Medical world

❣️| نصيحة مهمة عن تجربة
بعيدا على قطاع الصحة و المستوى المتدني، ليوم قررت نهدر على حاجة أهم بزاف، و هي عقلية " les cat " لي راجت بزاف مؤخراً، بحيث رجعت قراية 7 سنين ما عندهاش فايدة ، يوصل الطالب العام السابع ولا حتى بعدما يتخرج يطلع pdf ولا يشري كتاب " CAT " و يقعد يحفظ و يطبق فقط بدون فهم،و هذا خلى هيبة الطبيب و مستواه او ما يعرف ب la compétence تغادر الحلبة؛ الطبيب أذكى و أوعى بكثير من أنو يكون كببغاء ولا paramédicaux لي يحفظو الوصفات الطبية vis à vis الأعراض لي شافوهم على المريض و بذلك تأتي النتائج الكارثية على الصحة العامة أولا و مكانة الطبيب ثانيا...
ما راحش نطول بزاف ، في منشور آخر إن شاء الله راح نمدلكم الطرق لي تخرجنا من هاذي الحلقة المفرغة و تتحول من طبيب يحفظ les ordonnances types إلى طبيب يجيري أي حالة و حتى يألف كتاب هكا من وحي علمه و مشي من شا ملاولو أطباء كبار عليه..

بعد التنظيمات لي داروها مختلف الكليات للتصويت خاصة التنظيم الاستثنائي تع ولاية وهران و عنابة بقيت بلا رأس ! ياخو ماتتمسخرش!!!!! أبابا واشنو هذا!!!!! خدمة من النوع الرفيع صدقوني تحس روحك في عالم أخر كيف هذيك الأجواء تع التصويت تع كوريا و اليابان لي نتفرجو عليهم في التلفاز ....جيل ساطع ماشالله و راح يصنع حقا جزائر جديدة انشالله في المستقبل. كي يحتضن الشباب شيء هكذا تكون النتائج. يعطيكم الصحة جميعا! مهما عبرت مش راح تحسو بواش حسيت و انا نشوف في الصور و الفيديوهات من كل ولاية .
اليوم بعدما فقدت الامل بزاف بصيص جديد رجعلي و طمأني الحمد لله

رسميا الأطباء الداخليين لولاية قسنطينة مع مواصلة الإضراب رفقة زملائهم 🔥

الأطباء الداخليين سطيف ي يقررون مواصلة الإضراب لجانب زملائهم رفقة الأطباء الداخليين لولاية وهران ، تيزي وزو ، عنابة و باتنة ❤️‍🩹