Chef hamza oudini

الطريقة الصحيحة #لترقاد #الزيتون🧐🫒🫒🍋🧄
اولا الزيتون الاخضر لازم يتغسل ويتشلط ولا يتتقب مليح ويتحط فالما اكثر من خمسة ايام كل يوم يتبدل الما مع كمية صغيرة من الملح ويتبدل الما كل يوم وباش تتاكدوا دوقوا الما تاعو لازم مايكونش مر
ثانيا من الافضل الما تاع الترقاد يغلي يعني يتعقم يتغلى وخلوه يبرد ممبعد تحطي خمسة كيسان ما في كاس خل ابيض ونص كاس ملح ومغرف كبيرة سكر وزوج غرام يعني رشة شب (الشب والسكر اختياري يطرا الزيتون للناس الي تحبه طري ) خلطي مليح واحشري الزيتون فالعلب وفرغي المحلول حتى تفيض القارورة وحطي العازل وهو الزيت اغلقي باحكام وحليه بعد عشرين يوم وبلاك اقل
حبيتيه حار زيديله الرند والفلفل الحار 🌶...
نتمنى نكون فدتكم بالمعلومة ماتنساوش البارتاج الوصفات جزاكم الله خير🥰😍🤩
🍀🍀🍀
الاخوات الي يحبو يخبيوه لمدة اطول وعندهم كمية كبيرة
الزيتون الي رح يبقا مثلا لأشهر القدام ماتبدلوش الما فقط وخلوه في ماه المّر الاول ويغلق جيدا مش رح يفسد مستحيل .كي يوصل الوقت الي رح تستعمليه بدليلو مرات عديدة وداويه فقط ....

أفكار لتقديم العصائر برستيج للمناسبات 🍒🥭🍍🍏🍎🍓

غراتان خفيفة وبزاف بنينة بدلو شويا من المقلي
غراتان
قطعو البطاطة كاريات متوسطة ديرولها شويا زيت زيتون شويا ملح فلفل أكحل ورشا زعتر ديروها تفور حتى طيب كي طيب ديرها فا بيراكس تع زجاج ديري فوقها سكالوب ماريني قطعي صدر جاج ديريلو ملح فلفل كحل توابل دجاج عكري شويا موتاغد زعتر وثوم وزنجبيل طيبوه فلمقلة بشويا زيت كي يطيب ديروه فوق بطاطة وديرو فرماج ابيض وكومنبار طبقة تالية ديرو كريمة جبن كاس حليب فلفل كحل كركم معرفة صغيرة نشا حبة بيض حركي حتى تعقد فرغيها من فوق مع فنجال حليب ودخلوهم للكوشة تحمار وتجمر طفي ورمي شيدار وبصحتكم ❤️❤️❤️❤️