TMA.art

Mission passed

صح عيدكم خوتي و كل عام و نتوما بخير.
اكيد كي شفتو فوطو بلا ماتقرو المنشور غاذي تعرف محتواه باسكو في الصورة ذكريات مشتركة كثيرة فاتو علينا سيرتو في مرحلة التعليم المتوسط و سيرتو مع لي كانو يحصولها رسم في كلايصهم و يبغو يشجعو مولودية وهران من صغرهم هههههههه.
كان لي يحصيلها رسم في كلاصته على الأغلب تشوف طاولته كلوحة فنية و قليل وين تشوف طابليته خالية من رسومات يقطعلها اليدين و يرسم هذا راس بيرات هذا قلب فيه فليتشا هههههه هاذي رصاصة هذا سيف ههههههه مهم يردها كراس محاولات تاع رسم و صحابه يعتبرو رواحهم محظوظين باسكو عندهم صاحبهم رسام بصح هو العكس مسكين يقرقجوووه.
و أكثر هذه الرسومات كانو شعارات الاندية لي يسيبورتي ريال راسم ريال و لي يبغي برصا يرسم برصا و لا يكتب messi و كل واحد شا يشجع لكن الشعار لي مغلب عليهم ڨاع هو شعار MCO و لي يرسمه بسيف عليك تحترمه لابغا ماتعرفهش ههههههه باسكو حب مشترك بين ڨاع الطلاب مالڨري كنا صغار و أغلبيتنا مانعرفوش و لو اسم لاعب أنذاك مهم نبغو مولودية رابحة او خاسرة كنا نعرفو اسم النادي فقط و شعار تصيبه في ظهر طابلية او طاولة او المحفظة بالايفاسير و لا ستيلو و لا ماركير مهم خرمط اللوغو ههههههههه.
و زيد هاذي كانو مساعدين تربية كي يشوفو طابليات هاك انذاك ديفوا يقلعوهملنا و مرات حتى يقطعوهم و يطلبو من اولياء امورنا باه نشرو وحدوخرا و نعاودو نفس الأمر البصمة بالشعار هههههه.
المهم هاذي فترة دراسية حساسة لأنها في فترة بداية المراهقة و حب النادي بدأ من ذاك الوقت كانت فترة مخلطة بعدة امور و كل واحد ممبعد كي ولا كاين لي كمل دراسته حتى للتالي و تخرج حمد لله و كاين لي توقف فالمتوسطة و كاين لي توقف فالثانوية و كاين لي تزوج و كاين مزال و كاين لي سافر بالرغم من اختلاف اوضاعنا الحالية الا ان هناك شيء واحد مزال مشترك لي هو
هاذي ذكرى من ذكرياتي كرسام و مشجع للنادي.