CBC Lab

✨ سرعة الترسيب ✨
كلنا بنقول عملت تحليل سرعة ترسيب ، او أنا عندي سرعة ترسيب بس محدش عارف هي سرعة ترسيب أي اصلا 😏
سرعة الترسيب هي سرعة ترسيب الدم و اختصاره ESR .. طبعا أنت خدت الاختصار وجريت 😒 خد تعالا هنا اعرف أصل الاختصار ..
Erythrocyte sedimentation rate
الفحص دا بقي بيكشف عن الالتهابات في الجسم
طب ازاي بيتم ؟ 🤔
بيتم عن طريق سحب عينة من الدم ثم وضعه في انبوب رفيع وقياس سرعة ترسيب خلايا الدم الحمراء في قاع الانبوب 🧪.
حيث ان خلايا الدم الحمراء تترسب بشكل أسرع لما يكون في نشاط التهابي داخل الجسم .
طب ليه ممكن الدكتور يطلب منك فحص سرعة ترسيب الدم ؟ 🤓
ببساطة لان الفحص دا بيعطي فكرة عن حاجتين :
👈وجود التهاب او عدوي داخل الجسم .
👈مدي جدوي العلاج و مدي تفاقم المرض .
طب هل في حاجات ممكن تأثر علي نتيجة الفحص ؟ 🙃
أه .. زي :
🔹الحمل
🔹الدورة الشهرية
🔹الانيميا
طب اي بقي القيم الطبيعية لفحص سرعة ترسيب الدم؟ 🧐
المعدل الطبيعي لهبوط الكريات الدموية في انبوبة الاختبار خلال ساعة :
◀️ اقل من 15 ملم/ساعة عند الذكور البالغين ( أقل من 50 عام )
◀️ أقل من 20 ملم/ساعة عند الاناث البالغات ( أقل من 50 عام )
◀️ أقل من 30 ملم/ ساعة عند الاناث البالغات ( اكثر من 50 عام )
◀️ 0 الي 2 ملم/ساعة عند الاطفال حديثي الولادة
◀️ 3 الي 13 ملم/ساعة عند الاطفال حتي سن البلوغ
طب عارف أي هي اسباب زيادة سرعة الترسيب؟ طب انخفاضها طيب؟ طب كمل كمل 😌👩🏻‍🦯..
⚠️ اسباب ارتفاع سرعة ترسيب :
🔹 حالات العدوي مثل : اصابة العظام و الجلد بالعدوي.
🔹 مرض السُل & الالتهاب الرئوي & التهاب الزائدة الدودية .
🔹 بعض الامراض المناعية مثل : مرض الذئبة الحمراء و الالتهاب المفصلي الروماتويدي .
🔹 الانيميا .
🔹 أمراض الكُلي .
🔹 أمراض الغدة الدرقية .
🔹 السرطانات مثل : سرطان الخلايا الليمفاوية او سرطان الخلايا البلازمية .
🔹 التهاب الاوعية الدموية.
🔹 التقدم في العمر .
🔹 الحمل .
⚠️ اسباب انخفاض سرعة الترسيب :
🔹 زيادة كريات الدم الحمراء .
🔹 زيادة نسبة السكر في الدم .
🔹 فشل القلب الاحتقاني .
🔹 ارتفاع نسبة كريات الدم البيضاء .
🔹 فقر الدم المنجلي .
🔹 أمراض الكبد .
طيب عرفنا أي هي سرعة الترسيب و ازاي بيتم الاختبار و اسباب ارتفاعها وانخفاضها .. جي وقت العلاج 👩🏼‍⚕️ :
الطبيب بيشخص الحالة و بيعرف سبب الالتهاب و سرعة الترسيب أي و بيوصف بعض الادوية
زي :
👈مضادات الالتهابات غير الاسترويدية .
👈إذا كانت العدوي هي السبب بيوصف بعض المضادات الحيوية لمكافحة العدوي دي .
دُمتم اصحاء 🌹







