Fouzia..akla

طاجين شيفلور 👌👌
ديرو 5 مرات تم تلحقكم وصفات هايلة
وصفة ساهلة و تحمر الوجه
راس شيفلور نغسلوه و نقسموه وريدات مفور او مغلي كيما حبيتو
أطراف دجاج نحرجوهم بصلة زوج سنينات ثوم معدنوس فلفل كحل زنجبيل كركم ملح نقلي على نار هادئة نمرق بماء سخون ونحط الحميصة ونخليها تكتك 🪔 على نار هادئة كي طيب نرش عليها معدنوس وملعقة خل ابيض ونغلق
نوجد خلطة البيض والتوابيل
بيض 🥚 حسب الحاجة معدنوس فلفل كحل زنجبيل كركم ملح شوية كمون وسنينة ثوم ومغرفة فرينة نغطس زهرات الشيفلور فالخليط و نقليهم نعطيلهم تحميرة شابة ( لي ولادها ما يحبوش الشوفلور تعبزو و تحطو فالخلطة و ترفد بالمغرفة و تقلي هكذا ما يفيقولوش لي شوفلور) ونرافقهم بالمرقة لحضرناها مع بطاطا مقلية اختيارية و نص حبيبة قارص 🍟🍟 🇩🇿❤️
و الف صحة