BoostX

نتائج زبائننا هذا الأسبوع

‎الحمد لله، رانا في أسهل عصر نقدروا نديروا فيه مشروع وندخلوا أرباح ما شاء الله بمجهودات وبموارد بسيطة مقارنة بالماضي

‎بصاح الدنيا ماشي وردية لهاد الدرجة، مشروع أسهل نسبيا ماشي معنتها ربح مؤكد ولا ربح سريع، برك نقولو أسهل مقارنة بالمشاريع التقليدية لي فيها إجراءات وتعقيدات ومهام تشغيلية وموارد كبيرة يعني المشروع الرقمي راهو نعمة

‎وباش ديري مشروع رقمي لي ينجح ويدوم بربي ان شاء الله يخصك تبعي خطوات معينة، باش ديري مشروع على ساس صحيح لي يكبر ويروح بعيد ✨ وفي هاد السلسلة إن شاء الله نرافقك باش تحولي تخصصك ومهاراتك لمشروع رقمي ناجح ✨

‎بصاح

‎يخص تعرفي بلي مكاش حل سحري ولا مشروع بلا تعب، يخص تكوني واجدة باش تتعلمي وطبقي وتحاولي وتصبري وديما طوري من روحك ومن مشروعك (عملية مستمرة)

‎وانساي يرحم والديك فكرة الربح السريع، راكي واجدة ؟

‎آه لازم تعرفي بلي هاد السلسلة رايحة تكون طويلة ومكونة من عدة أجزاء، المحتوى التعليمي منقدروش نختزلوه في صورة ولا نص قصير، إذا حابة مشروعك الرقمي ينجح لازم تعطي وقت للتعلم والفهم والتطبيق والممارسة

OK؟ نبداو على بركة الله ✨

➖➖➖

‎1️⃣ اعرفي واش تقدري تقدمي للعميل

‎باش تبني مشروع رقمي خاص بيك وينجح يخص تقدمي حاجة للعميل (خدمة أو منتج) تحل مشكل ولا تلبي حاجة معينة، متقدريش ديري مشروع ما مبني على حتى حاجة ومتقدمي فيه والوا للعميل

‎⚡ وهنا يخصك تفرقي بين المشروع الرقمي وبين le marketing d'influence

‎نساء بزاف يخلطوا بيناتهم، تقولك هدى عندها تيك توك وراهي دخل دراهم كبار وراهي شرات طونوبيل وراهي تسافر كل سمانة ووو

‎ماشي كيف كيف، هدى راهي مؤثرة ماشي صاحبة مشروع والمداخيل تاعها راهي من الإعلانات ماشي من المشروع

‎كيما طبيب ميخلصش كيما لاعب كرة القدم ولا الممثل، رغم أن الطبيب قرا وتعب ويقدم خدمات ويخدم المجتمع والإنسانية كثر من الممثل ولاعب كرة القدم

‎في الدنيا هادي ماشي معنتها لي يدخل كثر هو لي يقدم أكثر، Non معنتها هو لي مطلوب أكثر

‎لي يدخل كثر = مطلوب كثر من عند الجمهور

⚡Mass demand

‎الحاجة لي تخلي هدى تيك توكر لي ترقص وتقول كلام بذئ دخل دراهم 50 خطرة كثر من خولة معلمة اللغة الإسبانية هي الطلب الجماهيري Mass demand

‎الناس لي يمدوا لهدى دراهم باش دير لهم إشهار ماشي على خاطر يحبوا هدى لالا، على خاطر هدى تحقق هدفهم التسويقي، الناس يتبعوا هدى كثر déjà هدى عندها 500k في تيك توك وخولة 850 في الفايسبوك و1200 في إنستغرام

‎هاد الأرقام تبين اهتمامات الجمهور la masse يعني دراهم يدخلوا كثر للي يجذب الانتباه attention economy

‎الجماهير أو أكثرية الناس يتبعوا الترفيه كيما يقولوا الشعب يحب اللعب، الأكثرية ميهتموش باللغات والبرمجة والتصميم والإعلانات وكتابة المحتوى والتسويق والتجارة الإلكترونية، لالا

⚡ Mass culture

‎أكثرية الناس مستهلكين فقط ويستهلكوا الحاجة السهلة لي متخليهمش يخموا بزاف ويكون فيها ترفيه، غرابة، متعة مؤقتة، ضحك، نميمة، خوض في أعراض الناس، الخ

‎علا بيها الممثلين والمغنيين ولاعبين كرة القدم، وانضموا ليهم المؤثرين في هاد العصر يدخلوا دراهم كبار، بصاح مراهمش أصحاب مشاريع ✖️ يولوا أصحاب مشاريع نهار يديروا مشروع تاعهم

‎⚡ على هذا متقارنيش روحك بيهم ❎

‎باش ديري مشروع يخص تقدمي خدمة service ولا منتج produit للعميل نتي مراكيش مؤثرة ومراكيش حابة تولي مؤثرة، على هذا متقارنيش روحك بيهم ويخصك تفرقي منا و
‎لفوق بين صانعي الترفيه وبين صانعي المشاريع

‎صانعي الترفيه يجيبو دراهم تم تم على خاطر عندهم شعب كبير يتبعهم، وهاد شي تخليهم مؤهلين باش يديروا إعلانات ويدخلوا دراهم كبار

‎صانعي المشاريع يقدموا خدمة ولا منتج والشعب ولا الجمهور ميخلصكش وميدعمكش باطل غير إذا كنتي تقدميلو خدمات ومنتجات

‎يعني متقدريش ديري مشروع رقمي ونتي معندكش واش تقدمي للزبون تاعك حتى هاديك المؤثرة راهي تقدم حاجة يحبها الجمهور العريض: المتعة المؤقتة، النميمة، الفضائح، الرقص، اللغو، الخ

