Nesrine Ragab - Certified Parenting Coach & Behavior Modification

اللهم استخدمنا و لا تستبدلنا 🩷🩷

🚨 ترامب عايز أمريكا تسيطر على غزة! إحنا مستعدين نفهم ولادنا الحقيقة؟

ترامب قال كلام خطير عن غزة، إنه عايز أمريكا تتحكم فيها، وكمان اقترح تهجير الفلسطينيين لدول تانية زي مصر والأردن! 😳 الكلام ده يمكن يكون مستفز، لكنه مش جديد، وكل شوية بنسمع أفكار بتقلل من حق الفلسطينيين في بلدهم.

💡 إحنا بقى دورنا إيه؟
مش كفاية إننا نغضب أو نقول "كلام وخلاص".. لازم يكون عندنا وعي، والأهم نوصّل ده لأولادنا عشان ما يكبروش وسط أخبار مغلوطة أو تجاهل للقضية.

👶 إزاي نربي جيل فاهم الحقيقة؟
✅ نحكي لهم عن فلسطين وتاريخها، بطريقة بسيطة تناسب سنهم.
✅ نعلمهم إن الفلسطينيين مش مجرد "خبر في النشرة"، دول ناس ليهم حق في أرضهم وحياتهم.
✅ نغرس فيهم فكرة العدل.. إن الظلم ما يدومش وإن الحق لو اتأخر، مش معناه إنه ضاع.
✅ نعرّفهم بالمقدسات الإسلامية والمسيحية هناك، وإن القدس مش مجرد اسم.
✅ لما يشوفوا أخبار عن غزة، نشرح لهم ببساطة، وما نسيبهمش يتأثروا بالسوشيال ميديا من غير وعي.

🙏 الوعي ده مش بس لولادنا، ده لينا احنا كمان علشان نقيم و نقيس علاقتنا مع ربنا يا ترى إحنا فاهمينها ازاي......

الظلم مش هيدوم، وفي يوم من الأيام ربنا هينصر الحق....ده وعد ربنا..... لازم نربي أولادنا على الصبر والثقة في وعد الله، واللي قال في كتابه الكريم:
“إِنَّ اللَّهَ لا يُحِبُّ الظَّالِمِينَ” [آل عمران:57].
🎀ممكن نحكي قصص زي ايه لولادنا توضح المعنى ده عندهم ...
في السيرة النبوية، هناك قصة عظيمة عن الظلم وكيف أن الله لا يترك المظلومين:

القصة دي حدثت في غزوة بدر، لما كان المسلمون في بداية دعوتهم، وكانوا أقل عددًا بكثير من جيش قريش. عمرو بن هشام، المعروف بـ "أبو جهل", كان من أعداء الإسلام، وكان يقود قريش ضد المسلمين في بدر. ظل يظلم المسلمين ويطاردهم ويعرض حياتهم للخطر.

لكن النبي صلى الله عليه وسلم، رغم الظلم الكبير الذي تعرض له الصحابة، قال لهم:
"يا معشر المسلمين، لا تحزنوا ولا تيأسوا، فإن الله معنا."

وتحقق وعد الله في النهاية، المسلمين انتصروا في بدر رغم قلة عددهم وضعفهم، بينما أبو جهل لقى نهايته في المعركة، وقريش كانت مهزومة، والظلم الذي مارسوه على المسلمين لم يستمر.

الدرس من هذه القصة هو أن الظلم مهما طال، في النهاية ينقلب على الظالم، وأن الله دائمًا مع المظلومين، وعندما يكون الظلم واقعًا على أحد، فالله لا يتركه أبدًا، بل يبعث له نصرًا في الوقت الذي لا يتوقعه.

🎯 فلسطين قضيتنا، مش قضية جيل وانتهت!
شاركوا البوست.. يمكن نكون سبب إن طفل يكبر فاهم وعارف الحقيقة! ✊🇵🇸
Ragab Certified Parenting Coach & Behavior Modification Specialist

