Emmaus

Social media team set log ~~~

💛Emmaus 以馬忤斯💛
卡加利廣東話青年崇拜 🇨🇦🔥

📅 下一次崇拜: 6月6號
📍 地點: SCCEFC 南卡城華人播道會
⏰ 時間: 晚上7:00

#南播 #青年崇拜 #卡加利

「聖靈請你來」呢句話，正確嗎？｜萃取崇拜學 EP.6

有人話：「聖靈已經降臨咗，點可以仲講『聖靈請你來』？」咁呢句敬拜歌詞，究竟啱定唔啱？

關鍵唔係否認聖靈已經臨在，
而係我哋今日仍然需要主觀地經歷祂的安慰、更新同工作。

所以，「聖靈請你來」
未必係求一個歷史事件重複發生，
而係求我哋此刻真實被聖靈觸摸。

你唱呢句歌詞時，心入面其實係想表達乜？

#萃取崇拜學 #聖靈請你來 #敬拜神學 #聖靈

敬拜隊好似表演緊，咁樣對嗎？｜萃取崇拜學 EP.5

好多人都講過一句：
「敬拜隊做乜咁似表演？」
但問題係——似表演，就一定等於驕傲嗎？

唱歌、彈琴、講道，本身都需要技巧、呈現、節奏。
問題唔係「似唔似表演」，
而係人心裡面，到底係想高舉神，定高舉自己。

不過另一邊都要小心：
我哋好容易憑外表去論斷別人，
但論斷，同樣都係罪。

你覺得教會應該點分辨「投入呈現」同「自我表演」？

#萃取崇拜學 #敬拜隊 #教會敬拜 #屬靈分辨

點解有啲詩歌一唱就覺得唔啱音？｜萃取崇拜學 EP.3

你有冇唱過一啲詩歌，明明旋律無錯，
但用廣東話唱就總係怪怪地？

可能唔係你問題，係語言歷史問題。
好多華人教會唱嘅詩歌，本身來自英文，
再轉做國語，之後先被粵語教會沿用。

結果就出現一個情況：字啱，音唔順。
所以有時唔投入，未必因為你屬靈唔夠，
而係首歌本身同粵語節奏未必夾。

你最記得邊首詩歌係「明明熟，但點唱都唔順」？

#萃取崇拜學 #敬拜詩歌 #廣東話敬拜 #教會文化