցիալական պատասխանատվություն կրող, ակտիվ և գիտակից քաղաքացիներ:

Մարդկային կապիտալի թիվ մեկ մշակներ՝ սիրելի ուսուցիչներ,

Ձեզ բնորոշ հատուկ ջերմությամբ, երախտապարտությամբ և առանձնակի հարգանքով շնորհավորում եմ ուսուցչի միջազգային օրվա կապակցությամբ։

Ուսուցիչ բառը մտաբերելիս ակամայից ջերմություն, հոգատարություն, նոր գիտելիքներ ստանալու ոգևորվածություն, գունեղ պատկերներով հիշողություններ ու ասոցիացիաներ ես ապրում։ Այդ ամենը սերտորեն կապվում է Ձեզ հետ՝ Ձեր անձնուրաց աշխատանքի, անսպառ համբերության, խորը գիտելիքի և սրտացավության շնորհիվ։

Դուք եք այն մարդիկ, ովքեր ձևավորում են մեր հասարակության մտավոր և բարոյական հենքը, սերմանում են արժեհամակարգ, պատասխանատվություն և ստեղծարար մտածողություն՝ հզոր հիմք ապահովելով երկրի ապագայի համար։

Այս օրը ևս մեկ գեղեցիկ առիթ է՝ մեր անկեղծ շնորհակալությունն արտահայտելու ձեր անփոխարինելի դերի և հսկայական աշխատանքի համար։ Թող ձեր սրտերում երբեք չմարի ուսուցանելու, ոգեշնչելու և սովորեցնելու բերկրանքը։

Թող ձեր ջանքերն ու նվիրումն արժանանան բարձր գնահատանքի, ձեր աշակերտների ու ուսանողների հաջողությունները լինեն ձեր ամենամեծ պարգևը, իսկ աշխատանքային յուրաքանչյուր օր ուղեկցվի հարգանքով, սիրով ու գոհունակությամբ։

Շնորհավոր ուսուցչի միջազգային օրը՝ ձեզ ամուր առողջություն, անսպառ էներգիա և նոր մասնագիտական ու ստեղծագործական ձեռքբերումներ եմ մաղթում։

✨ Գիտելիքի օրը Պոլիտեխնիկի ավագ դպրոցում ✨

Սեպտեմբերի 1-ին Պոլիտեխնիկի ավագ դպրոցի բակում տոնական ու ջերմ մթնոլորտ էր։
Դպրոցը իր դռները բացեց նորանոր գիտելիքների ու ձեռքբերումների ակնկալիքով։

🎓 Միջոցառման ընթացքում աշակերտներին իրենց շնորհավորական խոսքը հղեց ՀԱՊՀ պրոռեկտոր Էլբակ Էլբակյանը, ով մաղթեց ուսումնական հաջողություններ և նոր հաղթանակներ։
Նա նաև հանձնեց․
• 📜 Գովասանագրեր՝ 2024–2025 ուսումնական տարում գերազանցությամբ հաջորդ դասարան տեղափոխված աշակերտներին,
• 📜 Հավաստագրեր՝ միջազգային IB դիպլոմա ծրագրի աշակերտներին։

🎶 Տոնական օրվա տրամադրությունը ավելի գունեղ դարձրեց դպրոցի բենդը՝ իր երաժշտական կատարումներով։

Այսպիսով, Պոլիտեխնիկի ավագ դպրոցը վստահորեն մեկնարկեց նոր ուսումնական տարին՝ լի սպասելիքներով, նոր նպատակներով ու ոգևորությամբ։
Շնորհավորում ենք բոլոր աշակերտներին և ուսուցիչներին Գիտելիքի օրվա առթիվ։ 🌸📚

📚 ՆԱԽԱՊԱՏՐԱՍՏԱԿԱՆ ԴԱՍԸՆԹԱՑՆԵՐ ՊՈԼԻՏԵԽՆԻԿԻ ԱՎԱԳ ԴՊՐՈՑՈՒՄ

Պոլիտեխնիկ ավագ դպրոցը հայտարարում է նախապատրաստական դասընթացներ՝ նախատեսված հիմնական դպրոցների 9-րդ դասարանի աշակերտների համար:

📘 Առարկաներ՝
🔹 Մաթեմատիկա
🔹 Ֆիզիկա
🔹 Նկարչություն

🎯 Դասընթացների նպատակն է աշակերտներին պատրաստել Պոլիտեխնիկի ավագ դպրոցի ընդունելությանը։

💡 Ինչու ընտրել մեզ՝
✅ Փոքր խմբեր՝ անհատական մոտեցմամբ
✅ Կանոնավոր ընթացիկ ստուգումներ
✅ Ծնողների հնարավորությունն՝ հետևելու երեխաների առաջընթացին
✅ Բարձր առաջադիմություն՝ արտոնյալ ընդունելություն առանց քննությունների

📢 Ուշադրություն
Մինչև նոյեմբերի 1-ը բացված խմբերի ունկնդիրները հնարավորություն կունենան մասնակցել նախապատրաստական դասընթացների ավարտական քննություններին։

🏆 Բարձր միավորներ ստացած աշակերտները կհրամանագրվեն 10-րդ դասարան՝ առանց ընդունելության քննությունների։

🔗 Գրանցվելու համար այցելեք՝
👉 https://polytechnic-preparatorycourse.parallax.solutions

📞 Լրացուցիչ տեղեկությունների համար զանգահարեք՝ 095 52 06 30
📍 Կամ այցելեք ՀԱՊՀ 7-րդ մասնաշենք

#Պոլիտեխնիկ #ԱվագԴպրոց #Ընդունելություն #ՆախապատրաստականԴասընթացներ #Մաթեմատիկա #Ֆիզիկա #Նկարչություն #ԴարձիրՄերԱշակերտը