Rahim Info

السلام عليكم ورحمة الله وبركاته
بقيت نوصل رسالة لزبائن المحل
المعاملة تاعنا الحمد لله قاع ناس ذاكرينها بلخير ودايمن لي يحصل فاي حية يرسلوه عندنا كاين لي يجي روطار ونخدموله وكاين لي يكون مستعجل على حاجة ونخافو يفوته لوقت والله نوصلوه حتى للدار فليل به يبات متطمان وميخافش لا يفوته لوقت كاين لي يرسوللنا من بعيد وكي يجو يلقو صوالحهم واجدين والاسعار دايمن مريقلينهم والخدمة متقونة والحمد لله بالرغم انه مرات نديرو روطار بسباب لاشارج ولا لظروف لكن راني نخدم فسيبار وفالدار يعني راحة مكنش لي مكملتلهش فسيبار ندي للدار نكمله ونسهر مرات حتى لفجر لكن منا وهكا للاسف رايحة تتبدل العقلية تماما وتبقى مع بعض الاوفياء فقط لانه ولاو يظهرولنا شي عباد والله نتا تحشم فبلاصتهم لي يكوموندي ويفحتلك لي يقولك خدملي اكسبوزي ويقولك رسلي نشوفه ويدي pdf لي يقولك بدا فميموار ومبعد يقولك بروف بدل لينا تام لي تعامله احسن معاملة مبعد تلقاه يكذب عليك فجيهة وحدخرا كي تخرج فيه ميلقا ما يقول ضرك كاين وحد العباد معرفناهم مرضى نفسيين ولا يهود وسمحولي على هاذ لكلمة لكن كي توصل واحد يشدك مبعد يقولك قطع 100 ورقة ويقولك ثاني راه طايحلي سكر معليش تجيبلي حاجة من كش محل راني مريض وزيد توصله صوالحه مبعد تلقاه يهدر فيك ويفتري عليك هذا معرفت وش نسميه ووو.... حكايات متدخلش فالراس .
كش ملاحظة على لمحل ولا ثاني خلوهالنا فالتعليقات