CGLA accounting LLC

.Հաշվապահական հաշվառման վարում Հարկային խորհրդատվությունՀաշվապահական և ֆինանսական խորհրդատվությունԿադրային հաշվառման վարումՀարկային հաշվետվությունների ներկայացումՎիճակագրական հաշվետվությունների կազմումՀԾ հաշվապահ համակարգի վարում
Մեր մասնագտները կապահովեն ձեր բիզնեսի կայուն առաջխաղացումը։
Սիրով սպասում ենք ձեզ։

Հարգելի գործընկերներ․
Տեղեկացնում ենք Ձեզ, որ 2022թ․-ի հուլիսի 1-ից ուժի մեջ է մտնելու «ԱՆԿԱՆԽԻԿ ԳՈՐԾԱՌՆՈՒԹՅՈՒՆՆԵՐԻ ՄԱՍԻՆ» ՀՀ օրենքը, որի արդյունքում տեղի են ունենալու հետևյալ օրենսդրական փոփոխությունները․

✅ ՀՀ տարածքում անհատ ձեռնարկատերերի, նոտարների, փաստաբանների և կազմակերպությունների միջև իրականացվող ցանկացած գործարքի դիմաց վճարումը և վճարի ընդունումը պետք է իրականացվի անկանխիկ ձևով՝ անկախ գումարի մեծությունից:
✅ Եթե գործարքներ եք իրականացնում ֆիզիկական անձանց հետ, ապա կանխիկ դրամով վճարումներ կարող եք կատարել և ընդունել առավելագույնը 300 000 դրամ:
✅ Փաստաբանական ծառայությունների, ինչպես նաև բոլոր խորհրդատվական (հաշվապահական, աուդիտորական, իրավաբանական, ֆինանսական, ՏՏ և այլ խորհրդատվական) ծառայությունների մատուցման վճարների ընդունումը պետք է իրականացվի անկանխիկ ձևով՝ անկախ գումարի չափից:
✅ Նոտարական գործողությունների իրականացման կամ նոտարի մատուցած ծառայությունների վճարների ընդունումը, ինչպես նաև նոտարական գործողություններ կատարելու համար պետական տուրքը պետք է գանձվի անկանխիկ ձևով՝ անկախ գումարի չափից:
✅ Գրավատների կողմից 80 000 դրամից ավելի վարկերը պետք է տրամադրվեն անկանխիկ ձևով:
✅ Պետական կամ տեղական բյուջեներ կատարվող ցանկացած վճարում պետք է իրականացնեք անկանխիկ ձևով:

Միաժամանակ տեղեկացնում ենք ձեզ, որ.
Աշխատակիցներին աշխատավարձերի վճարումները՝ ԱՆԿԱԽ աշխատակիցների քանակից ու վճարվող աշխատավարձի մեծությունից, ինչպես նաև ներկայացուցչական ծախuերը, գործուղման նպատակով կատարվող վճարումները պետք է կատարեք #անկանխիկ ձևով․

✅ եթե ձեր գործունեությունն իրականացնում եք Երևան քաղաքում, ապա՝ 2022թ. հուլիսի 1-ից,
✅ եթե ձեր գործունեությունն իրականացնում եք մարզկենտրոններում, ապա՝ 2023թ. հուլիսի 1-ից,
✅ եթե ձեր գործունեությունն իրականացնում եք Երևան քաղաքից և մարզկենտրոններից դուրս այլ վայրերում, ապա՝ 2024թ. հուլիսի 1-ից:
Օրենքին կարող եք ծանոթանալ՝ անցնելով հղումով՝
➡https://www.arlis.am/DocumentView.aspx?DocID=160074

❌ ՈՒՇԱԴՐՈՒԹՅՈՒՆ՝ սահմանված սահմանափակումների կիրառության իմաստով՝ մասնատված (երկու կամ ավելի մասերի բաժանված) գործարքը (պայմանագիրը) համարվում է մեկ միասնական գործարք (պայմանագիր) և այս դեպքում նույնպես սահմանափակումը կիրառելի է: ❌

Վերոնշյալ օրենքի ընդունման հետ կապված՝ փոփոխություններ և լրացումներ են կատարվել․

ՀՀ ՔԱՂԱՔԱՑԻԱԿԱՆ ՕՐԵՆՍԳՐՔՈՒՄ՝
➡https://www.arlis.am/DocumentView.aspx?DocID=160079

ՀՀ ԱՇԽԱՏԱՆՔԱՅԻՆ ՕՐԵՆՍԳՐՔՈՒՄ՝
➡https://www.arlis.am/DocumentView.aspx?DocID=160080

ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ՀՀ ՕՐԵՆՍԳՐՔՈՒՄ՝
➡https://www.arlis.am/DocumentView.aspx?DocID=160081

ԵՂԵՔ ԻՐԱԶԵԿՎԱԾ

www.arlis.am Հայաստանի Իրավական Տեղեկատվական Համակարգ

📢Պետական եկամուտների կոմիտեն տեղեկացնում է, որ հաշվարկային փաստաթղթերի դուրս գրման էլեկտրոնային համակարգի գերծանրաբեռնվածության հետևանքով համակարգում առաջացել են հաշվարկային փաստաթղթերի դուրս գրման խնդիրներ:

📎Հաշվի առնելով ՀՀ հարկային օրենսգրքի 56-րդ հոդվածի 3-րդ մասի և ՀՀ կառավարության 05․10․2017թ․ N1257-Ն որոշման N3 հավելվածի դրույթները, մինչև ծրագրային համակարգի խնդրի ամբողջական կարգավորումը, հարկ վճարողներին առաջարկվում է հաշվարկային փաստաթուղթ դուրս գրելու անհնարինության դեպքում՝ ՀՀ տարածքում ապրանքի մատակարարումը (առաքումը, տեղափոխումը) պարտադիր կարգով իրականացնել թղթային կրիչի վրա լրացված և հարկ վճարողի կողմից վավերացված (ստորագրված և կնիքի առկայության դեպքում՝ կնքված) այլ ուղեկցող հաշվարկային փաստաթղթերով։

📎Նշված փաստաթղթերը պետք է պարունակեն Օրենսգրքի 55-րդ հոդվածին համապատասխան հաշվարկային փաստաթղթերում ներառվող տվյալները, բացառությամբ՝ հաշվարկային փաստաթղթի սերիայի և համարի:

📎Հարկային մարմնի հաշվարկային փաստաթղթերի դուրս գրման ծրագրային համակարգի խնդիրների վերացման վերաբերյալ հարկային մարմինը կտարածի լրացուցիչ հաղորդագրություն:

📎Հարկ է նկատի ունենալ, որ հարկային մարմնի ծրագրային համակարգի խափանումը վերացնելուց հետո, երկու աշխատանքային օրվա ընթացքում, հարկ վճարողը նախկինում դուրս չգրված և թղթային կրիչի վրա լրացված ուղեկցող փաստաթղթի փոխարեն էլեկտրոնային եղանակով դուրս է գրում հաշվարկային փաստաթուղթ, որտեղ «Լրացուցիչ տվյալներ» դաշտում նշում է նախկինում դուրսգրման փորձի կատարման ժամանակը (րոպեն, ժամը, օրը, ամիսը, տարեթիվը), այնուհետև էլեկտրոնային ստորագրությամբ վավերացնում և դուրս է գրում:

📎Հարկային մարմինը հորդորում է խստագույնս առաջնորդվել վերը նշվածով` բացառելով չփաստաթղթավորման դեպքերը և իրացման շրջանառությունների թերհայտարարագրումը: