Laverie MAMA

منقول
🔴 #متداول السلام عليكم. عندي إستفسار إخواني :
شريت سيارة (نوع i10 / 2014 ) ، خلصت صاحبها درنا عقد بيع و شراء و باريت بطاقة رمادية و دفعتها فالبلدية لاسيرونس مزالت على أسم البائع خلاهالي ليا لكن نتاع طريق برك (فلاحة) . سقسيت زوج ورشات الميكانيك عن مختص علبة السرعات ، نعتولي واحد ، رحت مباشرة عنده يدير صيانة أو إصلاح إذا تطلب الأمر (بروميار كانت تفوت بصح دير صوة مش نورمال) . خليتله السيارة أمانة على أساس الصيانة فالجراج فقط ، كان الوقت زوالا 12h . عيطلي الميكانيكي فالهاتف لعشيا قالي السيارة راح تطول خدمتها و لازم تبات ، قتله معليش ريڨلها مليح برك ، المهم راني عاد شاريها مازال مكملالهاش وثائقها .
صباح يوصلني خبر من الدرك الوطني أنو الميكانيكي خرج بالسيارت هو و زوج صحابه راحو سهرو و فالرجوع دارو حادث مرور فالليل معا 4 تاع صباح ، السيارة تقلبت مشات فيراي و 3 أفراد الحمد لله ماصرالهم والو . الميكانيكي هو لي كان يسوق رفدوله الدم من أجل التحليل ، عملت محضر قضائي عند الدرك ضد الميكانيكي ، سألوني و جاوبت ، الآن واش نقدر نستفاد من تعويض لسيارتي لأنها راس مالي أنا و ولادي ( بتراضي أو بالمحكمة ) . ؟؟؟

كيما صراتلي ، تصرا لغيري من يملك سيارة مع هاد العباد المفسدين . نصيحة نحي مفتاح سيارتك من عند الصنايعي .