Hima

لو عاوز تجيب من الآخر في موضوع التمرين وتبدأ البداية المؤثرة والصح إل تحققلك نتايج تبسطك وترضيك

لو عاوز تقصر على نفسك كل المسافات إل هتمشيها من حيث وقتك وجهدك وفلوسك في الإتجاه ده فنصيحتنا ليك إنك تتجه لرياضة التدريب الوظيفي

لأنها ببساطة الرياضة الوحيدة إل فيها فيتنس حقيقي فيها تدريب ينمي كل عنصر من عناصر لياقتك البدنية كأنك هتتخصص فيه فيها لياقة بدنية فعالة وعملية والدوافع والمحفزات القوية ال تخليك تتجه للرياضة والنوع ده من التدريب دي كتيره منها دول👇👇👇

تأهيل وتدرج وتخطيط أحمال يحميك من الإصابات ويسهلك الصعب ويخليك مستمتع متحسش فيه بملل ويجهزك جدا لكل حاجة صعبة في اللعبة أو غيرها من مهام ذات متطلبات بدنية

إتقان حركي لكل تمرين ومهارة وبالتالي تأثير فعال ونتائج قوية على شكل الجسم وعناصر لياقته وشكل جميل للأداء

تنشيط ما يسمى بالغدد الصماء المسئولة عن إفراز الهرمونات وتحسين دورها الحيوي وبالتالي زيادة حجم عضلي وزيادة معدلات حرق الجسم وتحسن عام في عمليات الأجهزة الحيوية مثل الجهاز التنفسي والجهاز الهضمي كتأثير ناتج عن أداء هذه التمارين لطبيعتها الحركية المركبة

جاهزية بدنية وجسدية لأي مهام عشوائية طارئة خارج الصالة بتتطلب جهد بدني أيا كانت

تقوية لأربطة وأوتار المفاصل والعضلات المحيطة بها وبالتالي تجنب إصابات كتيرة منتشرة بين غير الممارسين أو الممارسين للرياضة بشكل غير منضبط بدون متابعة متخصص مثل إصابات أسفل الظهر وإصابات الركبة وغيرها من الإصابات المنتشرة بين رواد الجيمات أو لاعبي الكرة الهواة أو غيرهم

تحديات بدنية مختلفة ومتنوعة تديك فرصة كسب الثقة وكسر حواجز نفسية كتير تكتشف فيها حاجات كتير وتتعلم من خلالها حاجات أكتر

مجموعة حوافز قيمة جدا جدا مش هتلاقيهم مجتمعين غير في النوع ده من التدريب والإتجاه ده من الرياضات

فقصر على نفسك واعمل فيها معروف واجري شوف أقرب مكان ليك بيقدم التدريب ده وابدأ وجرب هتتبسط وتستفيد جدا بإذن الله