#لحجزالجلسات و الاستشارات واتس اب فقط 010 92955905

#غزة ُغيَّب

• إيه أهم حاجة ضاعت منك فى حياتك؟.. طب هو المهم اللى ضاع منك ده أساسًا هو حاجة واحدة بس ولا ييجي بتاع 3 أو 4 حاجات كده؟.. فلوس، ناس، فرص .. طب لو جه حد من الباب للطاق وبمنتهى الجنان واللامنطق قال لك تعالا هرجع لك كل اللى ضاع منك؟.. زي ما اتكتب في قسم القصص الإنسانية في جريدة "نيويورك تايمز" ده حصل فعلاً فى الثمانينات وتحديدًا سنة 1983 لما كان فيه برنامج تليفزيونى شهير اسمه (Dream house).. برنامج مسابقات بيعتمد على طرح أسئلة على المتسابقين واللى بيكسب بتكون قيمة جايزته مالية ضخمة.. حاجة كده شبه برنامج "من سيربح المليون".. كانوا بيختاروا المتسابقين إزاى؟.. عن طريق استقبال جوابات منهم بتقول لهم فيها أنا عايز أشترك وبيعملوا قرعة وبيختاروا كل حلقة الناس اللى هتشارك.. منتج البرنامج راجل مليونير تقيل كان بيصرف ببذخ عليه من خلال شركته.. لحد ما فى مرة وقبل نهاية الموسم الأول من حلقاته البرنامج استقبل أغرب رسالة ممكن تيجى.. رسالة من المواطن " تيد هاريس " بيقول فيها: (تقولون أنكم تحققون الأحلام، وأنا حلمى أنا أسترجع كل ما ضاع منى طوال سنوات عمرى؛ فهل ساعدتونى؟) .. "تيد" وقتها كان شاب عنده 30 سنة.. وزنه معدى الـ 150 كيلو.. مستواه الإجتماعى متوسط.. ذكى حياتيًا بس مش بتاع مذاكرة؛ بالتالي مش متفوق دراسيًا بس أهو كان بيعدى.. فشل في الإرتباط بالبنت اللى حبها بسبب وزنه.. عشان بيحب الحسابات كان نفسه يشتغل محاسب في بنك بس ولإن تقديره في الكلية ضعيف مقدرش يحقق الحلم ده واشتغل شغلانة تانية غصب عنه كاشير في مطعم بيتزا بقاله سنتين.. "تيد" كان عنده شعور قوى إنه كل ما بيحب حاجة بتضيع منه؛ بالتالى فحياته عبارة عن مجموعة من الحاجات اللى بتضيع ورا بعض عمّال على بطّال.. فريق البرنامج لما جت الرسالة سألوا نفسهم طب هو إيه اللى ممكن يتعمل لـ الشاب ده يعنى!.. ده عايز دكتور نفسى مش إشتراك في مسابقة.. طنشوا الرسالة.. لكن ولإن المنتج راجل بتاع شو ودماغه متكلفة ودايماً بيدور على اللقطة الحلوة قرر يغير طبيعة البرنامج لمدة حلقة واحدة بس ويسموها الحلقة السوبر (Super episode).. تعالا يا عم "تيد" إحنا هنخليك تسترجع كل اللى ضاع منك بس مادام قررنا نعتبرها لعبة فهنلعبها في كل التفاصيل.. تمام؟.. تمام بس إزاى؟.. هنشوف كل الحاجات اللى ضاعت منك في حياتك وهنرجعهالك.. كلها بمعنى كلها.. يعنى إيه؟.. معاك أسبوع بالظبط أقعد كده مع نفسك وهات ورقة وقلم وأكتب أى حاجة شايف إنها ضاعت منك غصب عنك حتى لو تافهة أو صغيرة وسلمنا الورقة دى وملكش دعوة بحاجة.. ماتنساش.. ماتكتبش أحلامك لكن أكتب اللى أنت شايف إنه ضاع منك فقط لا غير.. "تيد" عصر دماغه وكتب كل حاجة.. كتب ماركة العربية اللى كان نفسه يجيبها ولما بدأ يجمع فلوسها ويحوشه سعرها ارتفع فضاعت منه.. كتب إسم حبيبته اللى كان نفسه يتجوزها بس ضاعت بسبب وزنه.. كتب الوظيفة اللي كان نفسه فيها بس ضاعت بسبب قلة درجته.. كتب إسم صاحب عمره اللى كان بيحبه بس خسره بسبب حركة غباوة من "تيد" وهزار سخيف قدام الناس انتهى بالقطيعة بينهم.. كتب كمان الحاجات الهبلة.. عدد كل فرد الشرابات اللى ضاعت منه طول حياته سواء أثناء غسيل أمه في الغسالة أو بعد ما بيلموا