Hints4Life Coaching & Development

Durante e añanan promé ku mi a tuma e desishon pa kuminsa ku mi negoshi mi a kuminsa traha riba un plan ku mi ta yama "plan di eskape".

Dikon mi ta yame plan di eskape? Paso esaki lo ta e plan ku lo yuda bu sali for di kaminda bo ta, stòp di hasi loke bo ta hasiendo ku no ta bezig ta benefisiá bu mas anto kuminsa hasi lokual sí lo yuda bu yega kaminda bo ke yega.

Bo no por kuminsa nada sin un plan!! Bo tin ku bini ku strategianan, pensa realístiko i wak ken ta bo klientenan. Tur kos ta tuma tempu i di e mesun manera ku ora bo ta lanta un kas bo mester sòru pa su fundeshi ta stabil, ta rekerí mesun kos ora bo ke kuminsa ku bo negoshi.

Lo bai tin momentunan ku lo bo tin ku skohé, lo bo tin ku sakrifiká, tuma desishonnan ku lo duna bu miedu pero bo tin ku tuma nan tòg i tambe kambia di trabou/puesto pa generá mas sèn pa bo por invertí òf djis kuminsa ku loke bo tin manera bo por.

Komo mi tin un business mindset, unda ku mi bai traha mi tabata mira ku por otro, por hasi mas òf kiko mester wòrdu kambia anto kasi tur kos tabata molestia mi, mi tabata bai traha pero ku un propósito i ku mi wowo figá riba lokual mi tabata kier a logra paso ya mi a kuminsa sinti ku mi no ta fit in pa ta un trahado anto tiki tiki mi a kuminsa sinti ku e lokual mi tabata sinti ta bezig ta push mi pa bai riba mi mes paso mi ta konsiente ku mi no por bai den luga di hende i eksigí pa kosnan bai òf kana na mi manera, ònke mi tin ku bisa komo semper mi tabata un bon trahado mi tabata logra pa kosnan bai manera mi ke di un òf otro manera pero kuantu tempu mas lo mi por sigui hasi esaki?

Dus mi tabata sa ku e momentu pa mi bai riba mi mes lo a yega un dia no muchu leu.😅

Si bo a yega di sinti òf pensa meskos ku ami, pèrmiti mi bisa bu un yamada e ta, no ignore!

Kisas bo tabata falta nèt e post aki pa bo por tuma e desishon pa kuminsa riba "bo plan di eskape".

Bo no mester hasi esaki bo so paso ami i mi tim ya a kòrda riba bo. Bo por subi riba nos website i skohé bo "Basic - Business Coach Package" kaminda ku lo bo wòrdu yuda ku strategia, plan pa hinka bo negoshi den otro i hopi mas.

No laga bo idea keda djis na un soño, si bo a pensé ta paso bo por logre.

Plans & Pricing | Hints4life Coaching & Development

"Bo tin e abilidat pa transformá dolor den forsa."