MedGenius

تبع معايا ملييح...
جيت نوصلك رسالة مهمة !!

تخيل تجيب ورقة بيضة و ترسم فيها نقطة سوداء بعدين تمحيها و تعاود ترسم نفس النقطة و تمحيها و تعاود ترسم مرة أخرى و تعاود تمحيها ليه ليه يعني كي ترسمها تمحيها directement

راح تبقى النقطة السوداء في الورقة البيضاء؟
لا طبعا لأنك عملت الواجب و محيتها ليه ليه و مقعدتش كل مرة ترسم فوقها و تخلي هديك البلاصة تزيد تسود أكثر

إن شاء اللّٰه تكون فهمت المعنى...

كنت أقصد كل ما دير ذنب متخليهش يصبغ في قلبك بلا ما تحاول تمحيه بالاستغفار و بالتوبة
إياكم يا ملسمين...كل ما تغلط متخليش وسواس الشيطان يقولك ربي مغاديش يغفرلك... شكون قاله و شكون قالك؟
ربي قال في الحديث القدسي: «يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة»

متخممش على حجم الذنب قد ما تخمم في سعة رحمة الرب
ربي سبحانه تاني قال في القرآن الكريم: ﴿قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ﴾

هذا لي بغيت نوصلهولك...درت ذنب؟....استغفر...صلي ركعتين التوبة
فقد قال النبي ﷺ: ما من عبد يذنب ذنبا ثم يتطهر فيحسن الطهور ثم يصلي ركعتين ثم يتوب لله من ذنبه، إلا تاب الله عليه

ربي غفور رحيم

السلام عليكم و رحمة اللّٰه و بركاته
ة🌸🎀
ياريت المرأة المسلمة تعرف بلي في هاد الدنيا تسعى لكلشي ... قراية، علم، التفقه في الدين،.... إلا في موضوع الزواج
لخطرش هوون الرجل هو لي يسعى ليها...و هي تحافظ على نفسها و تصونها متخليش نفسها ساهلة لأي واحد

أما انها تهدر مع لي رايح و جاي..!! هذا ينقص من عفتها و حيائها و قيمتها رويدا رويدا
خلي نفسك كيما الجوهرة الثمينة قيمتها عالية و مكاش اي واحد يوصل ليها دون سعي و جهد

يا المرأة المسلمة حبيت نقولك انتي ما عليك غير تلتجئي لمقلب القلوب و واهب الأرزاق للعباد ان يرزقك الزوج الصالح و تتقربي منه مشي لما يسمى بالعلاقات الغرامية اللي بدون رابط شرعي و ميثاق غليظ

نهار تفهم المرأة هذا الكلام مليييح مراحش نزيدو نشوفو لي راه صاري برا 🎀

مانكسر قلبي بشبه علاقة ما نعصي ربي...نحافظ على عزَّة نفسي حتى لي يجي لي يستاهلني صح و يجيني من الطريق لي شرعها ربي 🎀🌸

سلام عليكم
قراو سورة الكهف متنساوهاش و الصلاة على الحبيب ﷺ

السلام عليكم
ارواحوا نحكيلكم تجربتي مع الرتاراباج لهذا العام ( الثانية طب) ....

_____أولا كيما علابالكم نظام السنة الثانية هو نظام لا يعتمد على الفصول semestres بل يعتمد على نظام الوحدات les unités (خمس وحدات ) إضافة إلى زوج لي موديل ...

____ هذا النظام من الخصائص نتاعو أنو مرهق يعني لايوجد وقت للراحة تكمل وحدة بعد تعبقب الاكزاما تع الوحدة لي بعدها pré exam= poste exam 😂😂 .... المهم بعد كملت كامل لي اينيتي قعدولي غير زوج لي موديل وهوما immunologie و génétique
وهذوما لازم نطلعهم فوق 5 _نقطة اقصائية_ لأنو العام كان طالع ..... عڨبت ايمينو وطلعتها والحمد لله ...
قعدتلي عمتي الجينيتيك وانا لعبتها قافز قلت نعقبها بالمكتسبات 😂 اللخرة عميتها ودخلت راتراباج .... المفيد نخمم فقط تخمام سلبي يعني كون نعاود وش ندير 😅😅 مع انو نحتاج 5 فقط ....أيا اتفكرت وحد الجملة تقلك الحاجة لي تشوفها صعيبة تصعاب ولي تسهلها تسهال يعني نت ونظرتك للأمر والحمد لله قريت تقريبا ساعة كل يوم وعشت العيد والأجواء مع العايلة والحمد لله جازت 😂.....العبرة انو فالطب مالزمش تحبس تقرا للنفس الأخير لأنو الجينيتيك اسهل موديل تقريبا ومع ذلك هو لي طحنا فيه ...
#ايبوقراط 👋

السلام عليكم ورحمة الله👋👋 ..

عائلة Medgenius الكريمة ..

معاكم أدمن الصفحة ومؤسسها #ايبوقراط (إن شاء الله تكونوا متفكريني ).

حبيت نقلكم انو الصفحة لحقت عامها الأول 🤩🤩 منذ أن تم افتتاحها والحمد لله رانا قريب 10 ألف متابع (باقية الف ونص فقط) ..

لذلك قررت نعاود نحيي الصفحة بصناعة المحتوى ( ستوريات عبارة عن فيديوهات، سلسلة طبية ، منشورات دينية وتثقيفية .....)

وهذا واجبنا اتجاه الصفحة كأدمنز ...
سلام👋