BAC RE:Fresh

我哋每日都會面對好多唔同嘅「戰場」，但《以弗所書》提醒我哋，真正嘅敵人唔係身邊有形嘅人，而係魔鬼無形嘅詭計。

好多時我哋以為生命中最大嘅挑戰係讀好書、搵好多嘅錢、養好頭家，或者要處理複雜嘅人際關係，但真正令我哋跌倒嘅，唔係呢啲外在嘅處境，而係我哋有冇選擇企喺神嗰邊，依靠佢去面對每一場「爭戰」。

神從來冇叫我哋靠自己嘅能力去解決所有問題。相反，佢邀請我哋每日穿戴佢所賜嘅全副軍裝，以真理、公義、福音、信心、救恩同神嘅道裝備自己，再加埋不住嘅禱告，叫我哋能夠喺各樣挑戰中站立、站好、站穩。

「你們要靠著主，倚賴祂的大能大力，作剛強的人。」（以弗所書 6:10）

願主幫助我哋，唔係靠自己，而係靠住佢剛強，喺每一場「爭戰」中，一齊站立、站好、站穩🙏🙏

✨想重温講道內容，請㩒Link in bio✨

#成長係點㗎

預祝各位父親👨🏻，父親節快樂！
今個禮拜日，約定你喺父親節嚟一齊見證弟兄姊妹嘅大日子，睇下佢哋點樣認識呢位超超超愛我哋嘅天父爸爸。帶住你嘅愛人同愛你嘅人，一同見證神喺唔同人嘅生命中做緊啲咩！

星期日，早啲嚟搵個靚位，主樓大堂見！

📍查詢電話同地址請㩒 Link in bio ✨

#父親節 #聯合崇拜

我哋每個人喺基督入面都係被愛嘅，「成長」唔係單靠自己嘅努力去做一個更好嘅人，而係喺基督入面願意被神去更新同建立。而呢個福音能夠傳到我哋生活入面，係因為有人願意為我哋「死去活來」：

1️⃣為我哋能夠得聞福音而排除萬難嘅人：當中有耶穌同保羅嘅犧牲，仲有宣教士嘅付出，即使面對住戰亂同監禁都仍然選擇不斷咁建立信徒。

2️⃣為我哋能夠活出福音而不斷禱告嘅人：佢哋唔單單淨係帶你返教會⛪️，仲為你祈禱可以同神建立一個更親密嘅關係，俾我哋明白到充滿神嘅生命係好豐盛🌈。

🔔呢份救恩係白白得來嘅，但並唔係廉價嘅。正正係因為呢啲默默付出嘅人，我哋今日先至可以聽到呢個福音。喺你一生嘅信仰入面，有冇邊個係「為咗你而死去活來嘅人」呢？你又願唔願意做一個「為其他人死去活來」嘅人，繼續去傳福音，分享神嘅愛🩷？

✨想重温講道內容，請㩒Link in bio✨

#成長係點㗎