Winme2

انا فرمت توم و خزنته
و انا قطعت كرمب و محشي و فرزته
و انا تبلت فراخ و شيلتها
و انا عملت تجهيزات رمضان
انا :

لحظه ادراك ان رمضان داخل وانا معايا أفضل وأحن ، شخص في الدنيا "

اوقات الفينو بيقعد عندي بالايام من غير ما اقرب ليه ولا حتي يجي في بالي ! اجي اروح عند ماما الاقي رغيف فينو علي السفره و حتة جبنه رومي اروح اعمل احلي ساندوتش جبنه رومي في الدنيا ، في حالة ان الجبنه الرومي عندي ممكن تفضل في التلاجه لحد ما تنشف و تترمي !!
اكيد فيه سر .. كل حاجه عند ماما و بابا احلي الفاكهة اللي بَجيبها عندي و تفضل مركونه و عندهم تحلى في عيني احلي، الشاي بالنعناع اللي مابفكرش اشربه في بيتي اصلا هناك بيحلىَ ،القعدة أحلي ، والله حتي كوباية المياه هناك احلي !! ❤
يا رب خليهم ليا و لأخواتي و ما تحرمنيش منهم أبدا و بارك في اعمارهم و اعمالهم الصالحة و صحتهم و عافيتهم و لا تريني فيهم بأساً يشقيني