MED Meuble

س1️⃣/ يعني ايه سجود تلاوة ؟
ج/سجود التلاوة هو السجود اللي مطلوب منك تسجده لما تقرأ آية فيها سجدة ودي هتلاقي علامتها في المصحف رسمة زي المسجد في نهاية الآية وخط موجود عند الكلمة اللي فيها السجدة وهي 15سجدة موجوده في القرآن
**
س2️⃣/ إيه فضله ؟
فضله ذكر في حديث النبيﷺ《 إذا قرأ ابنُ آدمَ السَّجدةَ فسجد، اعتزلَ الشَّيطانُ يبكي، يقولُ: يا وَيْلَهُ، أُمِرَ بالسُّجودِ فسجَدَ؛ فله الجنَّةُ، وأُمِرْتُ بالسُّجود فعصيْتُ؛ فلِيَ النّار》
****
س3️⃣/ايه حكم سجود التلاوة لازم اسجد يعني ؟ والسجود ده يكون في الصلاة بس ولا امتى ؟
سجود التلاوة بيكون في الصلاة أو لو بتقرأ قرآن بره الصلاة عادي
لما تمر بموضع سجده تسجد سجدة التلاوة
وسجود التلاوة سنة عن النبي ﷺ
***
س4️⃣/طيب لو ماسجدتش حرام عليا ؟؟
ج/ لا مش حرام
بس الأفضل تسجد
***
س5️⃣/طيب سجود التلاوة بيكون ازاي ؟
ج/سجود التلاوة بأنك تقول الله أكبر وتنوي انك هتسجد سجدة تلاوة وتسجد بس كدة
***
س6️⃣/طيب لو بقرأ قرآن وانا مش متوضي أو لو بنت مش مغطية شعرها ..ينفع أسجد سجدة التلاوة ؟؟
ج/ اختلف أهل العلم في سجود التلاوة هل ياخد احكام الصلاة ولا لا
البخاري نقل عن ابن عمر أنه كان يسجد على غير طهارة
فلذلك اختار بعض اهل عدم اشتراط الطهارة لسجود التلاوة ، ومن هؤلاء شيخ الإسلام ابن تيمية
وهو اختيار الشيخ بن عثيمين وبن باز ،
فاختيارهم أن سجود التلاوة لايأخذ أحكام الصلاة وبالتالي يجوز تسجد حتى لو مش متوضي أو بنت حائض أو مش مغطية شعرها
***
س7️⃣/فيه دعاء مخصوص بيتقال في سجود التلاوة ؟؟
ج/ ورد عن النبي ﷺ انه كان بيقول:
(اللَّهُمَّ لكَ سَجَدْتُ، وَبِكَ آمَنْتُ، وَلَكَ أَسْلَمْتُ، سَجَدَ وَجْهِي لِلَّذِي خَلَقَهُ، وَصَوَّرَهُ، وَشَقَّ سَمْعَهُ وَبَصَرَهُ، تَبَارَكَ اللَّهُ أَحْسَنُ الخَالِقِينَ)
(اللَّهُمَّ اكتُبْ لي بها عندَك أجْرًا، واجعَلْها لي عندَك ذُخْرًا، وضَعْ عنِّي بها وِزْرًا، وتقَبَّلْها مِنِّي كما تَقبَّلْتها مِن عبدِك داودَ)
***
س8️⃣/طيب لو مش حافظ الدعاء ده ؟
ج/تقول سبحان ربي الأعلى عادي خالص زي أي سجدة تانية
***
س9️⃣/ ينفع بدل السجود أقول ذكر وتسبيح ؟؟
ج/لا ماينفعش ..الوارد عن النبيﷺ السجود فقط
لو مش هتعرف تسجد خلاص ماتعملش حاجة وكمل قراءة عادي أو سماع
***
س🔟/ لو بصلي وكانت سجدة التلاوة في آخر السورة زي مثلا سورة النجم و العلق أعمل ايه ؟؟
ج/ هتسجد سجدة التلاوة عادي
وبعد ماتقوم من سجدة التلاوة ممكن تعمل حاجة من اتنين:
👈ياإما تقرأ آية أو أكتر من سورة تانية وبعدها تركع
👈أو بعد ماتقوم من السجود وتقف تقول الله اكبر وتركع من غير ماتقرأ حاجه

#رمضان #معلومة

صح فطوركم 🥰😘