PSK Almanya

KOMKUJÎYA MADIMAQÊ JÎ BÎR NABE!

Jî vir 32 sal berê, Roja 2-ê Tîrmehê sala 1993 de, li Sivasê komkujîyekî vehşîyane pêk hat. Di wê rojê de, grûpekê rewşenbîr û hunermendên Kurd û Tirk ji bo beşdariya Festîvala Pîrsultan Abdalê hatibûn bajarê Sivasê. di otêla Madîmaqê de cîhwar bûn.

Madimaq bu hedefa erêşa kevneperestên îslamîst û faşîst.
Wan har û hovan agir berdan otêlê. Di vê erîşê de, du xebatkarên otelê û 33 rewşenbîr û hunermend hatin kuştin. Piranîya wan rewşenbîr û hunermendan ku di we erîşeda jîyana xwe jı dest dan Elewî bun.

Vê har û hovîya li MADIMAQÊ rojek reşe di diroka Tirkîyê de.
Em wek Yekîtîya Komelên Kurdistanê, KOKAR- Almanya vê komkujiyê , har û hovîtîyê bi hemû avayî şermezarî dikin. Di 32. min salvegera qetlîama Madîmaqê de, hemû cangorîyên vê wehşetê bi rêzdarî bi bîr tînin. Ew ticar ji bîrnabin.

Carêk din wan qatil û hovan rezîl û riswa dikin.
Şehîdên MADIMAQÊ nemirin.
Ruhê wan sax û şad be.

Yekîtîya Komelên Kurdistan
KOMKAR- Almanya
Tirmêh 2025
---
MADIMAK KATLİAMINI UNUTMADIK !
32 Yıl önce 2 Temmuz 1993 yılında bir grup sanatçı ve yazar, Sivas'ta düzenlenen Pir Sultan Abdal Etkinlikleri'ne katılmak için Madımak otelinde konaklarken devlet destekli bir grup gerici ve faşist grup tarafından Madımak oteli ateşe verildi ve aralarında iki otel çalışanının da bulunduğu çoğu Alevi inancına mensup 35 Kürt ve Türk aydın ve sanatçı hunharca katlediler.
Kürdistan Dernekleri Birliğl KOMKAR olarak, o vahşi ve insanlık dışı olayın 32. yıldönümünde o olayı yapanları şiddetle kınıyor, katliamda yaşamını yitirenleri saygı ile anıyoruz.Ruhları şad olsun.
KOMKAR-Almanya.
Temmuz 2025

Konferans!

PSK 4. Büyük Kongresi Ve Yeni Dönemde Kürt Hareketi

Ji bo Raya Giştî

Yekîtiya Komeleyên Kurdistanê-KOMKAR Almanya di 7ê Hezîrana 2025an de bi serkeftî 26 emîn kongreya xwe ya asayî li dar xist. Di Kongreyê de Lijneya Giştî ya Rêveberiya (GYK) nû ku ji 15 kesan pêk dihat hat hilbijartin.

Di encama belavkirina erkên navxweyî de, GYK-ya hilbijartî endamek ciwan wek Serokê Giştî tayîn kir û hejmara endamên MYKê ji 5an heta bi 7an zêde kir û endamên MYKê diyar kirin.

Kongreyê pêşketinên dawî û siyasî yên li Rojhilata Navîn, Kurdistan û Tirkiyê, rewşa rêxistinî û xebata Revenda Kurdistanî bi berfirehî nirxand.

Kongreyê pêwist dît ku daxuyaniya jêrîn bi raya giştî re par ve bike.

Kongreya me, ku li ser avahî û xebata me ya rêxistinî nîqaş kir, destnîşan kir ku ciwan û jin bi rêjeyek têrker beşdarî xebatê nabin, û di xebata lobiyê û dîplomasiyê de rawestanek heye. Hat pejirandin ku bernameyên taybet ji bo ciwan û jinan bên çêkirin da ku bi awayekî çalak beşdarî xebatê bibin, însiyatîf bigirin û di organan de bêhtir cîh bigirin.

