Alili Aicha

- اشغلك عمرو دياب ؟
-- اشمعني !
- شوفتك مشيره بوست ان نفسك تنزلي تتمشي بالعربية مع شخص لطيف وتسمعوا عمرو دياب ، فـ انا هعتبر نفسي الشخص اللطيف ده ، ها بقى هشغلك الليلادي ماشي..

-- الله طب وعرفت منين ان بحب الاغنية دي بذات يا استاذ ..
- هو على قد الاغنية قولي عرفت منين انك بتحبي المانجا اكتر م الفراولة وبتكرهي الصيف عشان بشرتك دهنيه ، وانك كل مره بتنبهري بنفس درجة الروج اللي عندك منها دستة ، وانك مأجرة فستان بالامراة لونه نبيتي عشان فرح دعاء صاحبتك ..

-- الله الله هو فيه ايه بقى
- مهتم ، مهتم اعرف كل رغباتك وكل تفاصيلك ، ما بصدق اقعد مع حد قريب منك وافضل ادحلبه ف الكلام ، واعرف عنك اكتر ..

-- وده ليه ان شاء الله !
- عشان ابهرك ، عشان من غير ما تقصدي وقعتيني فيكي ، خلتيني اقرب منك من غير مجهود من غير ما تعملي حاجه ، عارفه انا معرفش يعني ايه حُب بس لو اني اسهر طول الليل افتح صورك واسمع ريكورداتك واتابعك يبقى انا بحبك باين ..

- ايه ، كل ده ف قلبك ليا وساكت
-- كل ده فـ عنيا ومش ساكتة ، لما بقابلك بتعترفلك بكل اللي فيها ، من يوم ما عرفتك وانا معنديش حاجه اخاف عليها غيرك ..

-- طب ما انا كمان عايزه اعترفلك اعتراف!
-ياريت
-- لما شيرت البوست وقولت اني نفسي اتمشى بالعربية مع شخص لطيف ونسمع عمرو دياب ، كُنت قصداك .. انا كمان بحبك يا خالد ..

- بجد؟
-- اه واسكت بقى متكسفنيش وسمعني حاجه على زوقك بقى المره دي ..

- يبقى هشغلك ، هشغل ريكورداتك ، اصل انا من يوم ما سمعت ريكوردات صوتك وانا مبقتش عارف اسمع اغاني وبقيت اشغلهم بدل الاغاني عشان ابقى مبسوط ❤️

كل الأمور تبدأ بالرغبة والعمل والإصرار على الإستمرار …. إبدأ وراقب تقدمك ونجاحك بتلقائية.

لكل منا اعباؤه و مشاكله فلا تثقل غيرك بهمومك ، كلنا نبحث عن من يخفف علينا و يصنع معنا السعادة لنتشاركها . 💛