Nassar Auto Service Center

خد بالك دائره الهواء فى عربيتك حاجة مهمة جدا .. أوووى تهمل فيها
1- فلتر الهوء: بالمختصر لو مش نظيف او جديد يخنق العربيه ويزود استهلاك البنزين
2- حساس Air Mass: وده مش موجود ف كل العربيات ولكن لو موجود فله دور اساسي ومهم في سحب العربيه وكفاءه الحريق وده بيتم تنظيفه باي سبراي جاف ممنوع الاسبراي بتاع البوابه ولازم ميكونش ف تسريب هوا بينه وبين مدخل البوابه ولو عطل او اتفصلت الفيشه او وجد تشقق فالكاوتشه بينه وبين البوابه ففي اغلب العربيات الموجود بها العربيه مبتدورش
3- البوابه :ودي بقي اتكلمنا عنها في اكتر من موضوع عن تنظيفها وبرمجتها ممكن تدور عليهم عالجروب👇
4- حساسات البوابه: زي حساس الTPS وفالف الايدل ووجود اي عطل فيهم يخنق العربيه وييبطلها عالسلانسيه بالاضافه لضرب المدافع والتنتيش
5- حساس الMAP: وده حساس مهم ايضا لانه بيقيس فرق الضغط داخل المانيفولد وخارجها ولو فيه خطأ فالقرايه فالعربيه هتبرجل واحتمال كبير تبطل ولو عايز تنظفه يبقي لازم سبراي جاف
6- المانيفولد: وده المكان اللي بيتجمع فيه الهوا والبنزين مع بعض قبل ما يدخلوا غرفه الحريق ولو فيه اي تسريب هوا ليها من اي مكان غير البوابه العربيه تعلي الار بي ام بتاعها ومبتسحبش خالص

#منقول

7 اسباب بيخلو سحب العربية ضعيف

1. الفتيس
يعتبر ناقل الحركة أو الفتيس من أهم أسباب ضعف السحب، وذلك في حالة تلف الديسك والأسطوانة، وذلك أيضًا يؤدي إلى ارتفاع درجة الحرارة المحرك.
2. الرشاشات
وهي المسؤولة عن ضخ البنزين بكميات معينة في غرفة الاحتراق للاختلاط مع الهواء بنسب معينة، وفي حالة التلف يضخ الرشاش كميات أقل من المنسوب الطبيعي ويؤثر ذلك على عملية سحب السيارة.
3. حساس الشكمان
وهو المسؤول عن مزج الهواء والبنزين بكميات معينة والمسؤول عن ضعف سحب السيارة.
4. فلتر الهواء
في حالة انسداد فلتر الهواء يؤدى إلى ضعف سحب السيارة، ويجب تنظيفه باستمرار وتغيبره بعد قطع مسافة في حدود من 20 إلى 25 ألف كيلومتر.
5. بوابة الهواء
ويجب تنظيفها من وقت إلى آخر لأنها من العوامل المؤثرة على سحب السيارة.
6. البوجيهات
ويجب تغيير البوجيهات والأسلاك الموصلة كل 20 ألف كيلومتر، بسبب تكوين طبقة كربونية بالأسلاك الموصلة بعد فترة مما يؤدى إلى ضعف الشرارة الناتجة منها.
7. البنزين
من أكثر المؤثرات على سحب السيارة، وذلك لعدم نقاء البنزين المستخدم، ولذلك يجب عمل دورات تنظيف باستخدام الأوكتان مع البنزين كل فترة زمنية قصيرة.

منقول

كل عام و انتم بخير عام جديد سعيد 🎉🎉🎉🎉

النهاردة هنتكلم عن موضوع في غاية الأهمية وهي الشنابر اللي بتركب علي (البساتم) المعني الدارج بالسوق أو (pistons rings). 👌

أول حاجة إية هى الفايدة من وجود الشنابر دى فى البستم ؟! 🧐

1- بيمنع تسريب الشحنة من السلندر وبالتالى بيعمل أقصى ضغط جوة السلندر.
2- بيمنع دخول الزيت جوة السلندر (بيكسح الزيت).
3- بينقل الحرارة من البستم لجدار السلندر علشان يتم تبريدها عن طريق الـ cooling passages.