Ji bo ku di çalakiyên lobî û dîplomasiyê de serkeftin çêbibe, biryar hat dayîn ku di nav rêxistinê û li derveyî wê di bin koordînasyona Rêveberiya Giştî de tîmek bê avakirin.

Kongreya me herweha xebata koalîsyonê û Konfederasyona Revenda Kurdistanî bi berfirehî nirxand û ev biryar da:

Konfederasyona Revenda Kurdistanî, ku em ji damezrandina wê ve bi awayekî çalak tê de beşdar in û girîngiyek mezin didin xebat û armanca wê, dikare li gor şert û mercên bêhempa yên dîyasporayê, ji bo çar perçeyên Kurdistanê xebatên girîng yên ji bo lobî û dîplomasiyê pêk bîne; ew dikare li dîyasporayê beşdarên cidî ji bo têkoşîna netewî û demokratîk ya gelê Kurd peyda bike.

Kongreya me, ku nirxek mezin dide Revenda Kurdistanî, destnîşan kir ku ji bo Revenda Kurdistanê sûdmend be, divê organên Konfederasyonê çalak bibin û sazîmaniya wê xurt bibe.

Em bawer dikin ku xurtkirina avahiya pirreng ya rêxistinê û komkirina hemî saziyên demokratîk yên li dîyasporayê wê Revenda Kurdistanî xurttir bike.

Bûyerên siyasî yên ku bi êrîşa HAMAS ya li ser Îsraîlê di 7ê Cotmeha 2023an de dest pê kirin, bandor li tevahiya Rojhilata Navîn kiriye û d**e. Di vê pêvajoyê de, li Sûriyê hilweşîna rejîma Baas ya 61 salî û piştî wê desthilatdariya HTŞê ne tenê hevsengiyên li Rojhilata Navîn hejand, lê di heman demê de bandorek cidî li Başûrê Rojavayê Kurdistanê jî kir. Pêvajoya nû ya ku li Başûrê Rojavayê Kurdistanê tê jiyîn, hem xeteran hem jî derfetên dîrokî ji bo Kurdan dihewîne. KOMKAR, ku ji destpêkê ve girîngiyê dide pêşxistina helwest û tevgerînek hevpar ya hêzên Kurd li Başûrê Rojavayê Kurdistanê, Konferansa Netewî ya 27ê Nîsanê û di 4ê Hezîrana 2025an de avakirina komîteyek hevbeş wek gavek dîrokî dibîne.

Kongreya me pêvajoya ku ji alî Devlet Bahçelî û banga Ocalan ve hatiye destpêkirin nirxand. Kongreya me biryarên ku li ser banga Ocalan di kongreya de hatine girtin nirxand û biryara bidawîanîna têkoşîna çekdarî, ku ne tenê li Bakurê Kurdistanê lê di heman demê de li Başûr û Rojavayê Kurdistanê jî zirarê dide têkoşîna netewî, bi erênî nirxand.

Lêbelê, delegeyên Kongreya KOMKARê daxuyaniyên rêberê PKKê Abdullah, ku dibêje daxwazên wek dewletek netewî, federasyon, otonomî û mafên çandî ne hewce ne, qebûl nakin û vê yekê wek xwesteka îpotekkirina têkoşîna netewî û dadwer ya gelê Kurd dinirxînin.

Delegeyên kongreyê di wê bahweriyê de ne ku ev daxuyanî ne tenê zirarê dide doza rewa û dadwer ya gelê Kurd, lê di heman demê de xizmetê ji polîtîkayên înkar û asîmîlasyonê ya dewleta Tirk re jî d**e. Em hemû Kurdên li dîasporayê, yên ku li dijî vê siyasetê ne, vedixwînin nav refê KOMKARê da ku ji bo mafên xwe yên netewî û demokratîk têbikoşin.

KOMKAR- Yekîtiya Komeleyên Kurdistanê

Delegeyên Kongreya 26emîn.

07.06.2025

Leverkusen-Almanya