Knowing Our Roots

சைவத்தின் அடிப்படையான
குரு, லிங்க, சங்கம வழிபாடு.

199. சிவபெருமானை ஆன்மாக்கள் வழிபடும் இடங்கள் எவை?

சிவபெருமான், புறத்தே சிவலிங்கம் முதலிய திருமேனிகளும் குருவும் சங்கமமும் ஆதாரமாகக் கொண்டு நின்றும், அகத்தே உயிர் இடமாகக் கொண்டு நின்றும், ஆன்மாக்கள் செய்யும் வழிபாட்டைக் கொண்டருளுவர். ஆதலால், ஆன்மாக்கள் அவரை வழிபடும் இடங்கள் இவைகளேயாம். சிவத்துக்குப் பெயராகிய இலிங்கம் என்னும் பதம், உபசாரத்தால், அச்சிவம் விளங்கப் பெறும் ஆதாரமாகிய சைல முதலியவற்றிற்கும் வழங்கும்.

(சைலம்=சிலை; சங்கமம் = மெய்யடியார் கூட்டம்)

விளக்கக்குறிப்பு:

எமது சைவம்
1. குரு
2. லிங்கம்
3. சங்கமம்
என்னும் மூன்றையும் இறைவன் வெளிப்பட்டு நிற்கும் இடங்களாகச் சொல்லுகின்றது.

• குரு என்பது அஞ்ஞான இருளை அகற்றி ஞான ஒளியை ஏற்றும் ஞானகுருவையே குறிக்கின்றது.

• போலிக் குருமாரினதும், போலி அடியார்களினதும் வலையில் வீழாமல் மெய்யான குருவையும், மெய்யான அடியார்களையும் இனம் கண்டுகொள்வதற்கு சைவ நூல்களிலுள்ள ஆச்சாரிய இலட்சணமும், அடியார் இயல்புகளும் தெரிந்திருத்தல் வேண்டும்.

• போலிக்குருமாரைப் பற்றி திருமூலர் பின்வருமாறு எச்சரிக்கின்றார்.

குருட்டினை நீக்கும் குருவினைக் கொள்ளார்
குருட்டினை நீக்காக் குருவினைக் கொள்வார்
குருடுங் குருடும் குருட்டாட்டம் ஆடிக்
குருடுங் குருடும் குழிவிழு மாறே .
- 10ம் திருமுறை - திருமந்திரம் 1680

• போலிக்குருமாரைப் பற்றி காழிக் கண்ணுடை வள்ளல் பின்வருமாறு கூறுகின்றார்.

கூலித் தொழிலாளர், கொண்டு விற்போர் போன்ற
வேலைப் பகடிகளை மேவாதே - காலம் போற்
பார்த்திருக்க வைத்த பரமகுருவைப் பேண
வார்த்தையிலை தீண்டா மனம்.
- ஒழிவில் ஒடுக்கம் 03

• கும்பம், விம்பம், இயந்திரம் மூன்றும் இறையின் திருமேனிகளாம்.

• கும்பம் என்பது நிறைகுடம்.

• விம்பம் என்பது உருவச்சிலைகளும் சித்திரங்களும். இந்த உருவங்கள் எல்லாவற்றிலும் மூலமானதும், முதன்மையானதும், சிறப்பானதும் சிவலிங்கம் ஆகும்.

• காணாத அருவுக்கும் உருவுக்கும் காரணமாய்
நீணாகம் அணிந்தார்க்கு நிகழ்குறியாஞ் சிவலிங்கம்

கண்ணுக்குப் புலப்படாத அருவத் திருமேனிக்கும்,
கண்ணுக்குப் புலப்படும் உருவத் திருமேனிக்கும்
மூலமான இருப்பிடமாய், நீண்ட பாம்பை அணிந்த சிவபெருமானை அறிந்து வழிபடுவ தற்குச் சிறந்த அடையாளமாய குறியாய் விளங்கும் சிவலிங்கம்.
பெரியபுராணம் -12ம் திருமுறை – 3648 ம் பாடல்

• உலகத் தோற்றம், ஒடுக்கம். இருப்பு யாவும் - சிவலிங்க வடிவம் - அண்ட லிங்கம் என்று திருமந்திரம் கூறும்.

இலிங்கம தாவது யாரும் அறியார்
இலிங்கம தாவது எண்டிசை எல்லாம்
இலிங்கம தாவது எண்ணெண் கலையும்
இலிங்கம தாக எடுத்தது உலகே
- திருமந்திரம் - 10ம் திருமுறை -1712ம் பாடல்

Book Reference -
ஆறுமுக நாவலர் சைவவினாவிடையும்
Dr. Lambotharan Ramanathan (MD) அவர்களின் விளக்கக்குறிப்புகளும் (நூல்).

Siva Jnana Siddhiyar Learn our roots; our philosophy; our tradition; our religion; our faith; our language; our goal; our

mental health part 1

Mental health part 1 Mental health

புரட்டாதி – PuraddAthi / Mid September to Mid October

FASTS AND FEASTS – விரதங்கள், பண்டிகைகள்

• Sept 14th to Sept 28th - Maha Laya Paksham -மஹாளய பக்‌ஷம் – Fifteen days of worship and offering to the departed ancestral souls culminating on the new-moon of the month.
• Sept 29th to Oct 7th - Nava rAtri - நவராத்திரி – nine nights of worship dedicated for Devi invocated on kumbha – decorated water filled pot. The tenth day is Vijaya Dasami, the day of Saraswathi Pooja.
• Oct 7th to oct 27th - Kedara Gowri Viratham - கேதார கௌரி விரதம் – Twenty-one days fasting and worship of Ambal

GURU PUJA DAYS -குருபூசை தினங்கள்

• Oct 14th Aswini – Uruthra Pasupathi Naayanaar – உருத்திர பசுபதி நாயனார் குருபூசை - https://en.wikipedia.org/wiki/Rudra_Pasupathi_Nayanar
• Sept 20th Rohini – Thiru naaLai pOvAr (NanthanAr) – திருநாளைப்போவார் (நந்தனார்) குருபூசை - https://en.wikipedia.org/wiki/Nandanar
• Sept 24th - Poosam - Arulnanthi Sivam - அருள் நந்தி சிவாச்சாரியார் குருபூசை
• Oct 7th Uttaraadam – EnAthi naathar – ஏனாதி நாதர் குருபூசை - https://en.wikipedia.org/wiki/Yenathinathar
• Oct 10th Sathayam – Nara singha munaiyar – நரசிங்கமுனையர் குருபூசை - https://en.wikipedia.org/wiki/Narasinga_Muniyaraiyar_Nayanar

October 02 - Gandhi Jayanthi – மகாத்மா காந்தி பிறந்த நாள்

Rudra Pasupathi Nayanar - Wikipedia Rudra Pasupathi Nayanar is the 16th Nayanar saint. Traditional hagiographies like Periya Puranam (13th century CE) and Thiruthondar Thogai (10th century CE) detail his legendary life and services to the Hindu god Shiva. Pasupathi Nayanar was a learned Brahmin devotee who practised chanting of the Sh...