Taleed+

⭕ علابالي بزاف سمعوا بمصطلح " قابلية الاستعمار " ، هذا المصطلح ورد في كتب المفكر مالك بن نبي ، كان هو أول من إستعمله وكان وقعه قوياً لما آلت اليه حالة الشعوب الافرواسياوية عامة والشعوب الاسلامية خاصة وبالتحديد الشعب الجزائري .

◾ حيث قال " تصفية الاستعمار في العقول تتطلب أشياء كثيرة يتضمنها مفهوم الثقافة و مفهوم الحضارة ، فهي لا تتحقق إذن بمجرد إنسحاب جيوش الاستعمار و مجرد إعلان الاستقلال و تحرير دستور كما هو الأمر بالنسبة للتراب الوطني " فهو يعني هنا ان استعمار العقول اقوى مفعولا من استعمار الارض و التي اسماها برواسب الاستعمار ، و اعتبر تصفيتها " عملا ثورياً "

◾هذي لي سماها هو "العارضة " موجودة على أعين الشعوب الافريقية والآسياوية ، هذه العارضة تشكلت من المصطلحات لي أطلقها المستعمرون للتحكم النفسي ك " الدول المتخلفة ، دول العالم الثالث " قد صنعت من الشعوب دور الضحايا وشجعت على إنتشار الجهل وإنتظار الاخرين ، حتى إكتفينا بالاستهلاك على جميع الاصعدة : فكريا ، صناعيا ، علميا ، ثقافيا حتى عقائدياً للأسف .

◾ فهو يرى أن النخبة وصناع القرار ساهموا في نجاح هذه المشاريع التجهيلية بتواطئهم مع الرأس المدبر الذي يرى من آسيا وأفريقيا أرض ثروات مفتوحة دون حراس .

◾إن تقوية حصننا القومي الدفاعي ضد كل هذا يبدأ يسد الثغرات الصغرى إلى الكبرى بتخطيط شامل ، يُحسب بذكاء لكل خطوة تخطوها دولة نامية أو متجهة نحو الخروج من التبعية .

💜📖

💢 راك قاعد في cafétéria وطلبت قهوة بالحليب، تلقى النّادل يسقسيك: "حليب البقرة ولاّ حليب الصرصور؟؟".
▪️مقرف ياك؟ بصّح يبقى واقع، حنا نعرفوا بزاف أنواع تاع الحليب، بصّح نوع جديد راح يغزو الأسواق عاجلا أم آجلا، حليب صراصير Diploptera punctata، وهي نوع من الصراصير اللّي يولد ويرضّع صغاره.
▪️صغار الصراصير هاذي كي ترضع تضرب فوق حقها، و الفائض تاع هذا الحليب يتخزّن فيها على شكل بلّورات بروتينية. بصّح السؤال هنا هو، كيفاش نستخرجوها من الصرصور؟؟ نحلبوه؟
▪️لالا ما نحلبوهش لأنها عملية شبه مستحيلة، بصّح عملية الإستخراج تتم عن طريق ثقب الأجنة تاع الصراصير بالإبرة باش يعزلوا البلورات، وهي عملية شاقة وتطوّل، لدرجة أنهم يحتاجوا نصف يوم باش يستخرجوا حليب 3 صراصير برك، و لازم حوالي 1000 صرصور باش يديروا 100g تاع الحليب.
- والتحليل تاع الحليب هذا بيّن بلّي فيه قيمة غذائية عالية بزّاف، بالتحديد 4 أضعاف القيمة الغذائية تاع حليب البقرة.
-زعما راح تقدروا تشربوه؟ 🙄

ماشي لازم الإنسان يحط حياته وحاضره كاملين قيد الإنتظار في الوقت اللي يكون فيه يتعافى ولا ينضج ويتعلّم ويتغيّر ويصحح أخطائه، ماشي عيب كي الإنسان يوازن بين عيش حاضره وبين التعافي والتصالح مع ماضيه.

العيب هو تكرار نفس أخطاء هذاك الماضي والتصرف بنفس درجة الإنفعال والإندفاع في أمور صرات من قبل وعندنا خبرة فيها وين نكونوا علابالنا واش راح تكون نتيجة أفعالنا.

غير ذلك، يقدر أي واحد فينا يمشي في حاضره ويتقدم في نفس الوقت اللي راه يتصالح فيه مع ماضيه ويتقبل خساراته وخيباته. ويتعلّم منها ويتعافى منها، كونوا لطفاء مع أنفسكم.

تصبحو بخير 💜