Women's Words

السلام عليكم خوتاتي اليوم جيت نحكي حكاية انا عن نفسي معجبتنيش المهم كانت وحدة متزوجة في نفس الولاية اللى انا متزوجة فيها هي من الغرب ومتزوجة فالتل قدر ربي جابت 2بنات و2ولاد شابين يهبلوا وتطلقت. مين راحت خلات ولادها مين تلقيتها انصحت باش تدي ولادها قاتلي مانقدرش باسكوا بابا رافض اني انجيبهم قتليها روحي كوني روحك وارجعي المهم ماتخليهمش قتليها ماتتخليش اعليهم المهم فاتت ليام والاب تزوج ومرتوا بنت الناس واقفة اعليهم وتبغيهم وحتى هوما هي لقاتهم صغار. المشكل هاد لمراة الزاوجة تولد راه عندها حتى هي 4وغير صغار هادوك امهم تزوجت وجابت 2وطلقت وهاد لمراة قالت عيت من المسؤولية والفقر وقالت الولد راه خرج من لقراية ومبغاش يرجع وقالت خايف اعليه لا يضيع. وخايفة من لبنات لانهم ماعدوش كيما كانوا يسمعوا ليا وقالت نحبهم بصح حاستهم مايعملونيش كيما انا نعملهم حنا نصحناها تتهلى فيهم قد ماتقدر بصح المشكل وين الام ياربي كاين امهات يولدوا ويرموا كيفاش تسمحوا فيهم ويعطيكم قلبكم قد ماتكون زوجة الاب امليحة بصح انتي عمرك ماتكوني كيفها والله راسك يحبس. الزوجة اللى تولد اكثر من زوج تقعد تربي ولادها جربتي الزواج ايا صاي ربي وليداتك ووقفي اعليهم والله العظيم لوكان تشوف هاد لوليدات تحسبوهم ايتام المهم خوتاتي كلكم راع وكل راع مسؤول عن رعيته ربي يحسبكم اعليهم وعلى تربيتهم امالي حذاري

#ميساج
رحت نطل على وحدة نافسة في لاكلينيك و تفوت علينا مراة نافسة جديدة هداك وين خرجت من سبيطار مع مزيودها لابسة بجامة بررررك و زعما رمات خمار على راسها 2 رجال كانو قدام الغاشي بداو يهدرو عليها قالو : لحقنا لوقت الكشفة و السترة راحت قالو هدو النافسات ولات عندهم لامودا يخرجو يجراو بالبجامات وحدهم تقول ماعندهم حجابات يزيدوهم من الفوق غير قيس مايلحقو للدار قالو أمة محمد قاع تشوف فيهم تقول ماعندهاش راجل يحكم فيها 😔 المهم انا و بعض النسا لي كنا نسناو ثما كامل سمعناه و الله صراحة حشمت في بلاصتها و انا جامي ولدت من قبل قولولي يا نسا كي تكون وحدة سيزاريان و جي خارجة وشنو هو البديل تاع البجامة و كل ما عندو علاقة بحوايج النوم باش ماطيحش في مواقف تاع سترة هكا و الشعب يهدر عليها و هي ماشي جايبة خبر للدنيا قولولي نتوما في فصل الشتا مرانيش على الصيف باش خرجتو؟ ولا واش زدتو فوق البجامة؟ و اسكو لبستو حجابات؟

منذ سنوات
شوفو المنكر

في 2021 في ضواحي بجاية بلدية او قرية فرعون

رحيمة إمرأة ذات 47 سنة من العمر، كانت تمارس مهنة الخياطة و الطرز باش تخدم على ولادها وتحسن مستوى المعيشة تع العائلة. رحيمة عندها 5 أطفال، 3 بنات و 2 ولاد، أصغر فيهم بنت عمرها خمسة سنوات و إسمها منال.

حسب ما وردنا من الاقارب أخ رحيمة كانت له بعض المعتقدات و الطقوس المتطرفة و الظلامية وكان يمارس السحور حيث طلب من أخته أن تسلمه إبنتها منال ليقتلها من أجل تضحيتها لكن رحيمة ككل أم رفضت أن تسلم إبنتها له و دافعت عنها. يوم 9 مارس 2021 بينما كان زوج رحيمة غائب عن البيت، زارها كل من أخ رحيمة، أبيها، أمها وأختها. وبما انهم كانو عارفين بلي سترفض تسليمهم الطفلة، أخبرو أولادها أن أمهم مسكونة وبلي لازم يرقولها باش يخرجو الجن. شدوها من يديها و رجليها و قام أخيها بضربها و تعذيبها حتى قتلها، وخبرو أولادها بلي تغمت بسبب الجن. راح أخ رحيمة جاب الطفلة منال و قتلها خنقا.

حاليا أخ رحيمة في السجن، لكن المساهمين الاخرين تم تحريرهم يوم 23 مارس بعد ما جوزو 10 ايام في السجن المؤقت.

ربي يرحمهم

الرجاء البارطاج