Zakarya Poultry

التواصل مع الطفل حاجة كبيرة بزاف يجهلها البعض، كي نقولك طفل ماشي معناه يكون طفل كبير في السن باش يقدر يفهمك، الحديث يبدأ من لما يبدأ الجنين يتكون تدريجيا في بطن أمه، يبدأ يتعرف على الأصوات في الشهر الرابع و يبدأ يعرف لمسة الام و الأب و يفرق أصواتهم و يتجاوب معاها، و من بعد أول لقاء يكون يعرف حتى ريحة الأم و مع العلم أنه الرؤية تكون لازالت مشوشة إلا أنه نلاحظو أنه معظم الأطفال يقعدو les yeux fixés في وجه أمهاتهم و هذا نتيجة التواصل، و يليق هذاك الشيء ميحبسش، بالنسبة لبعض الناس يقولك صغير فاين يفهم، ياو يفهمك لكن ميقدرش يتجاوب معاك بنفس اللغة، تلقى عندهم حركة في الأرجل و الايدي كي يسمع صوت الأم لي تكون دائمة التواصل مع أبنها و لا بنتها، و أحيانا يقولك الرابط هذاك نتاع الابناء لي متعلقين بأمهاتهم يجي من الرضاعة لكن العلوم الحديثة أثبتت أنه الامهات لي مقدروش يرضعو أطفالهم لسبب معين و كانو يبوسو أبنائهم كل يوم على الجبين في فتراة مختلفة في النهار دون انقطاع، هذه العملية خلات رابط قوي جدا بين الأم و ابنها،او بين الأب و ابنو و لا بنتو، التربية أو انك تجيب طفل لهذا العالم ليس بالشيء الهين، انك تعتني بيه و تحافظ على صحتو و تلاحظ أول سن و تتذكر اول كلمة ليس هين، اذا قررت تجيب طفل لهذا العالم متخليهش يكبر واحدو قدام تلفاز و لا تلفون و تقول أنا ربيت لانه اذا كونت انسان ميعرفش يهدر او عندو تأخر في النطق أو يخاف من أتفه الأصوات و من اللعب و من الأكل و عندو عقد ، صدقوني هذا ماشي مرض هدي فقط طريقة عيش انت حطيتو فيها و فرضتها عليه و هاملتو كأنه شيء مش إنسان، العلاقة لي تتبنى بين الأولياء و أطفالهم لازم و فرض تكون قوية و متينة بالتوااااااصل.

السيانيد .. في رأيكم واش هي قصة أخطر سم في التاريخ ؟
استعمل هذا السم عبر التاريخ لمدة طويلة حيث كان يستعمل في الحروب ولكن مستعملوهش كسلاح ضد الأعداء ..كانو الجنود يهزوه معاهم على سبيل الاحتياط كي يحكموهم الأعداء يشربوه باش ينتاحرو، وثاني تستعملوا المخابرات العالمية والقادة السياسين من أجل تصفية الأعداء .ولي يتبع أفلام الأكشن والافلام الجاسوسية خاصة أفلام جيمس بوند من المؤكد أن مصطلح السيانيد فات عليه ..
والعفسة لي تحير ! أنو السم هذا يستخرج من ماكلة ناكلوها كل يوم تقريبا ..علابالي خلعتكم 😂 مي تبع تفهم واش نقصد ..
السيانيد يتميز بطعم مر باينة هذي psk رآه سم 🙄 ..
و الريحة تاعو تشبه ريحة اللوز .
وكيما قلتلكم السم هذا يستخرج من بذور الفواكه كيما ( التفاح والمشمش وبذور الكرز والخوخ ..لي يحب الخوخ كيما أنا خلات 💔)
ويوجد السيانيد في جزيئات Amygdalin الموجودة في البذور وكي توصل للمعدة و تفرز الإنزيمات وأحماض للهضم تتفاعل جزيئات Amygdalin مع أحماض المعدة وينتج السيانيد .
وهنا نتساءلوا علاه ناكلوا الفواكه هذي مي ممتناش ؟ لأنه بذور هذه الفواكه تحتوي على كميات صغيرة من السم وكل الأطباء و الكميائيين يحذروا من تناول هذه الفواكه ببذورها خاصة التفاح لأن بذوره صغيرة ويسهل بلعها....وفي التاريخ القديم خاصة مصر القديمة كان الكهنة عندهم أسرار واحد ميعرفها وكانو يخرجوا سم من بذور المشمش ويسممو كل من يخرج أسرارهم، ومن أعراض هذا السم الإصابة بصداع دوخة وضعف القلب وتدخل الضحية في غيبوبة طويلة ..وما يسبب هذه الأعراض أن سم السيانيد بوتاسيم يقوم بإنتاج سم الهيدروجين وهو مادة كيميائية تسبب إيقاف خلايا الجسم بالأكسجين و بالتالي يقوم هذا السم بخنق الضحية ويموت في صمت ....وكان السيانيد السم المفضل للإمبراطور الروماني نيرون واستعمله لقتل بعض أفراد عائلته .
ومن أهم من ماتو بهذا السم الجنرال الكرواتي برالياك وكذلك طالب جامعي تركي مختص في الكيمياء ومن أشهر الشخصيات التاريخية التي تم اغتيالها بسم السيانيد "راسبوتين "