Lean Six Sigma Lab

"الإدارة مش مستوعبة فكرة التحسين .. ومش عارف أبدأ منين.."

الإدارة مش هتستوعب فكرة التحسين (نقطة ومن أول السطر)

الإدارة هتستوعب إن شغلك في التحسين:
- يوفر فلوس أو وقت
- يزود الإنتاجية
- يعالج مشكلة جودة حالية

القايمة ممكن تطول
لكن دول أقوى 3 حاجات لو شغلك ليه ارتباط مباشر بيهم
والحاجة اللي شغال عليها، الشركة فعلاً بتعاني منها = شغلك هيبان ويكون ليه معنى

مش كل الشركات والإدارات خصوصا في ظل الظروف الحالية بتقدر الشغل الاستراتيجي للتحسين المستمر ... ومهمتك تشوف الحاجة الملحة الآن وتشتغل عليها

علشان كده اللي بيشتغل في التحسين المستمر لازم يكون في حالة تعلم مستمرة

و من خلال شغلي الـ 15 سنة اللي فاتت في أدوار مختلفة في الانتاج والجودة والتحسين المستمر وحاليا في استشارات التحسين المستمر والتميز التشغيلي

لقيت إن في بعض المهارات لازم اكتسابها وبعض المجالات لازم تعلمها على سبيل المثال:

1️⃣بناء استراتيجية وخطة عمل للتحسين المستمر

2️⃣ معرفة تطبيق أفضل الممارسات العالمية في التميز التشغيلي

3️⃣قراءة وفهم مؤشرات الآداء للإدارات المختلفة مثل:

- المبيعات وسلاسل الإمداد والإنتاج والجودة إلخ
- وكذلك فهم مؤشرات الآداء المالية والمحاسبية

4️⃣إدارة مشاريع التحسين

5️⃣إدارة الإجتماعات اليومية واجتماعات الآداء

6️⃣بناء فرق العمل

7️⃣أساليب حل المشاكل وطرق التحليل الجذري

8️⃣ فهم طبيعة الصناعة وتحدياتها ونوع العملاء ومتطلباتهم

9️⃣ معرفة أفضل الممارسات العالمية في الصناعة اللي بتشتغل فيها

🔟وأخيرًا الحصول على شهادة دولية في اللين والستة سيجما مثل شهادات الـ ASQ للحزام الأخضر والأسود

فيه مجالات ومهارات تانية غير تقنية، غير ملموسة، ولكن بعضها إداري وبعضها مهارات شخصية؛ خاصه بالتعامل مع البشر، ممكن نعملَّها بوست تاني

وأخيرًا ركز على بناء خبرة عملية في المجالات دي، مش مجرد معرفة نظرية.

التطبيق العملي هو اللي هيفرق معاك أثناء الاحتكاك الحقيقي بسوق العمل

♻️شير البوست مع زميلك المهتم بالمجال

📩عندك سؤال أو استفسار؟ ابعتلي رسالة

كيف تُحدد الأهداف بالبركة؟

هي طريقة تقليدية نستخدمها لتحديد الأهداف سواء على مستوى الأفراد أو الشركات

ومن صور تحديد الأهداف بالبركة لدى الشركات:

• التخمين العشوائي
• نسخ أهداف السنة الماضية
• نسخ أهداف السنة الماضية مع التعديل قليلاً
• تحديد نسبة 10% كهدف للتحسين دائماً
• انتظار ما يقرره المدير
• اتباع ما تفرضه الإدارة العليا

وعادة ما تكون النتيجة ؟
- أهداف غير واقعية
- تحسينات محدودة
- إحباط الفريق
- ضياع الفرص
-
أحد الحلول يكمن في أستخدام المقارنة المعيارية أو القياس المقارن (Benchmarking)!

لماذا المقارنة المعيارية أفضل؟

• تعتمد على بيانات حقيقية
• تستند على تجارب ناجحة
• تحدد مستويات طموحة وممكنة
• تدفع نحو تحسينات جذرية
• تخلق تنافسية إيجابية

ومن أهم أنواع المقارنة المعيارية:

1. داخلية: مقارنة العمليات بين الأقسام داخل نفس المؤسسة
2. تنافسية: مقارنة الأداء مع المنافسين المباشرين
3. وظيفية: مقارنة العمليات مع مؤسسات خارج القطاع
4. عامة: البحث عن أفضل الممارسات بغض النظر عن القطاع

هناك بعض المخاطر التي يجب تجنبها أثناء المقارنة المعيارية:

• النسخ المباشر للممارسات دون مراعاة الوضع والحالة الخاصة للمؤسسة
• تجاهل الفروق الثقافية والتنظيمية بين الشركات سواء في الدولة الواحدة أو الدول المختلفة
• عدم الالتزام بالسرية وحماية المعلومات
• التسرع في التنفيذ دون تخطيط كافٍ

📈 مثال بسيط:

شركة حققت نسبة إنتاجية 65% واستمرت في وضع هدف تحسين 10% سنوياً
وباستخدام المقارنة المعيارية بعد فترة زمنية، اكتشفت أن المعيار العالمي 98%!

فالتحسين المستمر مهم ولكن غير كافي، والمقارنة المعيارية ضرورية لعمل قفزات غير مسبوقة في الآداء استنادًا على مؤشرات السوق والمنافسة

وكما يقول علماء الإدارة: ما لم يمكن قياسه، لا يمكن إدارته، وما لا يمكن إدارته لا يمكن تحسينه

📌 كيف تقوم بتحديد الأهداف في شركتك؟

اكتب لي في التعليقات أو ابعت رسالة