ButaChess

Azərbaycan şahmatçısı Şəhriyar Məmmədyarov Latviyanın paytaxtı Riqada keçirilən FİDE Qran-prisində çempion olub.
34 yaşlı qrossmeyster final mərhələsinin tay-breykində fransalı Maksim Vaşye-Laqravı məğlub edib - 4:3.
Məmmədyarov final mərhələsinin birinci görüşündə rəqibinə qalib gəlsə də, ikinci dueldə uduzmuşdu.
Qeyd edək ki, FİDE Qran-priləri 2020-ci il İddiaçılar Turnirinin iştirakçılarını müəyyənləşdirmək üçün təsis edib. Yarışın iki qalib şahmatçısı 2020-ci il İddiaçılar Turnirinə vəsiqə qazanacaq. Hər bir mərhələnin mükafat fondu 130 min avrodur.

Mayın 1-də Buta Palace banket-konsert kompleksi və Vüqar Həşimov Şahmat Akademiyasının təşkil etdiyi Buta Chess -şirkətlər arası şahmat turniri keçirilib. FİDE qaydalarına əsasən keçirilən turnirin baş sponsorları Bakcell şirkəti və HONOR brendidir. 20 komandanın iştirak etdiyi turnir İsveçrə sistemi ilə keçirilib. Oyunları peşəkar hakim Kamran Salehov idarə edib. Yeddi turun nəticələrinə görə lider olan Legno Linea şirkətinin şahmatçısı "Armagedon" sistemi ilə keçirilən finalda, ikinci ən çox xal toplayan Rabitə və Yüksək texnologiyalar nazirliyinin təmsilçisi ilə oynayıb. Nəticədə, Rabitə və Yüksək texnologiyalar nazirliyinin əməkdaşı qalib olub.
Beləliklə, Buta Chess şirkətlər arası şahmat turnirinin qalibi Rabitə və Yüksək texnologiyalar nazirliyinin komandasıdır! Komanda üzvləri Rəsulov Anar və Rzayev Raufu təbrik edirik!
İkinci yerdə Legno Linea, üçüncü yerdə isə Synergy Group şirkətlərinin komandalarıdırlar.
ButaChess-ölkənin müxtəlif biznes sahələrindən olan, şahmat sevən, intellektual istirahətə üstünlük verən insanları birləşdirir.
ButaChess turniri “Buta Palace” banket-konsert kompleksində keçirilib.
Turnir iştirakçıları, tərəfdaşlarımız və bütün qonaqlara təşəkkür edirik!

1 may 2019

“Şahmatın inkişafı bu gün Azərbaycanda dövlət siyasətidir”. Heydər Əliyev