PASHA Bank

"PAŞA Bank"ın dəstəyi və "Div Academy" ilə birgə əməkdaşlıq çərçivəsində həyata keçirilən “AI for Good” layihəsi uğurla yekunlaşıb.

Valideyn himayəsindən məhrum olmuş 18–23 yaşlı gənclərin rəqəmsal bacarıqlarının inkişafına yönələn proqram çərçivəsində 457 müraciət arasından seçilən 20 iştirakçı 3 ay ərzində süni intellekt sahəsində nəzəri və praktiki biliklər əldə edib, real layihələr üzərində işləyərək öyrəndiklərini tətbiq etmək imkanı qazanıb.

Layihə müddətində "PAŞA Bank" əməkdaşları tərəfindən yumşaq bacarıqlar, layihələrin idarə edilməsi, şəxsi və korporativ brendinq, rəqəmsal marketinq, strateji kommunikasiyalar və böhran idarəetməsi mövzularında inkişaf sessiyaları keçirilib.

“PAŞA Bank” səhmlərinin İlkin Kütləvi Təklifi üzrə abunə yazılışı başa çatdı.

Abunə yazılışı dövründə investorların göstərdiyi yüksək maraq “PAŞA Bank”ın inkişaf strategiyasına, maliyyə dayanıqlılığına və gələcək potensialına olan etimadı bir daha nümayiş etdirdi. Bu dövrdə investorlar tərəfindən 20000-dən artıq sifariş təqdim edilib.

Emissiya prospektinə və mövcud qanunvericiliyə uyğun olaraq abunə yazılışının yekun nəticələri növbəti həftələr ərzində rəsmiləşdiriləcək, bütün sifarişlər təsdiqləndikdən sonra isə səhmlərin investorlar arasında bölgüsü həyata keçiriləcək.

“PAŞA Bank”ın inkişaf yoluna qoşulan investorlara göstərdikləri etimada, IPO prosesi ərzində dəstək göstərən investisiya tərəfdaşlarımıza isə peşəkar əməkdaşlığa və verdikləri töhfəyə görə təşəkkür edirik.