Nectar de fruit

Pâte de fruits préparées a base de pure fruit c est une tuerie

تعرفو المثل الشعبي قوة الزين تعمي 😂 ، يالحباب علاه يعني 😂 أنا قلتلكم قومو بالواجب مع #الطنجرة ماشي مع #المغلفات 😂 6 مغلفات رجعو في خبر كان 😂 ، من 12 #مغلفة تاع 2 لترات ، بقاو غير 6 🥲 حتى من هوما من النوع القديم 🥲 و زجاج لڨدم لي يعطر فيه صح الزهر و الورد و المخبل 🥲💔

الناس لي تتعلم الأخت هذاك #الصديد راهو الزيوت العطرية ، راهو العطر ، بالعكس هذا هو لي يخلي قوة الزهر مليحة و يساهم في الحفظ و يخلي ريحة الزهر تنفنف ، راهو مافسدلكش ، و عادي جدا واحد مازاد متعلم ، غلطة اليوم خبرة غذوة.

و العطر لي تشوفو فيه في المغلفة الشفافة هذاك عطر الورد زيت الورد ، هذاك هو لي يخلي الورد ريحتو تنفنف خاصة في الأطباق التقليدية القسنطينية و الحلويات التقليدية ، وكتاش يعطر أكثر ، كي يكون الورد جديد ، يسما من الشجرة لطنجرة ، وكتاش يعطر الورد بزاف كي تكون نوعية الورد مليحة ، وكتاش يعطر الورد ، يعطر كي نحطو العنبر ، هنا كي نحطو العنبر رايح يعطر و لكن هنا نخدمو بيه غير الأطباق و الحلويات و التجميل ، و لكن ما يستعملش في #العينين.

لي قالي لي يمد سلاحو يموت مقهور ، بالعكس راني نمد في الطريقة في الكيل في كلشي صحيح ، و لكن التقطار هذا تاني راهو على القلوب.

الي قالتلي عندك الله يبارك خبرة وين تعلمت ، شهادة لله تعلمت في دارنا و كثر خير ربي و أهلي و عائلتي في كل من قسنطينة ، البليدة ، تلمسان ، ميلة ، من غير فضل ربي سبحانه و عائلتي و الله العظيم ثلاثة عربي ماعندو فضل عليا ، تقطير نظت في وسطو و بديتو في عمري 10 سنين نبل القفيلة بالفرينة و المسك و العنبر ، 12 سنة أنا واقف على القطار تاعي.

الي قالتلي على طريقة تقطير المخبل ، ماشي كامل الناس تقطر المخبل ، المخبل تاع النشاري و تاع الدواء ، انا ندير بيه خبز الدار ، في الصيف كي يدخل ضيف جديد عندي لدار نحطلو قطرات المخبل في الماء ، المخبل أنا ندير قسمتين ورد و قسمة زهر ، هذا هو المخبل.

هذاك لي حل حانوت يخدم النحاس في المدينة الجديدة و يتلاعب بالناس و قفل ، عطيتك حوايج النحاس تبيضهم سرقتهملي و قفلت يتقفل قلبك ، السكرية هذه لي في الصورة لي سرقتهالي 🥲 راهي عزيزة عليا 🥲 نوكل عليك ربي عليهم ، و الله العظيم ما سامحتك و إن شاء الله تشريهم دواء ، حق ربي ما سامحتك عليه.

TikTok · Nectar de fruit Découvre la publication de Nectar de fruit.