Délice de Rima

✨سر لمعان شوكولة ✨
شوفو شوكولة دايمن تجيني ليس و تلمع ماشاء الله 👌🏻
و سر تاع هاذ شي مشي غير ف زيت ❌ سر ف ذوبان يعني طريقة لي تذوبيها بيها
طريقتي انا :
✔️اول حاجة ندير ماء يسخن فوق نار و انا نقطع شوكولة تاعي رقيقة
✔️كي يغلي الماء نقصلو a petiiiiiiit feu كامل نخلي نار تبان شوية برك
✔️ بعد ما نقص نحط طبسي و نروح نخليها شيكولة مانمسهاش ( مشي تروحي ساعة ختي 😂)
قيس ماتشوفيها بدات تذوب ف الاطراف ابداي تخلطي حتى تكملي تذوبيها باش تزيدي عليها شوكولة لي بقات
و كملي تخلطي تذوبلك بلخف لانو الماء يكون سخون بزاف تذوب بلخف مشي كيما تطول فوق نار تنحرقلك
كي تشوفي بقاو غير حبيبات صغار صاايي نحيها من فوق نار و كملي خلطي حتى تذوبلك مليح تولي لييييس

ومبعد نجو لزيت انا ف 100غ ندير 2م/ك
زيت هنا تخلطيها ملييييح ملييييح لانو تبانلك دخلت و هي نوو كي تڤلاصي و تنشف شوكولة تولي باهتة مشي تلمع
تسما لازم تخلطيها وحد 5د ولا باش تبداي تڤلاصي

و سر اخر يا سيدتي الحبة تاعك كي تنشف عمرك لا تمسيها من فوق ❌ لانو يبقاو لي طراس و متوليش الحبة متحوفة ارفديها من لي كوتي

هاذي هي طريقة سهلة و ماتتخيلوهاش تدي منكم وقت كبير لالا يا ربي 10د كي يكون الماء تاعكم غلا مليح
طلعو المنشور نكمللكم عجينة صابلي لي تجيني على حبة 😍✅
منقولة للإستفادة 🥀🥀