MP LAW LLC

Արդարադատության նախարարի տեղակալ Տիգրան Դադունցն Ազգային ժողովում ներկայացրել է «Հայաստանի Հանրապետության վարչական դատավարության օրենսգրքում փոփոխություններ և լրացումներ կատարելու մասին» օրենքի նախագիծը։ Փաթեթով առաջարկվող կարգավորումները հետևյալն են՝
✅Վարչական դատավարությունում վերաքննիչ բողոքները քննվեն գրավոր ընթացակարգով։
✅Բացառիկ դեպքերում, երբ դատարանը պատճառաբանված որոշում կկայացնի, որ բողոքի քննությունն ավելի արդյունավետ է բանավոր իրականացնել, քննությունը կարվի նիստով:
✅300.000 դրամը չգերազանցող տուգանքներով կայացված դատական ակտերը վարչական մարմինը չի կարողանա բողոքարկել վերաքննիչ դատարանում:
✅Կսահմանվի վերաքննիչ բողոքների քննության հստակ՝ 6-ամսյա ժամկետ, որը դատարանի պատճառաբանված որոշմամբ կարող է երկարաձգվել մինչև 4 ամսով։
Այս փոփոխությունների արդյունքում կթեթևանա վերաքննիչ վարչական դատարանի ծանրաբեռնվածությունը, ինչն էլ, իր հերթին, կնպաստի բողոքների ավելի արդյունավետ քննությանը, ժամկետների կրճատմանը և քաղաքացիների համար ավելի մատչելի արդարադատությանը: