INCERT CERTIFICATION

Azərbaycan Texniki Universitetinin Xüsusi texnika və texnologiya fakültəsi (AzTU) ISO 21001 standartı üzrə beynəlxaq sertifika layiq görülüb.

Sertifikat 30 Dekabr tarixində İNCERT Sertifikatlaşdırma şirkətinın direktoru Şamo Muradov tərəfindən AzTU-nun rektoru Vilayət Vəliyevə təqdim edilib.

Qeyd edək ki, ISO 21001 təhsil təşkilatlarının idarəetmə sisteminə spesifik tələbləri müəyyən edən beynəlxalq statuslu standartdır. Bu standartda təhsil təşkilatlarında proseslərin yaxşılaşdırılmasını və “müştərilərin” ehtiyac və gözləntilərinin təmin edilməsini hədəfləyən üçün ümumi bir idarəetmə aləti təqdim edilir. Standart təhsil müəssisələrinə həyata keçirdikləri fəaliyyətləri öz missiya və vizionlarına səmərəli şəkildə uyğunlaşdırmağa kömək etmək məqsədi daşıyır. ISO 21001 sertifikatı təşkilatın idarəetmə sisteminin akkreditasiya olunmuş bir sertifikatlaşdırma orqanı tərəfindən beynəlxalq ISO 21001 standartının tələblərinə tam uyğun olduğunu təsdiqləyən sənəddir. Bu sertifikat təşkilata təhsil xidmətlərinin keyfiyyətini yüksəltməyə, idarəetmənin səmərəliliyini artırmağa, hamı üçün inklüziv və keyfiyyətli təhsil, öz-özünə öyrənmə və ömür boyu öyrənməni təşviq etməyə, müvafiq proses və qiymətləndirmə alətlərinin tətbiq etməyə imkan verir.

“Qida Təhlükəsizliyi Ayı” çərçivəsində İNCERT MMC və “Keyfiyyət Assosiasiyası” İctimai Birliyinin birgə təşkilatçılığı ilə Veysəloğlu Şirkətlər Qrupunun əməkdaşlarına silsilə təlimlər keçirilmişdir. Göstərilən bu peşəkar dəstək və şirkətin fəaliyyətinə qatdığı dəyərli töhfə Şirkətlər Qrupu tərəfindən təşəkkürnamə ilə təltif edilmişdir. Təşəkkürnamə Veysəloğlu Şirkətlər Qrupunun baş icraçı direktoru cənab Aydın Talıbov tərəfindən Keyfiyyət Assosiasiyasının idarə heyətinin üzvü və İNCERT MMC-nin direktoru Şamo Muradova təqdim olunub.

Veyseloglu Group of Companies

“İnter Project” QSC-də inteqrə olunmuş idarəetmə sisteminin auditi keçirilib.

12 iyun 2025-ci il tarixində İNCERT MMC Beynəlxalq sertifikatlaşdırma şirkəti tərəfindən “İnter Project” QSC-də ISO 9001, ISO 14001 və ISO 45001 beynəlxalq standartına uyğun idarəetmə sisteminin tətbiqi layihəsi çərçivəsində inteqrə olunmuş idarəetmə sisteminin auditi keçirilib.

Mütəxəssislər tərəfindən keçirilən audit zamanı şirkətin sözügedən beynəlxalq standartların tələblərinə uyğunluq dərəcəsi müəyyən edilib, risk və imkanlar təhlil olunub, İOİS-in planlaşdırılan nəticələrə nail olunmasını təmin etmək, müsbət nəticələri (imkanları) artırmaq, arzuolunmaz təsirlərin qarşısını almaq üçün risk və imkanların qiymətləndirilməsi aparılıb.