Be glad

إن الاكتئاب هو أبغضُ تجرُبة مررتُ بها على الإطلاق، إنه انعدام تصور الشعور بالسعادة مرة أخرى، وأيضا غياب الأمل كُليا، إنه الشعور بالموت، إنه مُختلف تمامًا عن الشعور بالحُزن." - دوستويفسكي

#الرضا الداخلي يصنع لك بساتين ورود🌻🌻🥀🥀⚘⚘🥀🥀🌸🌸🌼🌼🏵💮🌸💐🌻🌻🌻
اللهم لك الحمد و الشكر على كل نعمك

في حديث مع احداهن حول العلاقات الزوجية ، لفتت انتباهي لأمرين .
- الأول : أنو الصورة اللي تديها الزوجة على دور الزوج و كيف يجب أن يكون من عند باباها تأثر بزاف ، كاين اللي تجي متخيلة أنو الأزواج كامل كيما باباها و تتصرف مع زوجها من هذاك الأساس و اذا مصلحتش طريقة تعاملها تعتقد أنو الخلل في زوجها .
و كاين اللي من خوفها يكون زوجها كيما أبيها تلقا روحها تتصرف عكس أمها لا شعوريا كميكانيزم دفاعي خوفا من أنو تلحق لنفس النتيجة اللي لحقتلها ماماها مع باباها .
و فالحالتين قادرين نخبطو في حيط .

- الأمر الثاني أنو كاين زوج أو زوجة جاي بمخطط فر راسو و تفكير standard حول كيفية التعامل مع الشريك أو إدارة العلاقة الزوجية ، و حتى اللي ممكن يكون دار جهد و حب يفهم نمط شخصية الطرف الآخر مراحش يلحق لنتائج perfect ، لأنو حتى تصنيفات الشخصيات يندرجوا ضمن اطار نظريات الشخصية ، يعني مش علم دقيق لأنو حنا ماشي روبوات ، قادر زوجك فيه 90 بالمئة من نمط شخصية معينة و قريتي كيف التعامل مع هاذ النوع لكن ترتكبي جزء ف10 بالمئة اللي بقات يخرب كلش .

علابيها حتى في ديننا كاين قواعد عامة (حقوق و واجبات ) فالتعامل بين الزوجين تضمن بقاء الود و الاحترام بتوفيق الله ، لكن منلقاوش فالموقف الفلاني مع الزوج افعل كذا و لا تفعل كذا .
و علابيها ثاني العلاقات قبل الزواج مراحش تعاونك في انجاح العلاقة لأنو التعامل اليومي مع الشخص و رؤيته في مختلف حالاته هو اللي يعرفك عليه صح ، و بفطنتك و التأني خاصة في السنة الأولى من الزواج هو اللي راح يسمحلك تبني نمط تعامل مع شريك حياتك يخرج عليك و عليه حتى و ما ينطبقش على وش قريت فالكتب .
شريكك أنسان مميز مكاش شخص آخر كيفو فالعالم بمحاسنه و عيوبه و أنت اعطيت الفرصة لتعرف طريقة التعامل الأمثل معه لأنو أنت اللي رح تولي أكثر شخص يعرفو فالعالم ... خلي هاذ المعرفة في صالحك.

#همسة