Cooked with love

0797094236

وصفة #البقلاوة.
4 كيلات فرينة مغربلة و كيلة سمن دافي
بنفس العبر ماء+ مزهر و نخلو العجينة ترتاح على الأقل لساعتين ورا ما ترتاح نقسمها لسبع بولات متساوية
الحشو: 3كيلات كوكاو او لوز (نفضل بقشورو ) و ممكن نحي عبر كوكاو و ندير فبلاصتو جوز و نرش مزهر من فوق و نخليهم كي نجي نستعمل ندير بيدي إلا تلايمت تكون كيما الكسكس تتلايم و تتفتت بسهولة هكا راهي مناسبة شفتها ناشفة نزيد مزهر
طريقة الفتح في حالة استعملته المشينة نفتح فالرقم 5 ثم 7 من تحت و في الرقم 5 ثم 6 من فوق و نفصل بيناتهم بالسمن و الزبدة ذايبة
في حالة فتح العجينة باليد نرققها و نفصل بالمايزينة و نحط طبقها ورا ختها و نزيد نفتحهم كامل في ضربة وحدة
و في الأخير نفرغ سمن و زبدة من فوق
ممكن تخلوها تزيد ترتاح فالسنيوة و طيبوها على نار هادية لمدة ساعة و نصف كي نشوف الطياب وصل للطبقات نشعل من فوق و نحط حاجة فوق السنيوة حتى طيب و نعسلها تمتم ورا متخرج من الفور