وللعلم الشنابر اللى بتتركب بيبقي عددهم 3 منهم أتنين compression ring بيبقوا فوق وواحد oil ring بيبقي تحت.

تعالوا نتكلم الأول على شنابر الضغط اللى هما أول أتنين:-

- الشنابر دى مصممة عشان تمنع تسريب الشحنة وتحافظ علي أقصى ضغط ممكن عشان نستفيد من أقصى power وكمان بتقلل الـ friction ما بين البستم والسلندر.

طب فيه سؤال هنا هما لية أثنين ما واحد كان كفاية ؟
- الإجابة هي لأن الشنابر دى مصممة علي إنها تحافظ علي أقصى ضغط وتمنع التسريب.. لو أخذت بالك فى الصورة على اليمين فى شوط العادم هتلاحظ إن الشنابر بتفرد أو بتنضغط عند الحافة بتاعة الشنبر (groove) علي جدار الأسطونة وبكدة أول شنبر بيقفل وبيمنع تسريب.
-لكن تعالى فى شوط زى السحب كدة فى نفس الصورة هتلاقى إن الشحنة بتتسرب من أول شنبر لكن مبيحصلش أى تسريب من الشنبر التانى ودي إجابة سؤال هو ليه فيه أتنين شنبر عشان يحافظ علي أقصى ضغط ممكن وميحصلش أى تسريب.

-بعد كدة ييجى دور شنبر الزيت بقي ...
أول حاجة وهى كسح الزيت بحيث مبيخليش الزيت يدخل السلندر ويحترق فـ بيبقى عبارة عن أتنين شنبر وبينهم expander ودى بتعمل على زيادة الـ Tension وتماسك الشنابر عشان تكسح الزيت وكمان بترجع الزيت تانى عن طريق الفتحات اللى بتبقى موجودة فى البستم

اّخر معلومة عايز أقولها وهي إن زمان كان الشنابر سميكه وكبيرة مش زى دلوقتى خاااالص بقى سمك الشنبر أرفع وده سببه إن فى السرعات العالية الضغط على الشنابر بيكون قوى جداّ والـ inertia forces بيزيد جداّ فى السرعات العالية على الشنبر فـ عشان يخففوا من الـ force دى عملوه أخف وبسمك أرفع وبقى فى حدود 1.6mm بدل ما كان 6mm.

#منقول

موتور عربيتك هو قلب عربيتك وعشان تضمن الحفاظ عليه لأطول فترة ممكنة فيه تعليمات مهم تتبعها:

1 -تغيير الزيت: زيت المحرك ليه دور أساسي في خفض درجة حرارة موتور العربية وحمايته من الانصهار، كمان بيقلل الاحتكاك بين جزيئات المحرك المعدنية، وبيوفر زي بطانة لزجة بتمنع تآكل الموتور وبتطول من عمره.
عدم تغيير زيت المحرك في التوقيت المناسب، له أثار سلبية كبيرة على الموتور وبيقلل من عمره وبيزود من احتمالية الأعطال.

2 -تغير فلتر البنزين:
فلتر البنزين وظيفته إنه ينقي البنزين من الشوائب اللي فيه عشان يكون نضيف وهو داخل على الموتور، وعدم تغييره لفترة طويلة بيسبب في دخول الشوائب لطرمبة البنزين وبالتالي عدم سحب كمية صحيحة من البنزين للمحرك.

3 -الاهتمام بنظافة فلتر الهواء.

4 -تسخين العربية لمدة 30 ثانية قبل ما تمشي بيها.

5 -الاهتمام بالطنابير والفرامل، لأن كل ما أداء الفرامل كان كويس كل ما هيكون الحمل على الموتور أخف.