الغسيل.. العملات المعدنية الصغيرة وكل الفلوس القليلة اللى كانت بتضيع وبتقع منه في المدرسة وهو عيل قعد يحسبها وكتبها.. أوووبس طبعاً اكتشف إنها ثروة.. سلمهم الورقة وهنا جه دور البرنامج.. لمدة أسبوع كامل بدأوا وكانت الصفقة معاه كالتالى: إحنا هنعوضك بكل اللى ضاع منك وهنصورك في حياتك الجديدة وهنعرض ده على الناس.. حاجة كده زى التليفزيون الواقعى فى ستار أكاديمى.. وافق.. اتفقوا مع حبيبته القديمة ودفعوا لها فلوس عشان تتجوزه.. جابوله ماركة العربية اللي كان نفسه فيها.. شغلوه مدير حسابات في بنك.. رجعوا العلاقة بينه وبين صاحب عمره واللى كان بقى مريض سرطان للأسف وبيعيش أواخر أيامه.. لحد هنا الأمور تمام التمام.. لكن تأتى الأيام بما لا تشتهى السفن.. الكام يوم اللى اشتغلهم "تيد" في البنك اكتشف إنه مش قادر يستحمل ضغط الشغل ولا دقته والغوص وسط لوكشة الأرقام والموضوع جه على أعصابه وكان بيتلخبط كتير وعمل كذا غلطة كارثية.. ماركة العربية اللى جابوهالوا هى كانت عربية سبور وشيك ومحندقة وموديل لُقطة آه بس كان بيحشر فيها جسمه بالعافية وماكنش محتاج أكتر من 9 أيام وهو سايقها عشان يبتدى ضهره يوجعه من القعدة والكرسى الضيق بتاعها وبدأ يحن لـ عربيته الضخمة القديمة الـ GMC واللى شبع تريقة بسببها.. حبيبته اللى رجعت تانى وبدأوا يجهزوا لجوازهم إبتدى يشوفها من نظرة مختلفة وهما بيرتبوا.. نظرتها مادية بحتة وجشعة؛ طب وإيه الغريب يا عم "تيد" ما هى أساساً مرجعتش له إلا لما دفعوا لها فلوس!.. صاحبه لسوء الحظ مات في اليوم الـ 16 تقريباً وهو بيزوره وكان الموقف ده اللى كسر "تيد" حرفياً وقعد يفتكر إنه لو كانت علاقته بصاحبه لسه مقطوعة وعرف من بره بره إنه مات أكيد كان التأثير هيكون أقل عليه نفسياً من لما مات بين إيديه.. فجأة وبدون مقدمات "تيد" بيطلب من القائمين على البرنامج إنهم يوقفوا كل حاجة وإنه عايز يرجع لحياته القديمة وإنه راضى بكل حكمة القدر في كل اللى حصل قبل كده.. رغم الخسارة المادية للفلوس اللى اتدفعت والدعاية اللى اتعملت على مدار شهر كامل "استنوا الحلقة السوبر، استنوا الحلقة السوبر" كل ده بقى بخ.. بس هما ماكنوش محتاجين أكتر من اللى اتصور عشان هما كمان يوصلوا لنفس المعنى اللى وصل له "تيد".. وافقوا إنهم يلغوا كل ده وظهر "تيد" في حلقة خاصة فى نهاية موسم البرنامج بيحكى هو والمنتج عن التجربة اللى ماتذاعتش وعلمتهم كلهم إن مفيش حاجة إسمها إن فيه شىء بيضيع فى المطلق حتى لو كنت شايف عكس كده فى الأول.

• كل واحد فينا لما بييجى يبص لكل اللى بيحصل معاه بعد فترة بيفهم والأيام بثبت له إن فيه حكمة متدارية ماكنش شايفها فى وقتها.. (عاطل، لسه متجوزتيش، سقطت، مش بتخلف، حاجة طارت من إيدك).. بكل اللغات و في كل الأديان و مع كل البشر دايماً كل اللى بيحصل خير.. هو الأصح ليك حتى لو ماشوفتش ده فى لحظتها.. ناس قليلين اللى بيقدروا يحسوا ده ويعيشوا بيه.. الحمدلله على كل حاجة حصلت وبتحصل وهتحصل.. مفيش حاجة بتضيع.. مفيش حد بيضيع .. الفيلسوف "تيري جويلمتس" بيقول : (البشر كقطع الشطرنج يحركها الله بيديه دومًا كما يشاء هو، وقتما يشاء هو؛ ولصالحهم هم).
Ragab Certified Parenting Coach &Behavior Modification

#لحجزالجلسات و الاستشارات واتس اب فقط 010 92955905