MYN STORE

"أبطال في الكواليس"
(رحلة الصمود بين آخر الشهر وأول الأمل)
اللي بيقبضوا من ٥ لـ ٨ آلاف... ولسه مكملين مش عارف إزاي.
اللي بيصحى كل يوم بدري،
يودي ولاده المدرسة،
ويحسب كل جنيه قبل ما يشتري حاجة.
اللي بيقبض ٥ أو ٨ آلاف،
وبيشيل بيت وأسرة ومسؤوليات أكبر من المرتب بألف مرة،
بس عمره ما اشتكى.. يمكن تعب، يمكن دفع لوحده،
بس مكمل.
اللي كل شهر بيحاول يقسم المرتب كأنه بيعمل معجزة،
إيجار، مدرسة، كهربا، دواء،
ولسه بيحاول يفضل حاجة بسيطة لفرحة ولاده آخر الشهر.
اللي ساعات بياكل لقمة وهو قلقان من بكرة،
بس بيقول "الحمد لله"،
وبيكمل كأن الدنيا تمام،
علشان محدش يحس إنه تعبان.
فيه ناس كتير بتتكلم عن التطور عن الكاريير عن الحوافز
بس في الحقيقة...
فيه أبطال في الكواليس،
بيخلّوا كل دا ممكن،
من غير ما ياخدوا لا شكر ولا تقدير ولا حتى زيادة.
لكل موظف مرتبه بسيط بس ضميره كبير،
لكل واحدة بتشتغل وبتساعد جوزها علشان تكمّل الشهر،
لكل أب بيضحي بنفسه علشان ولاده يعيشوا أحسن منه...
إنتوا أبطال حقيقيين.

"مش عارف أبدأ منين"

كنت فـي فترة غريبة جدًا من حياتي.
كل يوم عندي أفكار كتير، حماس لحاجات كتير، لكن مفيش حاجة بتكمل.
أفتح فيديو عن "العمل الحر"، أتحمس… بعد يومين أفقد الشغف.
أقعد أدوّر على فكرة مشروع، أقول "المرة دي هابدأ فعلاً"،
وبعدين ألاقي نفسي تايه وسط تفاصيل ملهاش آخر.

كنت عايز أعمل حاجة تدخل دخل إضافي،
بس كمان تكون حاجة أفتخر بيها… حاجة ليها معنى.
بس الصراحة؟ كنت مش عارف أبدأ منين، ولا حتى أبدأ بإيه.
هنا السؤال
كل الناس بتدور على البدايه
هل انت تعرف البدايه فين؟
#البدايةمنين