Sarcasmania from constantine

جبل الوحش كما لم تراها من قبل⁦❤️⁩

الله غالب الصفحة هذي ماتت و تعمرت كعب و اصنام راحت أيام مجدها سينون راني قعدتلكم كرفة ب كرفة
بيناتنا يا سيبييي، هل حنا شعب نورمال!! نظن مكانش فيكم واحد مسمعش و مش متبع حكاية الطفلة صاحبة 12 ربيع لي اختفت ف قسنطينة قبل ايام ف ظروف غامضة و لحد الساعة عملية البحث مزالت مستمرة ، من هذا المنبر المجهري لي ما منبر ما والو حبيت نقول راني متضامن مع اهلها و ربي يفك حالهم و كربهم و يردها سالمة غانمة إن شاء الله نسمعو عليها خير اليوم قبل غدوة.
الحاجة لي قلبتلي قنطاسي ، الكرف و لبجالط و اولاد الآحبة تع "كسم"تينة لي راكبين الموجة تع الحدث به يطلعو صفحاتهم و حساباتهم و ريتش تاعهم و يمدو ف معلومات نسبة كبيرة أنها مظللة و مغالطة . قداه من فاتشة جديدة ف تعليقات ولا الحسابات ولا فيديوات تلقاه يهدر عليها و يقلك ام شافوها ، اني شفتها ، او عيطلي واحد قالي شفتها، اي هكا ام هكا بلا منحكيو على المرخس لي يقذفو فالملايكة و يديرو ف سيناريوات من راسهم.
يا نمي ماتحشموش نتوما؟ معندكش مخ مثلا كون شفتها تحكمها و تعيط للأمن؟ معندكش قلب هكا يسطر عليك كي تخمم تنشر معلومة غالطة او مضللة على شوي جام وتجبد ف قلوب اهلها ؟ ما تستحيوش نتوما؟ اني نكتب ف سفاهة و نمحي اقسم بالله. منبعد كي تحكموا الدولة بتهمة تظليل الراي العام ولا الكذب تجي ختو ولا أمو تبكي و ترعرع تقولك ولدي ناس ملاح كما حبيبنا صاحب إشاعة وفاة كباش رومانيا عندو 19 سنة او يضرب فالجواق ضركا فكش زنزانة.
احشمو ن. ماتكم بعد ، و راني مع الأمن كون يحكم فيكم واحد ميرحموش و منتضامنش و من هذا المنبر المجهري مجددا لي تلقاه ا خاوتي علق او نشر بكش حاجة كما قلت مباشرة طاقي صفحة الأمن ب ولاية قسنطينة ولا الشرطة الجزائرية يخملوه .
كرف

إنا لله و إنا إليه راجعون
ربي يرحمك نبيل