Central Club Basel 1911

Jodlerfescht 2026 Feschtumzug 🪈🥁

Au bi 38 Grad 🌡 hän mir luscht uff Fasnacht🖤🤍

Als Teil vo dr Basler Fasnacht UNESCO Wältkulturerb, hän mir dörfe an däm grandiose Feschtumzug teilneh.😍
Trotz dr Hitz 🥵 isch es e eimoligs und super tolls Erläbnis für uns alli gsi.🤩
Me mungglet sogar, dass öbber vo uns no meh ka as Piccolo spiele und Fasnacht mache.🤫😉

Dangge .ch hän mir dörfe drbi si.🙏☺️

☀️CCB Bummel 2026☀️
Nach ere wunderschöne Fasnacht, hän mir e genau so wunderschöne Bummel dörfe zämme erläbe.
Bi fascht scho summerliche Temparature, hän mir durch e spannende City Treasure Hunt unsers wunderscheene Basel uf e ganz neui Art und Wiis dörfe entdecke. Nid nur Dangg em Apérosäggli 🍺🥂 isch das definitiv e super glungene Alass gsi.😉
E riese härzlichs Danggschön an unseri zwei Organisatorinne Fabienne Roos & Carole Zurbuchen 🥰❤️
E witers Highlight vo däm Daag, isch dr Übertritt vo 10 Junggardischte und Junggardischtinne in Stamm gsi😍
Mir heisse euch härzlich willkomme und freue uns alli uff ganz viel luschtigi und schöni Momänt mit euch!❤️

Jetzt heissts für uns bitz duureschnuufe so dass mir scho sehr bald widr könne Vollgas geh🥳

Wenn's bald widr 4i schloot 😍🎭

Am Samschtig em 31.1.2026 hän mir zämme mit dr Junge und dr Alte Garde e schöne Nomidaag in dr Lange Erle vrbrocht.☀️
Mir sin parat und freue uns riesig uff d Fasnacht 🥳%🥃