Zomi Innkuan Adelaide

Australia gam-a om Zomi mipi khempeuh tungah theihsakna – Census 2026!

Australia gam sungah a om Zomi khempeuh in, a hong tung ding Census (Milip Kisimna) 2026 ah angtang takin “Zomi” ci-in i gelh nadingin i kizawn hi.

Tua bangin “Zomi” ci-a na gelhna uh in, Zomite miphazah kician leh kicing i neihna ding ahi hi. Tua in i mailam kalsuan nadingah a nuai-a bangin phattuamna lianpi hong pia ding hi:

• Kumpi leh thukhente’ tungah i huzap a khauhsem nading: I minam phazah kician i lahkhiatna tungtawnin, i minam tawh kisai thukhun bawlna, nasepna leh panpihna tuamtuamte ah Zomi mipite in thusun theihna lianpi i nei ding hi.

• Nasep, panpihna leh hamphatna hoihzawte ngah nading: Census miphazah kician i neihna in k*mpi leh mipi kipawlnate’ tungah i kisapnate hong theihpih ding uh a, Australia gam-a om Zomite’ adingin cidamna, pilna sinna, ngeina nasepna leh mipi huhna tuamtuamte lamsangah i kisapna tawh kituakin noptuamna lianpi hong pia ding hi.

• Australia gam sung buppi-ah Zomite’ phazah leh i omna thupitna laktel nading: Minam kician i hihna in mailam ah Australia k*mpite’ tungpan ngahtheih ding huhnate a neng a tawngin i ngah theih nading kongpi i honna a suak ahi hi. Australia gam sunga i innteekpan nading leh innteekte’ hamphatna ding omte zong i hamphatpih nadingin i kizawn phapha hi.

“Zomi” ci-a na gelhna uh tungtawnin i ngeina, i pau leh i minam khantoh nading na panpihna uh ahi hi. Na innkuanpite leh na lawmte zong hih bang mahin gelh dingin hanthawn in!

Hihbang i kalsuankhopna in i mailam hun ding, i tu i tate’ mailam adingin hamphatna lampi a sial kholkhol na hihlam mangngilh kei in ci in hilaimun pan in hong zawn phapha ung.

Mipite tungah zaksakna

Australian Beaureau of Statistic (ABS) in k*m 2026 a milip simna ah a lunggulh ihom le a huh ding tualsung mite nasem ding cial nuam hi.

Hih Milip simna pen 11 August 2026 tuesday ni in kinei ding ahih manin Australia gam a a om khempeuh kihel kim ciat dingin kong thei sak uh hi.

January 5, 2026 panin gam bup ah Local Engagement Officer nasem ding Mi 130 kila ding a tualsung mite a ding zong hamphatna om ding hi,hih nasemte in milip simna hong makaih in hong panpih in hong huh ding uh a, tualsung kipawlna tuamtuamte tawh semkhawm ngiatngiat ding uh hi.

Hih bang a nasepna hoih pen ihkipawlna community sungah hawmsawm ding in kong hanthawn nuam uh hi . A kicinga theihbepnop a nei te a ding leh nasep a siau nuamte a ding a nuai a link pen pan ki apply thei hi. census.abs.gov.au/jobs

Hih thutawh kisai a lunglut te ihsanggampa Tg Pauno in lampi hong hilh in hong huhthei ding ahihman in ama tung ah sepzia ding huhna kingen thei hi cih zong kipulak hang lungdamhuai aa zong ihangtang mahmah hi.

The Australian Bureau of Statistics (ABS) is recruiting Local Engagement Officers to support the 2026 Census.

Census Night will take place on Tuesday, 11 August 2026, and participation is mandatory for all people in Australia.

From 5 January 2026, approximately 130 Local Engagement Officer positions will be available nationwide, including opportunities in your local area. These roles are responsible for supporting diverse communities to participate in the Census and for working closely with local organisations and community groups.

We encourage you to share this employment opportunity within your community. Further information and application details are available at census.abs.gov.au/jobs.