Youth in Development Fdn

Tur biaha ku nos minimalisá e emoshonnan di un mucha, nos ta pèrde un oportunidat pa skuch'é, komprond'é i siñ'é kon pa atende, kompronde i regulá su emoshonnan.

Mucha mester di un hende ku ta bisa nan:
"Mi ta mira bo."
"Mi ta tende bo."
"Bo sintimentunan tambe ta konta." ❤️

Kerido mayor,

Niun yu no ta nanse ku un manual ku ta siña bu kon pa ta e "mama òf tata perfekto".

Durante e yu su desaroyo i kresementu abo tambe ta krese i siña komo mayor.
Bo lo faya, kometé eror i asta lo tin dia ku bo ta sinti ku bo por a hasi mihó.

No preokupa. Tur esaki ta partinan di bida ku lo forma bu komo mayor. Bo no mester ta un mayor perfekto, bo mester ta un mayor presente.

Un mayor ku ta skucha, ku ta purba atrobe, ku ta pidi diskulpa ora ta nesesario i ku ta sigui stima, guia i sostené su yu den tur etapa di bida.

Bo no mester ta perfekto. Bo presensia, amor i deseo di sigui siña ta loke ta hasi e diferensia.

Ora nos pèrdè un hende òf algu ku nos ta stima, e mundu por sinti manera un lugá konfuso i bashí. Spesialmente pa nos hóbennan, e kaminda di luto i tristesa por ta un tormenta difisil pa nabegá bo so.

Nos sa ku no tin un 'buki di regla' pa kon bo mester sinti bo, i ku kada ken ta pasa aden na nan mes ritmo. P'esei, ku masha orguyo i un kurason yen di gratitut, nos ta introdusí nos “Grief Coach” 🌟 Kesiane Zimmerman

Bo no tin motibu kana e kaminda aki bo so. Nos t'ei pa duna bo e guia i e espasio pa bo ruta di pas i trankilidat.

📩 Tuma kontakto ku nos via DM pa mas informashon òf pa un kombersashon personal.