Gate Solutions

ايه اول موقع ممكن تفكر في لما تفكر تحجز للسفر اون لاين ؟
الاجابة بتكون دايما " Booking.com " ،و ده لأن الموقع أولا اعتمد علي Computer Reservation System و هو نظام حجز إلكتروني بيقوم بحفظ المعلومات و البيانات و القيام بعملية الحجز، و اللي استخدمته شركات الطيران في البداية ، الموقع ده كمان اعتمد علي استخدام الطرق الصح في مجال Digital Marketing ، و ده اللي خلاه يتميز عن غيره من مواقع زي "Expedia" و " Travelocity".
السؤال الأهم : ايه اللي خلاه موقع "Booking.com" يتميز عن غيره من المواقع ؟
- حقق الموقع عدد زيارات ضخمة في شهر أغسطس عام 2015 وده كان عن طريق Direct Traffic ، و ده كان طول شهور السنة معادا شهرين بس ، سبتمبر و نوفمبر ، و قرر مؤسسي الموقع ان افضل وسيلة لزيادة الزيارات في الوقت ده هتكون Paid Search و Display Ads.
- من اسباب نجاح الموقع ، هو الاستخدام الصح لل SEO Methods ، و اللي كان بيظهر الموقع في اوائل نتائج البحث ، وده عن طريق استخدام " الكلمات " و "Link Referrals" ، اللي معظم المستخدمين بيبحثوا عنها في موقع Google
- التسويق الرقمي مش مجرد سلعة و لازم تحقق مبيعات ، بس هو تحديد ال Need لكل عميل و تسهيل عملية البحث في دقايق محدودة و ده اللي عمله موقع Booking.com بطريقة غير مباشرة :
· لو قررت مثلاٌ اتك تختار مكان ، و المكان ده هيكون في الوقت اللي أنت محددة غالي ، فالموقع بيعرض عليك اماكن تانية بتكون في نقس المستوي بس بسعر أقل.
· كمان بيتبع نظام الشفافية و بيظهر اخر مستخدم دخل علي الفندق ده كان من قد ايه بالظبط "41 دقيقة مضت"
· و اخيرا ، بيوصلك رسالة غيرمباشرة عن طريق Call to Action و بينصحك و انت علي Page ان الأماكن محدودة و ان دلوقتي افضل وقت تقدر تحجز في لان في مكان واحد بس
- ال Engagement اللي بعتبر من اهم العوامل اللي بتخلي اي Brand ينتشر بشكل كبير ، وده اللي عمله الموقع عن طريق الاعلان عن مسابقة بيقولوا للناس فيها انهم يستمتعوا بالصيف و بصوروا افضل الاوقات اللي استمتعوا بيها و تحوليها الي GIFs , و ان افضل صورة هتفوز بجايزة من الموقع .
العالم كله بقي يستخدم وسائل ال Digital Marketing وده لانها بقت وسيلة سهلة و تقدر من خلالها توصل لانواع مختلفة من العملاء في وقت أقل و تكلفة مش كبيرة مقارنة بالطرق التقليدية، لو عرفت تستخدم الطرق الصحيحة علشان تعمل ده

"عندي حلم"
خطاب واحد قدر يلهم ويؤثر في ملايين، بس يا ترى إزاي تستفيد ككاتب محتوى بخطاب مارتن لوثر كينغ واللي ألقاه عند نصب لنكولن التذكاري في 28 أغسطس 1963 أثناء مسيرة واشنطن للحرية.
✦ اتكلم بصدق
الـ Tone of voice الصادقة اللي استخدمها كينغ في الخطاب كانت هي السبب وراء تفاعل الجمهور معاه لأنه اعتمد على لغة بسيطة وسهلة علشان تناسب فئات عمرية مختلفة ببساطة الأسلوب والمرادفات المعروفة والمشهورة في الوقت ده.
أول درس: استخدم لغة بسيطة وسهلة، متفتكرش أنك لما تستخدم لغة معقدة هتاخد البراند معاك في مكان أعلى بس بالعكس كل ما كانت الجملة سهلة، كل ما كنت قريب للناس ووصلت رسالتك أسرع.
✦ التكرار
دايمًا بيقولوا التكرار بيعلم الشطار، وده اللي حصل مع كينغ أنه كرر بعض الكلمات المهمة والمعبرة علشان توصل وتثبت الرسالة اللي كان حابب يوصلها، فكرر جملة ‘let freedom ring’ أكتر من عشر مرات.
ثاني درس: لما تعمل كونتت بلان او اسكريبت أو حتى كونسبت لبراند كرر بعض الكلمات وادمجها مع البراند بتاعك علشان تثبت مع التارجت أودينس ويفتكرها أول ما يحس أنه محتاج الخدمة دي.
✦ الكلام العكسي
لوثر كينغ في خطابه استخدم مصطلح اسمه chiasmus وهو استخدام جملة واحدة وعكسها، وفي الأغلب هتكون سمعت الأغنية دي "متقولش ايه اديتنا مصر، قول هتدي ايه لمصر"- من غير قلش- ده مجرد مثل.
ثالث درس: الجملة اللي تخليك تفكر فيها رغم بساطتها بتثبت أنك كوبي رايتر بصحيح.
✦ وختامًا
الجملة الختامية هي الجملة اللي بتكون الأكثر تآثيراً في الخطاب ككل وختمها وقال:
"Free at last! Free at last! Thank God Almighty, we are free at last!"
رابع درس: اوعى تنسي الـ Call To Action وخليك فاكر أن وجود الجملة الختامية وأنك تطلب من التارجت أودينس أنهم يعملوا رد فعل معين هو هدفك من كتابة كوبي محترمة.