ً

☎️035555467
☎️01225515911
☎️01284347914

- تعرف حاجة عن مرض البواسير ؟
يعني إيه بواسير ؟
أسبابها ؟ علاجها ؟ طب تحمي نفسك ازاي منها ؟
اقرأ هتعرف 🧏🏻♥️
✨ البواسير -Hemorrhoids ✨
-أول حاجة في الموضوع، يعني إيه بواسير ؟😶
البواسير هي عبارة عن أوردة بارزة ومنتفخة ومتورمة وملتهبة وحالتها حالة 🤷🏻‍♂️، وبتكون في فتحة الشرج (A**s) وفي الجزء السفلي من المستقيم (Re**um).
- طب أعرف ازاي ان عندي بواسير ! ايه اعراضها !
1️⃣ الألم المتفاوت في الشدة وعدم الراحة
2️⃣ ممكن مريض البواسير يلاحظ نزول دم بعد قضاء حاجتة
3️⃣ الحكة في منطقة الشرج
4️⃣ ظهور تكتلات أو ورم أو أجسام غريبة مؤلمة أو انتفاخ حول فتحة الشرج
5️⃣ أحياناً مريض البواسير بيعاني من تسرب البراز 🙆🏻‍♂️
- لا اله الا الله 😢 طب أسباب المرض دا ايه !🤔
✨ أهم أسباب الاصابة بالبواسير هو انتفاخ وتورم الاوعية الدموية في المنطقة دي واللي بيسببه الضغط الزايد عليها، ودا هسردلك أهم العوامل اللي بتخلقه في كام نقطة🏃🏻‍♂️:
1️⃣ الوزن الزايد او ال Obesity
2️⃣ الإسهال المزمن وعلي النقيض برضو، الامساك المزمن 🙆🏻‍♂️
3️⃣ الجلوس لفترات طوييييلة، وعلشان كدا السواقين 🚕🛺أكثر الناس عرضة للإصابة بالبواسير + أشباح الموتسيكلات اللي راكبينها ليل نهار + الناس اللي بتسرح وبتنام وهي كرسي التواليت 🚽🏃🏻‍♂️🏃🏻‍♂️
4️⃣ التقدم في السن🙆🏻‍♂️، لأن كل ما الجسم يكبر كل ما الانسجة الداعمة لأوردة المستقيم بتضعف ولذلك الأوردة بتنقبض 💔
5️⃣ الشذوذ الجنسي 🏳️‍🌈
6️⃣ ممكن الحمل يسبب ضغط شديد خصوصاً لو الأم عندها سمنة فدا كله مصدر ضغط وبيسبب بواسير
7️⃣ رفع الاثقال في الجيم بشكل خاطئ 🏋🏻‍♂️
- هو ممكن يكون في مضاعفات للمرض بجانب المرض نفسه والألم الناجم من أعراضه ؟🤔
ايوا 🧏🏻
✨ احتمالية اصابة مريض البواسير بالأنيميا بتكون معقولة بسبب الدم اللي بيفقده
✨ ممكن المريض يوصل لمرحلة البواسير المخنوقة ودي حالة بتحصل لما بينقطع الامداد الدموي للباسور ووقتها الألم بيكون عظيم 💔.
- طب طرق الوقاية ايه !!😥
✨ تجنب الاكثار من الشطة والتوابل الحارة ولو عندك أعراض بواسير يبقا تمنعها بشكل نهائي ❌، ودا بسبب ان الشطة والتوابل الحارة بتسبب تهيج للأوعية الدموية الملتهبة ودا بيزود المشكلة لو كانت في بدايتها
✨ احمي نفسك من التوتر والاكتئاب والعصبية لانهم بيسببو اضطرابات للجهاز الهضمي وبالتالي ممكن يوصل بيك الحال للاصابة بالبواسير،
✨ الرياضة ثم الرياضة ثم الرياضة بشكل يومي
✨ الإكثار من شرب السوائل يبشه 🧃💧
✨ سرعة التوجه لدورة المياة عند الحاجة، يعني متضغطش علي نفسك 🤷🏻‍♂️
✨ الحفاظ علي تناول الاطعمة الغنية بالالياف ( خضروات + فواكه+ حبوب ) لانها بتحمي من الامساك واللي هو سبب مهم للاصابة بالبواسير اساساً
✨ الامتناع عن الجلوس لفترة طويلة في المدرجات لو انت طالب جامعي او لو شغال سواق او او او، وكذلك الوقوف بالمناسبة
- طب بالنسبة للعلاج طبب اذا حسيت بالأعراض اللي فوق دي ؟؟😢
في حالة انك حسيت بالأعراض دي عندك أو عند حد اشتكالك يبقا ضروري تتوجه لدكتور جهاز هضمي يعملك فحص علشان تطمن وفي الحاجات دي بلاش كسوف لان لو لحقت المرض في بدايتة هيوفر عليك تعب وبهدلة وألم شديد ف بلاش كسوف 🙆‍♂️







ً

☎️035555467
☎️01225515911
☎️01284347914