FLAME PROD

لعرس تاع 100 ولا 150مليون ولا أكثر بصراحة مايعمرليش راسي، كل واحد حر وربي يسهل على الجميع🤲🏻❣️لكن انا نبغي نعيش الواقع☺️ نمد رجلي على قد لبستي لحافي، ونشوف بنت الناس لي تناسبني فالتفكير🤔🤗 قبل أي حاجة، وعلى نفس المستوى المعيشي تاعي باش مايكون حتى ضغط من البداية.
مانأمنش بالبريستيج الفارغ ولا بالمظاهر لي تخدع الناس، واش الفايدة تصرف الملايين على نهار واحد ونرجع ممبعد نحسب فالديون؟؟؟ 🤔 المال لي يروح فالتبذير، يقدر يكون بداية خير، عمرة مباشرة بعد العرس ولا مشروع صغير اي حاجة صدق نهار فرحك، ولا تجهيز دارك بكل مايلزم ونعيشوا مرتاحين من الأول، ولا حتى سفرة لبلد آخر تستمتع فيها ببدايتك وتكون أجمل ذكرى💍❣️
الزواج مشي حفلة، الزواج مسؤولية وعشرة عمر، النهار لي يكون فيه التفاهم والراحة النفسية أهم من القاعات واللبسة... إلخ أنا نشوف بعقلي، نخطط، ونسير أموري بما يناسب قدراتي ومانمشيش مع التيار، اللي يهمني هو الإستقرار، مشي كلام الناس، يكفي عرس بسيط ومحترم بين العائلتين والباقي نخلوه لحياتنا الحقيقية، وين نبنيو دارنا ونأسسوا مستقبلنا✨💓
الزواج ماشي عرس وماكلة ونهار وتفوت الفرحة...، الزواج إلتزام يومي، رزق، أمانة، وميثاق غليظ
هو صبر، تعاون، وإحترام متبادل، قبل ماتقول نحبها، إسأل روحك
نقدر نتحمل المسؤولية وقت الشدة؟
نقدر نحافظ على الإحترام حتى وقت الغضب؟
الزواج مشي هروب من الوحدة لا لا، ومشي ضغط إجتماعي، ومشي سباق مع الناس...
هو قرار واعي مبني على نضج نفسي واستعداد حقيقي
الزواج رزق من عند ربي سبحانو أعرف تستغلوا ودير بيه طريق باش يرضى عليك ربي سبحانو ومتخسرش الطفلة ومتضلمش ولادك مستقبلا وعيش فالكالم وفرح ويدوم المحبة ان شاء الله هذا مكان☺️🤗
ان شاء الله ميساج لحق❣️💓

ساطلبك من الله في كل صلاة لتكوني لي 💍🤲🏼❤
وإنّي اِخْتَرْتُك. رَفيق. دُنْياي وآخِرَتي.🤍🥺
ُ ‏⤾
ُ 🤍💍

FLAME PROD 📸🔥