S.P.G

من الدار للنار
سامحوني البوست ده طويل شوية بس مهم لينا كلنا
مع انتشار ظاهرة الانتحار
علاقة الأب والأم باولادهم علاقة معقدة لأبعد الحدود وتفاصيلها الصغيرة بتشكل كوارث في أغلب الوقت وصعوبتها انها بتحدد بنسبة كبيرة تعدي ال 70% من مصير حالتهم النفسية 😓
التعقيد في العلاقة دي إن الطرفين مبيبقوش مستوعبين دماغ بعض في أغلب الأحيان
اللي الأب فاكره هيفرحهم مبيبقاش هو ده اللي هما عايزينة
واللي الأم فاهمة انه ناقصهم مبيكونش هو ده مصدر اهتمامهم ✋
طريقة تعبير الأب أو الأم عن الحب ممكن متكونش هي دي الطريقة المناسبة واللي توصلهم الشعور ده
ولأن قدرتهم علي التعبير ضعيفة جدا مبيقدروش يوصلوا بشكل سليم ومباشر اللي هما عاوزينة أو اللي ناقصهم
ولأن في معظم الوقت بناخد كلامهم بإستخفاف وعدم اهتمام
بتتولد المشكلة الحقيقية
ان عدم الاهتمام ده بيولد جواهم مع الوقت اهتزاز في ثقتهم بنفسهم وبيخلق حالة من اللامبالاة لكل حاجه حواليهم لأن ببساطه الأشخاص اللي هو كان منتظر منهم الشعور بالاهتمام معملوش كده فا اللي هيحصل انه مش هيهتم بأي حاجه حوالية وأول حاجه هيهملها هي شخصيتة ونفسه
الحياة أقصر بكتير من ان احنا نضيع وقت فيها وهما مش في حضننا والحاجات الكتير اللي منسيانا أو شغلانا عنهم مهما كانت مهمه فا هي مش اهم منهم
صحيح احنا مينفعش كل وقتنا يبقي ليهم
بس لازم هو يحس انه شاغل حيز من وقتك وانه مهم وانه مش مهمل بالنسبالك وان حياته هي الأولوية الأولي عندك
ولادنا امانه في أدبنا هنتحاسب عليها يوم القيامة 🥺