‎إن شاء الله حتى هنا وضحت الصورة، ماشي معنتها كي كاين ناس راهي دخل دراهم كبار في الإنترنت معنتها عالم المشاريع الرقمية ساهل وتصيبي ذهب من نهارك لالا

‎دراهم لكبار وساهلين ميجوش من المشروع الرقمي لحلالي، يجو من محتوى سطحي مبني على التفاهة، النميمة، أعراض الناس، الحياة الشخصية، قلة الحياء هذا هو المطلوب في السوق من عند la masse أو الجماهير

‎⚡نتي صاحبة مشروع

‎المشروع هو نشاط يتبنى على الخدمات والمنتجات فقط ماشي على حاجة أخرى، وباش تقدمي خدمة ومنتج للعميل يخص تحليلو مشكل ولا تلبيلو حاجة


‎وماشي أي مجال فيه دراهم معنتها مشروع، لالا، الأرباح ليست حكرا على المشاريع كيما سبق وأشرت.

‎على هذا يخص تبدلي نظرتك لعالم المشاريع الرقمية، ومتخلطيش بينها وبين المجالات الأخرى، وماشي أي مجال فيه دراهم معنتها مشروع رقمي، لالا 🙂

📍

‎كملنا الجزء الأول من هاد السلسلة 😊 نتلقا معاك إن شاء الله في الجزء الثاني

📍

‎قوليلي موالفة تخلطي بين المشروع الرقمي و influencing ؟

📍

هل كنت تعلم أن الكثير من العلامات التجارية اللي نشوفها في السوق يومياً ماشي بالضرورة هي اللي تصنع منتجاتها؟ السر وراء هذا الأسلوب يسمّى White Label Marketing، وهو واحد من أذكى الاستراتيجيات اللي تستعملها الشركات باش تدخل السوق بقوة وبسرعة.

الفكرة ببساطة أن شركة معينة تصنع أو تطوّر منتج، ثم شركات أخرى تشتري هذا المنتج جاهز وتحط عليه اسمها وعلامتها الخاصة، وكأنها هي اللي صانعته. الزبون في الأخير يشري المنتج وهو مقتنع أنه ملك لتلك العلامة التجارية، بينما التصنيع الحقيقي كان عند طرف آخر. هذا يخلي الشركة تركز كامل جهدها على بناء الثقة مع جمهورها، وتستثمر في صورتها أكثر من استثمارها في خطوط الإنتاج.

هذا النموذج يعطي قوة كبيرة لأي مشروع جديد، لأنه يقلل من التكاليف، ويسمح بالدخول السريع للسوق، ويمنح الفرصة لاختبار الفكرة قبل الاستثمار الكبير. في كثير من الحالات، العلامة هي اللي تصنع الفرق، موش المنتج نفسه. الناس يثقون في الاسم قبل ما يجربو الطعم أو الجودة.

باش نقربلك الفكرة أكثر، كامل نعرفو ريفكا وكامل نعرفو الشيبس ديالو “Rifkus” اللي دار ضجة كبيرة وحد الأيام وخلى الناس كامل تجري باش تشريه. لكن الحاجة اللي بزاف ما يعرفوهاش هي أن ريفكا استعمل استراتيجية White Label. المنتج أصلاً ماشي من إنتاجه الشخصي، وإنما هو منتج جاهز حط عليه اسمو وبصمتو الخاصة. النتيجة كانت دخول سريع للسوق، قدرة على منافسة أسماء كبيرة، وزبائن حبّو الشيبس أكثر لأنه مرتبط باسم كان عندو أصلاً قاعدة جماهيرية قوية.

اللي صار مع Rifkus يورّينا درس مهم في التسويق: في بعض الأحيان، مشي ضروري تبدأ من الصفر باش تصنع منتج. مرات يكفي أنك تربط اسمك بمنتج موجود وتقدمو للناس بطريقة مختلفة تخليهم يثقو فيك ويشوفوك كقيمة مضافة. النجاح هنا ماشي في “وش تنتج”، بل في “كيف تعرض” و”كيف تبني اسمك”.
نتوما في رأيكم صح إستعمل هاد إستراتيجية ؟

‎ترويج #سبونسورينغ #إعلانات

✅ هل ترغب في زيادة الطلبيات أو الترويج لفكرتك بطريقة محترفة وزيادة مبيعاتك؟
✅ حبيت زبائن جدد لتجارتك أو مشروعك؟
❇️ ومضة للإشهار تقدم لكم خِدْمَات الإعلان الممول بطريقة مدروسة واحترافية عبر خبراء في مجال الدعاية والإعلان والتسويق الإلكتروني.
✅ تمتع بحرية الاختيار في تحديد مدة الإعلان، الولايات المستهدفة(58)، الفئة المستهدفة والسعر.
⚠️ نتميز بتقديم الاستشارات التسويقية والنصائح المهمة لضمان نتائج دقيقة ومردودية أعلى.

🟢 ملاحظات تنطبق على كل الإعلانات/الميزانيات :
🔸 ️يوم = 24 ساعة ابتداء من ساعة بداية الإعلان.
🔸️ ️إمكانية إختيار منطقة معينة او كامل الترابي الوطني.
🔸 ️️إمكانية إختيار الجنس و العمر وإهتمامات الجمهور المستهدف.
🔸️ الدفع يتم عن طريق تحويل إلى حساب ccp او عبر خدمة بريدي موب لبريد الجزائر.
⭐⭐⭐ رضاكم غايتنا ⭐⭐⭐
لطلب الخدمة أو لمعلومات أكثر:
تواصلوا معنا على بريد الصفحة 📩 أو على الرقم :
☎️ 0542883572