Legend Techno

Select Girls Where Age Between 18 to 24 and eyes = bleux

خطة رمضانية بسيطة
هات ورقة وقلم .. واكتب لنفسك خطة بسيطة
الخطة عبارة عن روتينك اليومي في رمضان .. النقاط القادمة هتساعدك.
1 - الخطة لازم تكون بسيطة فعلاً ..
ماتتخطاش نص صفحة تحدد الأنشطة الأساسية في يومك ..
كل ما كانت بسيطة كل ما كنت قادر على الإلتزام بيها.
2 - الجميل في رمضان إن الأمور الأساسية مواعيدها ثابتة .. الصلوات ..الإفطار.. السحور .. وده هيساعدك وهيقلل حيرتك لأن خطتك هتعتمد على الثوابت دي.
3 - أول حاجة من غير الثوابت محتاج تحدد ميعادها هي النوم .. هتنام كام ساعة وإمتى بالظبط .. وإن كنت هتاخد نصيبك اليومي من النوم على مرة واحدة ولا مرتين... حدد أوقات النوم قبل تحديد باقي العبادات كقراءة القرآن! .. بدون قسط جيد من النوم مش هتعرف تعمل أي حاجة تاني!
4 - لا تبالغ في تقدير ما تستطيع أن تقوم به من عبادات .. لو لم تكن معتاد على قراءة القرآن قبل رمضان فلا تفترض أنك ستستطيع قراءة 3 أجزاء يومياً! .. لا تقع في فخ حماس البدايات .. لأنك لما تبالغ في تقدير ما يمكنك أن تفعله وتفشل سيصيبك إحباط قد يتسبب في التوقف التام عن معظم الأعمال!
تذكر: "قليل دائم خير من كثير منقطع".
وعموما يا سيدي خلي أول أسبوع في حدود المعقول .. ولو وجدت في نفسك طاقة بعد أول أسبوع للمزيد قم بالزيادة .. تابع النقاط القادمة.
5 - ولأن مفيش خطط مثالية فانت هتراجع الخطة كل يوم جمعة .. وهتعدل عليها بما يناسب بعد ما تكون عشت أيام رمضان وجربت وشوفت إيه ينفع وإيه ما ينفعش ... توقع بعد أول اسبوع تعمل تعديلات عالخطة والمواعيد.
توقع طبعاً إن في بعض الأيام هتحصل ظروف تمنعك من الإلتزام بالروتين بشكل كامل .. طبيعي .. إلتزم بقدر الإمكان. ( مالا يُدرك كله لا يُترك جله)
6 - أيام الأجازة طبيعي روتينها هيختلف شوية عن أيام الشغل .. لكن كل ما كان الإختلاف أقل كل ما كان أفضل .. حاول تستبدل وقت الشغل بحاجة تانية تحل مكانه وتحافظ على باقي روتين اليوم كما هو.
------------------------------
مثال على خطة .. مجرد مثال!!
( طبعاً المواعيد هتختلف حسب البلد وحسب ظروف كل شخص)
------------------------------
3:00 إلى 4:00 .. سحور وصلاة الفجر و قراءة قرآن
4:00 إلى 9 .. نوم
9:00 ص إلى 5:00 م (استيقاظ - مواصلات رايح - شغل - مواصلات راجع)
(طبعا قد يتخلل هذه الفترة قراءة قرآن في المواصلات وذكر واستغفار )
5:00 إلى 7:30 فترة ما قبل الإفطار ( مفتوحة .. شراء طلبات .. دعاء .. أو قيلولة نوم .. كل حسب ظروفه)
7:30 وحتى 10:00 .. إفطار .. جلوس مع الأسرة .. الإستعداد لصلاة العِشاء
10:00 إلى 00:00 .. صلاة العشاء والتراويح
00:00م إلى 3:00 م .. كل يقسمها حسب ظروفه .. بلاش مسلسلات .. بالإضافة لكونها مليانة موبقات عادة فالوقت ضيق أصلاً! .. خلال هذه الفترة عوض ما ينقصك من نوم أو قراءة قرآن أو شغل ودراسة.
-------------------------------
أُذكر نفسي وإياكم بإن رمضان ما بيتعوضش! .. تقدر تستغل رمضان السنين القادمة لو ربنا كتبلك عمر .. بس ده مش معناه إنك عوضت رمضان السنادي .. لو أنا وانت مكتوبلنا نفس العمر وانا ضيعت رمضان السنادي وانت أحسنت فيه .. وكل السنين الجاية أنا وانت أحسنا فيه هتفضل انت أعلى مني أجر برمضان كامل انت استغليته وانا ضيعته!
اللهم تقبل منا ولا تفتنا.